»Another Twist In The Drug Case The Names Of Celebrities In The Cellphones Of The Accused
Drugs Case: డ్రగ్స్ కేసులో మరో ట్విస్ట్.. నిందితుల సెల్ఫోన్లలో సెలబ్రిటీల పేర్లు
హైదరాబాద్ డ్రగ్స్ కేసుపై పోలీసులు విచారణను ముమ్మరం చేశారు. పోలీసుల అదుపులో 18 మంది ఉన్నారు. వీరిచ్చిన ఆధారాల ద్వారా కీలక సమాచారాలను సేకరించారు. నిందితుల వద్ద సినీ సెలబ్రిటీల ఫోన్ నంబర్లను గుర్తించారు. దీంతో ఈ కేసు మరింత కీలకం కానుంది.
మాదాపూర్ డ్రగ్స్ కేసులో మరో ట్విస్ట్ నెలకొంది. నిందితుల సెల్ పోన్లలో సినీ ప్రముఖుల నంబర్లు ఉండటంతో ఈ కేసు సంచలనంగా మారింది. ఈ కేసుకు సంబంధించిన విషయాలను పోలీసులు చాకచక్యంగా ఛేదించారు. మొదట నైజీరియన్ల నుంచి డ్రగ్స్ కొనుగోలు చేశాక ఓ పార్టీ నిర్వహిస్తారు. ఆ రేవ్ పార్టీలకు సినీ, రాజకీయ మిత్రులను ఆహ్వానించి మత్తు పదార్థాలను ఎర వస్తారు. అమ్మాయిలను రప్పించి ప్రముఖులతో క్లోజ్గా ఉండేలా చేస్తారు. ఆ తర్వాత వారి ద్వారా నగదును భారీ మొత్తంలో పొందుతుంటారు.
ఆ డబ్బుతో సినీ నిర్మాతగా అవతారం ఎత్తి పలుకుబడి సాధిస్తారు. మాదాపూర్ డ్రగ్స్ కేసులో ఇటీవలె అరెస్ట్ అయిన 8 మంది నిందితుల పరిస్థితి ఇలానే సాగింది. రాష్ట్ర యాంటీ నార్కోటిక్స్ బ్యూరో పోలీసులు నిందితుల కాల్ డేటా ఆధారంగా సినిమావాళ్ల నంబర్లను సేకరించారు. నిందితులు బాలాజీ, రాంకిశోర్, కల్హర్రెడ్డి సెల్ఫోన్లలో ఆ నంబర్లు ఉన్నాయి.
సినీ నిర్మాతలు రవి ఉప్పలపాటి, వెంకట రత్నారెడ్డిలకు డ్రగ్స్ సప్లయ్ చేసేవారి వివరాలను కూడా సేకరించి దర్యాప్తును ముమ్మరం చేశారు. బెంగళూరులోని నైజీరియన్ల నుంచి బాలాజీ కొకైన్, హెరాయిన్, ఎల్ఎస్డీ బ్లాట్లు తీసుకొచ్చి రాంకిశోర్ ద్వారా హైదరాబాద్ లోని సినీ ప్రముఖులకు ఇచ్చేవారు. మాదాపూర్, గచ్చిబౌలిలోని రెంటల్ అపార్ట్మెంట్లలో రేవ్ పార్టీలు చేసి 18 మందికి డ్రగ్స్ విక్రయించారు.
సుశాంత్ రెడ్డి, ఇంద్రతేజ, కలహర్ రెడ్డి, రాంచంద్, అర్జున్, ఉప్పలపాటి రవి, సురేష్, సూర్య, శ్వేత, కార్తిక్, నర్సింగ్, రాంకుమార్, ప్రణీత్, సందీప్, హిటాచీ, అజీమ్, అంజద్కు డ్రగ్స్ విక్రయించినట్లుగా వెంకట్ పోలీసుల వద్ద ఒప్పుకున్నాడు. ప్రస్తుతం పోలీసులు అదుపులో ముగ్గురు నైజీరియన్లు ఉన్నారు. వారితో పాటుగా మాజీ ఎంపీ కుమారుడు దేవరకొండ సురేష్ రావు, రాంచంద్, సందీప్, సుశాంత్ రెడ్డి, శ్రీకర్ కృష్ణ ప్రసాద్లు ఉన్నారు. వీరి నుంచి కీలక సమాచారం సేకరించిన పోలీసులు కోర్టులో పిటీషన్ కూడా వేశారు. హీరో నవదీప్కు కూడా నోటీసులు ఇవ్వనున్నట్లు తెలిపారు.