Mumbai Plane Crash: ముంబై విమానాశ్రయంలో ఘోర ప్రమాదం జరిగింది. ఓ ప్రైవేట్ చార్టర్డ్ విమానం ల్యాండ్ అవుతుండగా రన్‌వే నుంచి జారిపోయింది. విమానంలో ఆరుగురు ప్రయాణికులు, ఇద్దరు సిబ్బంది ఉన్నారు. ఈ ప్రమాదంలో ముగ్గురు వ్యక్తులు గాయపడ్డారు. వారిని చికిత్స నిమిత్తం ఆసుపత్రిలో చేర్చారు. విశాఖపట్నం నుంచి ముంబైకి వెళ్తున్న వీఎస్ఆర్ వెంచర్స్ లీర్‌జెట్ 45 విమానం వీటీ-డీబీఎల్ ముంబై విమానాశ్రయంలో రన్‌వే 27లో ల్యాండ్ అవుతుండగా జారిపడిందని డీజీసీఏ తెలిపింది. విమానంలో 6 మంది ప్రయాణికులు, ఇద్దరు సిబ్బంది ఉన్నారు. భారీ వర్షం కారణంగా దృశ్యమానత 700 మీటర్లు మాత్రమే ఉంది. ఘటనా స్థలంలో సహాయక చర్యలు కొనసాగుతున్నాయి.
చదవండి: Drugs Case: డ్రగ్స్ కేసులో మరో ట్విస్ట్.. పరారీలో హీరో నవదీప్, బేబీ మేకర్స్‌కు నోటీసులు
VSR Ventures Learjet 45 aircraft VT-DBL operating flight from Visakhapatnam to Mumbai was involved in runway excursion (veer off) while landing on runway 27 at Mumbai airport. There were 6 passengers and 2 crew members on board. Visibility was 700m with heavy rain. No casualties…
— ANI (@ANI) September 14, 2023
చదవండి:6 Airbags Rule: కారులో 6 ఎయిర్‌బ్యాగ్‌లు కంపల్సరీ ఏం కాదు.. వెనక్కి తగ్గిన సర్కార్
రెండు ముక్కలైన విమానం
ఈ ప్రమాదం తర్వాత వీడియోలో ముంబై విమానాశ్రయంలో వర్షం మధ్య రన్‌వే సమీపంలో విమాన శకలాలు కనిపిస్తాయి. ప్రమాద సమయంలో విమానంలో మంటలు చెలరేగాయి. అత్యవసర సేవల ద్వారా దాన్ని అదుపులోకి తెచ్చారు. లియర్‌జెట్ 45 అనేది కెనడాకు చెందిన బొంబార్డియర్ ఏవియేషన్ విభాగంచే తయారు చేయబడిన తొమ్మిది సీట్ల సూపర్-లైట్ బిజినెస్ జెట్.
