ప్రస్తుతం తెలుగులో తెలుగులో ఐకాన్ స్టార్ అల్లు అర్జున్ (Allu Arjun) హిట్ సీక్వెల్ ‘పుష్ప2’లో నటిస్తోంది రష్మిక. అలాగే వెంకీ కుడుముల దర్శకత్వంలో రూపొందుతున్న సినిమాలో నితిన్ సరసన మరోసారి రొమాన్స్ చేస్తోంది. కానీ ఊహించని విధంగా ఈ ప్రాజెక్ట్ నుంచి తప్పుకుంది అమ్మడు. ఇక ‘రెయిన్‌బో’ అనే లేడీ ఓరియెంటేడ్ ప్రాజెక్ట్ కూడా చేస్తోంది. మరో వైపు బాలీవుడ్‌లో జెండా పాతేందుకు గట్టిగా ట్రై చేస్తోంది రష్మిక. ఇప్పటికే గుడ్ బై, మిస్టర్ మజ్ను చిత్రాలతో బాలీవుడ్‌లో లక్ చేసుకుంది.
ఈ సినిమాలు బాక్సాఫీస్ దగ్గర చేతులెత్తేశాయి. అయినా రష్మిక(Rashmika)కు బాలీవుడ్‌లో గట్టి డిమాండ్ ఏర్పడుతోంది. ప్రస్తుతం అర్జున్ రెడ్డి డైరెక్టర్ సందీప్ రెడ్డి వంగా తెరకెక్కిస్తున్న ‘యానిమల్’ సినిమాలో రణ్‌ బీర్‌ కపూర్‌(Ranbir Kapoor)తో కలిసి నటిస్తోంది. ఇంకా కొన్ని బాలీవుడ్ ప్రాజెక్ట్స్ చర్చల దశలో ఉన్నాయి. మొత్తంగా ప్రస్తుతం రష్మిక కెరీర్ ఫుల్ స్వింగ్‌లో ఉంది. అయితే గతంలో తాను వదులుకున్న భారీ ఆఫర్లను తలుచుకొని ఇప్పుడు తెగ ఫీల్ అవుతోంది రష్మిక. తాను గతంలో మెగాస్టార్ చిరంజీవి, కోలీవుడ్ స్టార్ హీరో విజయ్‌లతో కలిసి నటించే అవకాశం వచ్చినా కూడా వదులుకున్నాని చెప్పుకొచ్చింది.
చిరు ‘ఆచార్య’, దళపతి విజయ్ ‘మాస్టర్’ సినిమా(Master’ movie)ల్లో ముందుగా రష్మికనే అనుకున్నారట. కానీ అమ్మడు నో చెప్పిందట. దీంతో అంత పెద్ద స్టార్స్‌తో అవకాశం రావడం అదృష్టమని, అలాంటిది అవకాశాలు చేజార్చుకోవడం బాధనిపించింది అంటూ చెప్పుకొచ్చింది. అందుకే.. సినిమా ఇండస్ట్రీలో ఎప్పుడు ఏం జరుగుతుందో ఎవరూ చెప్పలేరని.. కొన్నిసార్లు అదృష్టం వరిస్తుంది.. కొన్నిసార్లు దురదృష్టం వెక్కిరిస్తుంది.. రీసెంట్‌గా ఓ సందర్భంలో చెప్పుకొచ్చింది. ప్రస్తుతం అమ్మడి కామెంట్స్ సోషల్ మీడియాలో వైరల్‌గా మారాయి.
చదవండి : ముద్దు పెట్టాలని చూసిన భర్త.. నాలుక కొరికేసిన భార్య
