Telangana: Heavy rain forecast for Telangana for next five days
Telangana: తెలంగాణలో వచ్చే ఐదు రోజుల పాటు తేలికపాటి నుంచి మోస్తారు వర్షాలు కురిసే సూచనలు ఉన్నాయని వాతావరణ శాఖ తెలిపింది. కొన్ని జిల్లాల్లో భారీ వర్షాలు కురిసి అవకాశం ఉంది. మంచిర్యాల, జయశంకర్ భూపాలపల్లి, ములుగు, ఖమ్మం, నల్గొండ, సూర్యాపేట, యాదాద్రి భువనగిరి, రంగారెడ్డి, వికారాబాద్, సంగారెడ్డి, మెదక్, వనపర్తి, నారాయణపేట, కొత్తగూడెం, మహబూబాబాద్, వరంగల్, హన్మకొండ, జనగాం, సిద్ధిపేట, జోగులాంబ గద్వాల జిల్లాలో గంటకు 40 నుంచి 50 కి.మీల వేగంతో గాలులతో పాటు ఉరుములు, మెరుపులతో కూడిన భారీ వర్షాలు కురుస్తాయని తెలిపింది. ఐదు రోజుల కొన్ని జిల్లాలకు హెచ్చరికలు కూడా జారీ చేసింది.
ఇది కూడా చూడండి: Summer: ఎండాకాలంలో పెదాల పగుళ్లా..? ఇలా చెక్ పెట్టండి..!
ప్రస్తుతం తెలంగాణలో భారీ వర్షాలు కురుస్తున్నాయి. దీంతో రోడ్లు మొత్తం జలమయం అయ్యాయి. ఈ నేపథ్యంలో సీఎం రేవంత్‌రెడ్డి అధికారులతో మాట్లాడారు. వర్షం కురుస్తున్న ప్రాంతాల్లో అధికారులు అప్రమత్తంగా ఉండాలని సూచించారు. ప్రజలు ఇబ్బంది పడకుండా వెంటనే చర్యలు చేపట్టాలని ఆదేశించారు. జీహెచ్‌ఎంసీ ఇంజీనర్లతో కమిషనర్‌ రోనాల్డ్‌రాస్‌ సమీక్ష నిర్వహించారు. వర్షాల నేపథ్యంలో ప్రజల నుంచి వచ్చే ఫిర్యాదులను వెంటనే పరిష్కరించాలని ఆదేశించారు. ఉద్యోగులు కార్యాలయాల నుంచి ఆలస్యంగా వెళ్లాలని కమిషనర్‌ సూచించారు. అత్యవసరం అయితేనే ప్రజలు ఇళ్ల నుంచి బయటకు రావాలని చెప్పారు.
