సూపర్ స్టార్ మహేష్ బాబు, మాటల మాంత్రికుడు త్రివిక్రమ్ శ్రీనివాస్ కాంబినేషన్లో.. SSMB28 వర్కింగ్ టైటిల్‌తో ఓ భారీ ప్రాజెక్ట్ తెరకెక్కుతున్న సంగతి తెలిసిందే. పూజా హెగ్డే హీరోయిన్‌గా నటిస్తున్న ఈ మూవీని హారికా హాసిని క్రియేషన్స్ అత్యంత ప్రతిష్టాత్మకంగా నిర్మిస్తోంది. దాదాపుగా పుష్కర కాలం తరువాత మహేష్-త్రివిక్రమ్ కాంబో సెట్ అవడంతో.. అంచనాలు భారీగా ఉన్నాయి. రీసెంట్‌గానే హైదరాబాద్‌లోని అన్నపూర్ణ స్టూడియోస్‌లో ఈ సినిమా షూటింగ్ మొదలు పెట్టారు. అయితే లేటెస్ట్ అప్డేట్ ప్రకారం.. అన్నపూర్ణలో షూటింగ్ అయిపోయినట్టు తెలుస్తోంది. దాంతో లొకేషన్‌ను రామోజీ ఫిల్మ్ సిటీకి మార్చినట్టు సమాచారం.
అక్కడ వేసిన ప్రత్యేక సెట్‌లో భారీ యాక్షన్ సీక్వెన్స్ ప్లాన్ చేశారట. ఈ ఫైట్ బస్‌ నేపథ్యంలో భారీగా ఉంటుందని తెలుస్తోంది. ఇంతకుముందు త్రివిక్రమ్ సినిమాలో చూసిన హై ఓల్టేజ్ యాక్షన్ సీక్వెన్స్‌ను మించి ఈ ఎపిసోడ్ ఉంటుందని టాక్. సినిమాలో ఈ ఫైటే హైలైట్‌గా ఉంటుందని అంటున్నారు. ఇకపోతే ఇందులో మహేష్ బాబు సరికొత్తగా గడ్డంతో రఫ్ లుక్‌తో కనిపించనున్నాడు. ఇప్పటికే అందుకు సంబంధించిన ఫోటోలు సోషల్ మీడియాలో వైరల్ అవుతున్నాయి. దాంతో ‘అతడు’, ‘ఖలేజా’లాగే ఈ సినిమా కూడా ఫుల్ కిక్ ఇస్తుందనే నమ్మకంతో ఉన్నారు అభిమానులు. ఇక ఎస్.ఎస్. తమన్ సంగీతం అందిస్తున్న ఈ మూవీని.. వచ్చే సమ్మర్ కానుకగా 2023, ఏప్రిల్ 28న ప్రపంచ వ్యాప్తంగా భారీ స్థాయిలో రిలీజ్ చేయనున్నారు.
