Nara Lokesh: విజయనగరం జిల్లా నెల్లిమర్లలో శంఖారావం సభ నిర్వహించారు. జాతీయ ప్రధాన కార్యదర్శి నారా లోకేశ్ ఈ సభలో మాట్లాడుతూ.. టీడీపీ, జనసైనికుల జోలికి వైసీపీ నేతలు వస్తే ఊరుకునేది లేదన్నారు. మీరు చొక్కాలు మడతపెడితే.. మేం మీ కుర్చీ మడత పెట్టి సీటు లేకుండా చేస్తామని సీఎం జగన్‌ను ఉద్దేశించి వ్యాఖ్యానించారు. ఎలా చేస్తామో చూపిస్తామంటూ ఓ కూర్చీని కూడా మడతపెట్టి చూపించారు. రాజధాని ఫైల్స్ సినిమా, రైతులంటే జగన్‌కు భయమేస్తోంది. ఆ సినిమా ప్రదర్శిస్తున్న థియేటర్ల వద్దకు పోలీసులను పంపారు. మూడు రాజధానులన్నారు.
ఇది కూడా చూడండి: hyderabad cricket association : మహిళా క్రికెటర్లతో అసభ్య ప్రవర్తన? కోచ్ను పదవి నుంచి తప్పించిన హెచ్సీఏ
ఉత్తరాంధ్రలో ఒక్క ఇటుకైనా వేశారా? మూడు ముక్కలాట ఆడుతున్న వైసీపీకు ప్రజలే బుద్ది చెబుతారు. మద్యపాన నిషేధం చేశాకే ఓటు అడుగుతానన్న జగన్ ఇప్పుడేం చెబుతారన్నారు. అయిదేళ్ల నుంచి విద్యుత్, ఆర్టీసీ ఛార్జీలు పెంచుకుంటూ వెళ్తున్నారు. ఈ ప్రభుత్వంలో సాక్షి క్యాలెండర్ తప్ప.. జాబ్ క్యాలెండర్ వచ్చిందా? యువత జగన్‌ను నిలదీస్తారని అతను పరదాలు కట్టుకుని తిరుగుతున్నారన్నారు. జగన్ ఎన్నో స్కామ్‌లు చేశారన్నారు. జగన్ అధికారంలోకి వచ్చిన తర్వాత దోచుకోవడమే పనిగా పెట్టుకున్నారని లోకేశ్ విమర్శించారు.
ఇది కూడా చూడండి: Congress: ఎన్నికల ముందు స్తంభించిన కాంగ్రెస్ బ్యాంకు ఖాతాలు
