Malla Reddy: యశోద ఆసుపత్రిలో చికిత్స పొందుతున్న తెలంగాణ మాజీ సీఎం కేసీఆర్‌ని మాజీ మంత్రి మల్లారెడ్డి పరామర్శించారు. తర్వాత మాజీ మంత్రి కేటీఆర్‌ను కలిసి కేసీఆర్ ఆరోగ్యం గురించి వివరాలు అడిగి తెలుసుకున్నారు. అనంతరం మీడియాతో మాట్లాడుతూ కేసీఆర్ త్వరగా కోలుకోవాలని కోరుకుంటున్నట్లు తెలిపారు. అలాగే కేసీఆర్ కళ్లల్లో వత్తులు వేసుకుని మరీ తెలంగాణను దేశంలోఒక మోడల్‌గా తయారు చేశారు. బీఆర్ఎస్ పాలనలో రాష్ట్రం చాలా అభివృద్ది చెందిందని మల్లారెడ్డి తెలిపారు.
ఇది కూడా చూడండి: Ayyappa mala: అయ్యప్ప మాల ధారణ స్కూల్ యాజమాన్యం నో ఏంట్రీ!
రాష్ట్రంలో అన్ని సదుపాయాలు మెరుగుపడ్డాయి. కేసీఆర్ సీఎంగా లేనందుకు ప్రతి ఒక్కరూ చాలా బాధపడుతున్నారు. లోకల్‌గా ఎమ్మేల్యేకు ఓటు వేయకూడదని ప్రజలు భావించారు. కానీ కేసీఆర్ ముఖ్యమంత్రిగా ఓడిపోతారని జనాలు అనుకోలేదని మల్లారెడ్డి అన్నారు. కేటీఆర్ లేని హైదరాబాద్‌ను ఐటీ ఉద్యోగులు చూడలేకపోతున్నారని తెలిపారు. తెలంగాణ ముఖ్యమంత్రి రేవంత్ రెడ్డికి ఓ విజ్ఞప్తి చేశారు. రాష్ట్రంలో ఐటీ, రియల్ ఎస్టేట్ రంగాలను కాపాడాలని కోరుతున్నానని మల్లరెడ్డి తెలిపారు.
ఇది కూడా చూడండి: Harihara Veeramallu: కోసం రంగంలోకి మరో డైరెక్టర్?
