ఓ రైతు పగతో పులులను చంపిన సంఘటన తమిళనాడులో చోటుచేసుకుంది. నీలగిరి జిల్లాలో శేఖర్ అనే రైతు ఉన్నాడు. తన ఇంటి వద్ద ఆవులు, మేకలను ఆయన పెంచుకునేవాడు. రెండు రోజుల క్రితం ఆ రైతు ఊరికి సమీపంలో రెండు పులులు మృతదేహాలను స్థానికులు గమనించి అటవీశాఖ అధికారులకు సమాచారం ఇచ్చారు. అధికారులు ఆ పులుల మృతిపై విచారణ చేశారు. అయితే పోస్టుమార్టం రిపోర్టులో వారికి షాకింగ్ విషయం తెలిసింది.
చదవండి: Phone Pe: రికార్డు సృష్టించిన ‘ఫోన్ పే’.. ఆ విషయంలో తిరుగులేదు!
పులులు పురుగుమందు తాగి చనిపోయినట్లుగా అధికారులు నిర్ధారించారు. చనిపోయిన పులుల పక్కన ఆవు కళేబరాన్ని అటవీశాఖ అధికారులు గుర్తించారు. నీలగిరి అటవీ పరిధిలో 20 మంది అధికారులు కలిసి లోతైన దర్యాప్తు చేపట్టారు. ఈ తరుణంలో అనుమానం వచ్చి శేఖర్‌ను అరెస్ట్ చేశారు. తమ స్టైల్‌లో విచారణ చేపట్టగా ఆ రైతు అసలు విషయం చెప్పాడు.
చదవండి: Nipah virus : కేరళలో విజృంభిస్తోన్న నిపా వైరస్..ఇద్దరు మృతి
తాను ఎంతో ఇష్టంగా పెంచుకున్న తన ఆవును ఆ పులులు చంపి తినేశాయని, వాటి మీద పగ పెంచుకునే ఆ పనిని చేసినట్లు రైతు ఒప్పుకున్నాడు. పులులు చనిపోవడానికి విషం పెట్టినట్లు విచారణలో వివరించాడు. ఆవును చంపడంతో దానికి ప్రతీకారంగానే ఆ పనిని చేసినట్లు ఒప్పుకున్నాడు. దీంతో అటవీశాఖ అధికారులు కేసు నమోదు చేసి రైతు శేఖర్‌ను అరెస్ట్ చేశారు.
