టాలీవుడ్ యంగ్ హీరో వరుణ్ తేజ్, హీరోయిన్ లావణ్య త్రిపాఠి డేటింగ్లో ఉన్నారని ఇటీవల పుకార్లు వచ్చాయి. ఈ క్రమంలో విశ్వసనీయ వర్గాల సమాచారం ప్రకారం ఈ జంట జూన్ 9న నిశ్చితార్థం చేసుకోవాలని యోచిస్తున్నట్లు తెలుస్తోంది. సన్నిహిత వర్గాల మధ్య నిశ్చితార్థ వేడుకకు జరగనుందని సమాచారం. అయితే ఇది వారి ఇళ్లలో లేదా హైదరాబాద్‌లోని ఒక ప్రదేశంలో జరుగుతుందని తెలుస్తోంది.
వరుణ్ తేజ్, లావణ్య త్రిపాఠి ఇద్దరూ ప్రస్తుతం దేశం వెలుపలే ఉన్నారు. అయితే వారు జూన్ 1న సాయంత్రం హైదరాబాద్‌కు తిరిగి వస్తారని తెలుస్తోంది. ఈ నేపథ్యంలో వీరి వివాహ ప్రణాళికలకు సంబంధించి అధికార ప్రకటన అతి త్వరలో రాబోతుందని వినిపిస్తోంది. వరుణ్ తేజ్ తండ్రి నాగబాబు, అతని సోదరి నిహారికకు కూడా ఈ విషయం తెలిసినట్లు సమాచారం. ఈ నేపథ్యంలో వీరి పెళ్లి కొణిదెల కుటుంబానికి స్పెషల్ కానుంది.
ఈ గ్రాండ్ ఎంగేజ్‌మెంట్ వేడుకకు చిరంజీవి, రామ్ చరణ్, ఉపాసన కొణిదెల, సాయి ధరమ్ తేజ్, అల్లు శిరీష్, సుస్మిత కొణిదెల, శ్రీజ కొణిదెల, పవన్ కళ్యాణ్ అందరూ హాజరుకానున్నట్లు సమాచారం. అదనంగా ఈ వేడుకకు అల్లు అర్జున్, అతని కుటుంబం కూడా హాజరవుతారని అంచనా వేస్తున్నారు.
