»Elon Musk Why Is Musk So Paid This Is The Highest Remuneration In Corporate History
Elon Musk: మస్క్కు ఎందుకు అంత వేతనతం? కార్పొరేట్ చరిత్రలో ఇదే అత్యధిక పారితోషికం
అన్ని రకాల ప్రయోజనాలు కలిపి 2018లో ఎలాన్ మస్క్ 55 బిలియన్ డాలర్లు (దాదాపు రూ.4.5 లక్షల కోట్లు) వార్షిక వేతనం అందుకున్నారు. టెస్లా సీఈఓ ఎలాన్ మస్క్ 2018లో అందుకున్న భారీ వేతనాన్ని వదులుకోవాలని డెలావర్ కోర్టు తీర్పు వెలువరించింది.
Elon Musk: టెస్లా సీఈఓ ఎలాన్ మస్క్ గురించి ప్రత్యేకంగా పరిచయం అక్కర్లేదు. అయితే మస్క్ 2018లో అందుకున్న భారీ వేతనాన్ని వదులుకోవాలని డెలావర్ కోర్టు తీర్పు వెలువరించింది. అన్ని రకాల ప్రయోజనాలు కలిపి 2018లో ఎలాన్ మస్క్ 55 బిలియన్ డాలర్లు (దాదాపు రూ.4.5 లక్షల కోట్లు) వార్షిక వేతనం అందుకున్నారు. కార్పొరేట్ చరిత్రలో ఇదే అత్యధిక పారితోషికం. దీంతో ఆయన ప్రపంచ కుబేరుల్లో ఒకడిగా నిలిచారు. అయితే మస్క్కు అధికంగా చెల్లించారంటూ వాటాదారుల్లో ఒకరైన రిచర్డ్ టోర్నెట్టా కోర్టును ఆశ్రయించారు.
ఎలాన్ మస్క్ ప్రపంచంలోనే అత్యంత ప్రతిభావంతుడైన పారిశ్రామికవేత్త.. అతని విలువైన సమయాన్ని కంపెనీ కోసం వెచ్చించాలనే ఉద్దేశంతో అంత మొత్తం చెల్లించామని డైరక్టర్ల తరపున న్యాయవాది కోర్టుకు వివరించారు. దీనిపై విచారణ జరిపిన న్యాయమూర్తి కాథలీన్ మెక్కార్మిక్ మాత్రం వేతన ప్యాకేజీని నిర్ణయించడంలో తప్పు జరిగిందని.. ఈ నిర్ణయాన్ని వాటాదారులందరికీ తెలియజేసి, వాళ్ల ఆమోదం తీసుకున్నట్లు ఆధారాలు లేవని తెలిపారు.