RX 100 Director 'Mangalavaram' Coming!
Mangalavaram: ‘ఆర్ ఎక్స్ 100’ సినిమాతో దర్శకుడిగా అజయ్ భూపతి తనకంటూ ప్రత్యేకమైన గుర్తింపును తెచ్చుకున్నాడు. యూత్‌కి ఆ సినిమా బాగా కనెక్ట్ అయింది. ఆ తరువాత చేసిన ‘మహా సముద్రం’ సినిమా ఏ మాత్రం ఆకట్టుకోలేకపోయింది. అందుకే కొంత గ్యాప్ తర్వాత డిఫరెంట్ టైటిల్‌తో సినిమా చేస్తున్నాడు. ఆ కథ పేరే ‘మంగళవారం’. పాయల్ రాజ్‌పుత్ హీరోయిన్‌గా నటిస్తోంది. ఫస్ట్ సినిమా ఆర్ఎక్స్ 100తోనే కుర్రాళ్లను కట్టిపడేసింది అమ్మడు. కాకపోతే ఆ తర్వాత వరుస ఆఫర్స్ అందుకున్నప్పటికీ.. క్లిక్ కాలేకపోయింది. అందుకే ఇప్పుడు మరోసారి అజయ్ భూపతితో కలిసి వస్తోంది. ఈ ఇద్దరి ఆశలన్నీ మంగళవారం మీదే ఉన్నాయి.
చదవండి: Colors Swati: విడాకులపై షాక్ ఇచ్చిన నటి!
ఇటీవల రిలీజైన మంగళవారం టీజర్‌కి సూపర్బ్ రెస్పాన్స్ వచ్చింది. అలాగే ‘గణగణా మోగాలిరా’ సాంగ్ కూడా అదిరిపోయింది. తాజాగా మంగళవారం రిలీజ్ డేట్ అనౌన్స్ చేశారు. నవంబర్ 17వ తేదీన మంగళవారం సినిమాని రిలీజ్ చేస్తున్నట్లు ప్రకటించారు. ఈ అనౌన్స్మెంట్‌ సందర్భంగా మేకర్స్ వదిలిన పోస్టర్ చాలా కలర్ ఫుల్‌గా ఉంది. పాయల్ పల్లెటూరి అమ్మాయిలా సీతాకోక చిలుకలతో ఆడుకుంటూ కనిపించింది. ఇక ఈ సినిమా ఇంతవరకు ఎవరు టచ్ చేయని జోనర్‌లో ఉంటుందని అంటున్నాడు అజయ్ భూపతి. సినిమాలో దాదాపు 30 పాత్రలు ఉంటాయని, అవి సినిమాకు హైలెట్‌గా నిలుస్తాయని అంటున్నారు. ఈ సినిమాకు కాంతార ఫేమ్ అజనీష్ లోక్‌నాథ్ సంగీతం అందిస్తున్నాడు.
