త్వరలో తెలంగాణలో 4 లక్షల మందికి ఉద్యోగాలు వస్తాయని ఐటీ శాఖ మంత్రి కేటీఆర్ అన్నారు. తెలంగాణలో మొబిలిటీ వ్యాలీ త్వరలోనే రానుందన్నారు. యంగెస్ట్ స్టేట్ ఇన్ ఇండియాగా తెలంగాణ అభివృద్ధిలో ముందుకు సాగుతోందన్నారు. మాదాపూర్ హెచ్ఐసీసీలో మొబిలిటీ నెక్ట్స్ హైదరాబాద్ సమ్మిట్2023 కార్యక్రమాన్ని నిర్వహించారు. ఈ కార్యక్రమంలో కేటీఆర్ పాల్గొన్నారు. మంత్రి నిరంజన్ రెడ్డి, వ్యాపార ప్రముఖులతో కలిసి ఈ మొబిలిటీ వ్యాలీ నమూనా బిల్డింగ్‌ను ప్రారంభించారు. కార్యక్రమంలో కేటీఆర్ మాట్లాడుతూ హైదరాబాద్‌లో మొబిలిటీ వీక్ ఈవెంట్ జరగడం ఆనందంగా ఉందన్నారు. హైదరాబాద్ వేదికగా పర్యావరణ పరిరక్షణ కోసం ఈవీ రంగాన్నీ ప్రోత్సహించాలన్నారు. తెలంగాణలో అనేక వనరులు ఉండటం వల్ల ఈవీ కంపెనీలు పెట్టుబడులు పెట్టేందుకు ముందుకు వస్తున్నాయన్నారు. వికారాబాద్, ఎల్కతాలలో 12 ఎకరాల్లో మొబిలిటీ వ్యాలీని ఏర్పాటు చేస్తున్నట్లు తెలిపారు. ఈ మొబిలిటీ వ్యాలీ ద్వారా రానున్న మూడేళ్లలో 50 వేల కోట్ల పెట్టుబడులు రానున్నట్లు తెలిపారు. అంతేకాకుండా 4 లక్షల మందికి ఉద్యోగాలు వస్తాయని ఐటీ శాఖ మంత్రి కేటీఆర్ తెలిపారు.
