శోభకృత్ నామ సంవత్సరం వైశాఖ మాసం విదియ ఈ రోజు. ఏ రాశి వారికి ఈరోజు కలిసి వస్తుంది? ఏ రాశి వారికి శనివారం ఎలా ఉంటుందో తెలుసుకోండి. ఈ రోజు రాశి ఫలాలు ఇలా ఉన్నాయి.
మేషం: బంధుమిత్రులతో విభేదాలు రాకుండా జాగ్రత్తపడాలి. ఆకస్మిక కలహాలకు దారి తీస్తుంది. చెడు సహవాసానికి దూరంగా ఉండాలి. శత్రువుల విషయంలో అప్రమత్తంగా ఉండాలి. మహావిష్ణు ఆరాధన చేయాలి.
వృషభం: ముఖ్యమైన కార్యక్రమాలు వాయిదా వేసుకోవాలి. అనవసరమైన ప్రయాణాలు చేస్తారు. డబ్బు విషయంలో జాగ్రత్తగా ఉండాలి. వివేకంతో ఆలోచించి నిర్ణయాలు తీసుకోవాలి. గురు ఆరాధన చేయాలి.
మిథునం: కోపాన్ని నియంత్రించుకోవాలి. క్షణికావేశం పనికి రాదు. కుటుంబంలో కలతలు ఏర్పడే అవకాశం ఉంది. మానసికంగా ధృడంగా ఉండాలి. ఆలోచనతో కొన్ని ముఖ్యమైన సమస్యల నుంచి బయటపడతారు. నవగ్రహ ఆరాధన మేలు చేస్తుంది.
కర్కాటకం: చేపట్టిన పనులకు అవాంతరాలు ఎదురవుతాయి. ధన నష్టం ఏర్పడే ప్రమాదం ఉంది. ముఖ్యమైన సమస్యల నుంచి బయటపడతారు. లక్ష్మీ ఆరాధన చేయాలి.
సింహం: మీ ఆలోచనలు ప్రణాళికగా అమలు చేస్తారు. బంధుమిత్రుల నుంచి ప్రశంసలు పొందుతారు. కొత్త వస్తువులు కొనుగోలు చేస్తారు. ముఖ్యమైన విషయాల్లో సత్ఫలితాలు పొందుతారు. ఇష్టదైవాన్ని ఆరాధించుకోవాలి.
కన్య: మీ పనుల్లో విజయం సాధిస్తారు. స్థిరాస్తులకు సంబంధించిన సమస్యలకు పరిష్కారం లభిస్తుంది. తొందరపాటు వ్యవహారాలు చిక్కులు తీసుకువస్తాయి. శ్రమ అధిక కాకుండా చూసుకోవాలి. నవగ్రహ ధ్యాన శ్లోకాలు పఠించాలి.
తుల: మీ పనుల్లో కొన్ని అవాంతరాలు, ఇబ్బందులు ఏర్పడతాయి. కొత్త వస్తువులు కొనుగోలు చేస్తారు. అనారోగ్య సమస్యలు ఇబ్బంది పెడతాయి. ప్రణాళికగా ప్రయత్నాలు చేయకపోవడంతో పరాభవం ఎదురవుతుంది. నవగ్రహ ధ్యానం చేయడం మేలు చేస్తుంది.
వృశ్చికం: గ్రహ బలం కొంత అనుకూలంగా ఉంటుంది. కుటుంబంలో మనశ్శాంతి లోపిస్తుంది. కొత్త వ్యక్తుల పరిచయం జరుగుతుంది. ఆకస్మిక భయాందోళనలు తొలగిపోతాయి. వృత్తి, ఉద్యోగ, వ్యాపార పరమైన అంశాల్లో మీకు సానుకూలంగా ఉంది. దైవారాధన మరచిపోకూడదు.
ధనుస్సు: శుభకార్యాలు మిమ్మల్ని ఆనందింపజేస్తాయి. శుభవార్తలు వింటారు. బంధుమిత్రులతో కలిసి విందులు, వినోదాల్లో పాల్గొంటారు. మీరు అనుకున్న లక్ష్యం సాధిస్తారు. ఇష్టమైన వారితో సమయం గడుపుతారు. ఇష్టదైవాన్ని పూజించుకోవాలి.
మకరం: చేసే ప్రయత్నాలు సఫలీకృతమవుతాయి. ప్రయాణాలు మీకు మేలు చేస్తాయి. ఒక శుభవార్త మిమ్మల్ని మానసిక ప్రశాంతత చేకూరుస్తుంది. హనుమాన్ చాలీసా పఠిస్తే అంతా మంచే జరుగుతుంది.
కుంభం: మానసిక ఉల్లాసం లభిస్తుంది. సోదరులతో వైరం ఏర్పడకుండా చూసుకోవాలి. మీ పనులకు ఇబ్బందులు ఎదురవుతాయి. శుభకార్యాల్లో పాల్గొని ఆనందంగా ఉంటారు. ముఖ్యమైన ప్రణాళికలు అమలు చేస్తారు. చంద్ర ధ్యానం మేలు చేస్తుంది.
మీనం: శారీరక శ్రమతో పాటు మానసిక ఆందోళనకు గురవుతారు. చిన్న పనులకు కూడా ఎక్కువ శ్రమించాల్సి వస్తుంది. కొత్త పనులు చేసే ముందు ఆలోచించి ముందడుగు వేయాలి. దుర్గాదేవి ఆరాధన చేయాలి.
