'Kalki' key schedule? But right?
Kalki 2898 AD: ప్రభాస్ నటిస్తున్న కల్కి 2898 ఏడి మూవీ పై భారీ అంచనాలున్నాయి. నాగ్ అశ్విన్ డైరెక్ట్ చేస్తున్న ఈ సినిమా.. వైజయంతి మూవీస్ బ్యానర్ పై భారీ బడ్జెట్‌తో విజువల్ వండర్‌గా రూపొందుతోంది. అయితే.. ఇప్పటికే ఓ సారి కల్కి పోస్ట్ పోన్ అయింది. సంక్రాంతికి రావాల్సిన ఈ సినిమా మే 9కి షిఫ్ట్ అయింది. ఈసారి రావడం పక్కా.. అని కొత్త రిలీజ్ డేట్ అనౌన్స్మెంట్ సందర్భంగా చెప్పుకొచ్చారు మేకర్స్. కానీ రిలీజ్‌కు మరో నెల ఇరవై రోజులు కూడా లేదు. అయినా కూడా ఇప్పటికీ కల్కి షూటింగ్ కంప్లీట్ కాలేదని తెలుస్తోంది. గ్రాఫిక్స్ వర్క్ కూడా అనుకున్న సమయానికి అవుతుందనే గ్యారెంటీ లేదు. దానికి తోడు కల్కి రిలీజ్ సమయంలోనే ఎలక్షన్స్ ఉన్నాయి. ఎలక్షన్స్‌కు నాలుగు రోజుల ముందు కల్కి రిలీజ్ చేసే ఛాన్సెస్ తక్కువ.
చదవండి:Kanguva: ‘కంగువ’ టీజర్‌ రిలీజ్‌కు ముహూర్తం ఫిక్స్!
ఎలక్షన్స్ ఎఫెక్ట్ కల్కి కలెక్షన్ల మీద ఖచ్చితంగా ఉంటుంది. కాబట్టి మే 9 నుంచి వాయిదా తప్పదని అంటున్నారు. ఇక ఈ సినిమా షూటింగ్ విషయానికొస్తే.. రీసెంట్‌గానే ఇటలీలో ప్రభాస్, దిశా పటానీలపై ఓ సాంగ్ షూట్ చేశారు. ఇక ఇప్పుడు మరో కీలక షెడ్యూల్‌కు రెడీ అవుతున్నారట. రామోజీ ఫిల్మ్ సిటీలో వేసిన ప్రత్యేక సెట్‌లో షూటింగ్ చేయనున్నారట. ఈ షెడ్యూల్‌లో ప్రభాస్, కమల్ హాసన్, అమితాబ్ బచ్చన్‌లపై కొన్ని కీలక సన్నివేశాలను షూట్ చేయనున్నారట. దీంతో.. సినిమాలో ఈ షెడ్యూల్ చాలా కీలకం అని తెలుస్తోంది. అయితే.. కల్కి లేటెస్ట్ షెడ్యూల్ ఫస్ట్ పార్ట్ కోసం షూట్ చేస్తున్నారా? లేదా సెకండ్ పార్ట్‌ను కూడా కంప్లీట్ చేసే పనిలో ఉన్నారా? అనే విషయంలో క్లారిటీ రావాల్సింది.
చదవండి:Meetha Raghunath: పెళ్లి చేసుకున్న మరో హీరోయిన్
