వరంగల్ (Warangal) ప‌ర్య‌ట‌న‌కు వ‌చ్చిన ప్రధాని మోదీ (PM Modi) ప్రత్యేకంగా ఓ వ్యక్తిని కలుసుకున్నాడు. ఆటిజం(Autism)తో బాధపడుతున్న ఆ వ్యక్తి పేరు కామిశెట్టి వెంకట్ (Kamisetty Venkat). ప్రధాని మోదీ ఈ యువకుడ్ని కలుసుకోవడంతో అసలు ఆ యువకుడు ఎవరంటూ అందరూ సోషల్ మీడియాలో వివరాలు తెలుసుకుంటున్నారు. ప్రధాని మోదీయే స్వయంగా ఆ యువకుడిని పవర్‌హౌస్ లాంటి వాడని అభివర్ణించడం విశేషం.
నరేంద్ర మోదీ చేసిన ట్వీట్:
అసాధారణమైన కామిశెట్టి వెంకట్ ప్రతిభకు, యువశక్తికి ఒక పవర్‌హౌస్. ఆటిజం అతనిని అడ్డుకోలేకపోయింది, పాడటాన్ని కొనసాగించాడు. నాటు నాటు పాట పాడడంతో పాటు ఆ పాటకు నృత్యం కూడా చేశాడు. ఆయన మనోధైర్యాన్ని నేను అభినందిస్తున్నాను. pic.twitter.com/1UkqrTTwA9
— Narendra Modi (@narendramodi) July 8, 2023
చదవండి: BCCI : క్రికెట్‌లో కొత్త రూల్.. కీలక నిర్ణయం తీసుకున్న బీసీసీఐ!
వైకల్యం అతడ్ని ఆపలేకపోయిందని, వెంకట్‌ను హత్తుకుని ప్రధాని మోదీ (PM Modi) అన్నారు. ఆ యువకుడి పాట, నృత్యం చూసి వెన్నుతట్టి ప్రోత్సహించారు. కామిశెట్టి వెంకట్(Kamisetty Venkat) పవర్ హౌస్ లాంటి వాడని, అతనిలో నైపుణ్యం ఉందని, అద్భుతంగా పాడాలనే కోరికను అతని ఆటిజం ఆపలేకపోయిందని ప్రధాని మోదీ అన్నారు.
చదవండి: Red Alert: ఉత్తరాది రాష్ట్రాల్లో భారీ వర్షాలు..12 మంది మృతి
కామెశెట్టి వెంకట్(Kamisetty Venkat) ‘నాటు నాటు పాట’ పాడుతూ డ్యాన్స్ వేయడంతో ప్రధాని మోదీ (PM Modi) సెల్యూట్ చేశాడు. ఈ విషయాన్ని తెలుపుతూ ట్వీట్ చేశారు. ప్రస్తుతం ప్రధాని పోస్ట్ నెట్టింట వైరల్ అవుతోంది. ఆటిజం బాధితుడికి ప్రధాని మోదీ అండగా నిలవడం గొప్పవిషయమని పలువురు కామెంట్స్ చేస్తున్నారు.
