Bombay High Court ruled that the relationship between a thirteen-year-old girl and an older boy was love
Bombay High Court: పదమూడేళ్ల అమ్మాయి ఇంట్లోంచి పారిపోయి 26 ఏళ్ల యువకుడితో కలిసి ఉంటుంది. తన మైనర్ కూతురుని అత్యాచారం చేశాడంటూ తండ్రి పోలీసులను ఆశ్రయించాడు. దాంతో పోక్సో చట్టం కింద కేసు నమోదు చేసి నిందితుడిని కోర్టులో నిలబెట్టారు. ఇరువైపుల వాదనలు విన్న కోర్టు వీరి మధ్య ఉన్నది కామం కాదు ప్రేమ అని తీర్పు వెలవరించింది. ఈ కేసులో నిందితుడికి బెయిల్ మంజూరు చేస్తూ.. బాంబే హైకోర్టు నాగ్ పూర్ బెంచ్ ఈ తీర్పు ఇచ్చింది.
చదవండి:YS Sharmila: టీడీపీ అధినేత చంద్రబాబును కలిసిన షర్మిల
మహారాష్ట్రకు చెందిన ఓ పదమూడేళ్ల బాలిక, నితిన్ ధాబేరావ్ (26) అనే వ్యక్తితో పారిపోయింది. పుస్తకాల కోసం కొట్టుకు వెళ్లిన కూతురు తిరిగి రాకపోవడంతో తండ్రికి అనుమానం వచ్చింది. తన కూతురును నితిన్ తీసుకెళ్లిపోయాడని పోలీసులను ఆశ్రయించాడు. అతని ఫిర్యాదుతో పోలీసులు నితిన్ పై పోక్సో చట్టం కింద కేసు నమోదు చేశారు. దర్యాప్తు చేపట్టిన పోలీసులు అన్ని చోట్ల గాలించి నిందితుడిని అరెస్టు చేశారు. నిందితుడు బెయిల్ కోసం దరఖాస్తు చేసుకోగా బాంబే హైకోర్టు నాగ్ పూర్ బెంచ్ విచారించింది. ఈ సందర్భంగా నిందితుడి వాదనను, బాధితురాలి స్టేట్ మెంట్ ను పరిశీలించిన జస్టిస్ ఊర్మిళ జోషి ఫాల్కే బెయిల్ మంజూరు చేశారు. ఇద్దరి మధ్య ఉన్నది లవ్ ఎఫైర్ మాత్రమేనని వ్యాఖ్యానించారు. అమ్మాయిని బలవంతంగా తీసుకెళ్లలేదని, నితిన్‌పై అమ్మాయి ఫిర్యాదు చేసినట్లు ఎక్కడా లేదని జడ్జి పేర్కొన్నారు. దీన్ని లైంగిక దాడిగా పరిగణించలేమని పేర్కొన్నారు.
చదవండి:Arvind Kejriwal: ఢిల్లీ సీఎంకు నాలుగోసారి ఈడీ సమన్లు
