South Africa-India second test.. Bumrah took 5 wickets
SA vs IND: దక్షిణాఫ్రికా-భారత్ (SA vs IND) జట్లు తలపడుతున్నాయి. ఈరోజు తుది టెస్టు మ్యాచ్లో రెండో రోజు ఆట కొనసాగిస్తున్నారు. సఫారీ జట్టు మొత్తం 176 పరుగులు చేసింది. మార్క్రమ్ సెంచరీ పూర్తి చేసి 106 పరుగులు సాధించాడు. భారత్ టార్గెట్ కేవలం 79 పరుగులు మాత్రమే. తొలి ఇన్నింగ్స్ లో సౌత్ ఆఫ్రికాను 55 రన్స్‌కే ఆలౌట్ చేసి, ఆనంతరం భారత్ 153 పరుగులు చేసింది. ఇక తుది మ్యాచ్లో ఇండియన్ బౌలర్స్ చెలరేగిపోయారు.
చదవండి:CM Jagan: రెండేళ్ల తరువాత లోటస్‌పాండ్‌కు సీఎం జగన్
బుమ్రా ఈరోజు మరో నాలుగు వికెట్లు తీసి సఫారీ జట్టును కట్టడి చేశాడు. ఓవర్‌నైట్ 62/3 స్కోరుతో నేడు ఇన్నింగ్స్‌ను కొనసాగించిన దక్షిణాఫ్రికాకు తొలి ఓవర్‌లోనే ఎదురు దెబ్బ తగిలింది. బుమ్రా బౌలింగ్‌లో ఫోర్ కొట్టిన బెడింగ్‌హామ్‌ (11) అదే ఓవర్‌ చివరి బంతికి కీపర్ కేఎల్ రాహుల్‌కు దొరికాడు. దీంతో 66 పరుగుల వద్ద నాలుగో వికెట్‌ను కోల్పోయింది. తరువాత మార్క్రమ్ హాఫ్ సెంచరీ చేశాడు. తరువాత 21.1వ ఓవర్లో బుమ్రా విసిరిన బంతిని ఆడబోయిన వెరీన్‌ (9) సిరాజ్‌ చేతికి చిక్కాడు. దీంతో 85 పరుగుల వద్ద దక్షిణాఫ్రికా ఐదో వికెట్‌ను కోల్పోయింది. మరో బ్యాటర్‌ జాన్సన్‌ను (11), 23.5వ ఓవర్లో క్యాచ్ అవుట్ చేశాడు. అలాగే కేశవ్‌ (2)ను కూడా బుమ్రా ఔట్‌ చేశాడు. ప్రస్తుతం దక్షిణాఫ్రికా స్కోరు 36.5 ఓవర్లలో 176 పరుగులు చేశారు.
చదవండి:Uttar Pradesh: రామమందిరంతో పాటు నిన్ను పేల్చేస్తామంటూ.. సీఎంకి బెదిరింపులు
