TS EAMCET 2024: తెలంగాణలో 2024-25 విద్యా సంవత్సరానికి ఎంసెట్ (ఈఏపీ సెట్) షెడ్యూల్ విడుదలైంది. ఎంసెట్ (ఈఏపీ సెట్) సహా మరో ఆరు కామన్ ఎంట్రెన్స్ టెస్టుల తేదీలు ఖరారయ్యాయి. ఆ మేరకు ఉన్నత విద్యామండలి గురువారం షెడ్యూల్ విడుదల చేసింది. ఉన్నత విద్యామండలి ఎంసెట్ పేరును మార్చింది. టీఎస్ ఈఏపీసెట్‌గా మారుస్తూ ఉత్తర్వులను జారీ చేసింది. మే 9 నుంచి 11వ తేదీ వరకు ఎంసెట్ ఇంజినీరింగ్ కోర్సుల‌కు ఎంట్రెన్స్ ఎగ్జామ్ నిర్వహించనున్నారు. మే 12, 13 తేదీల్లో అగ్రికల్చర్ అండ్ ఫార్మాసీ ప్రవేశ పరీక్ష జరగనుంది. జేఎన్టీయూ హైదరాబాద్ ఆధ్వర్యంలో టీఎస్ ఎంసెట్ నిర్వహించనున్నారు. ఇక టీఎస్ ఈసెట్ ప్రవేశ పరీక్ష ఓయూ ఆధ్వర్యంలో జరుగనుంది. ఈ ఎగ్జామ్ మే 6న జరుగనుంది.
చదవండి:Allu Sneha:ఆ హీరోయిన్‌తో వద్దంటే వద్దు.. అల్లు అర్జున్‌కు భార్య కండీషన్?
అలాగే టీఎస్ ఎడ్ సెట్ ప్రవేశ పరీక్ష మే 23న జరగనుంది. నల్గొండలోని మహాత్మా గాంధీ విశ్వవిద్యాలయం ఈ పరీక్షను నిర్వహించనుంది. టీఎస్ లా సెట్ ఎంట్రన్స్ టెస్ట్.. జూన్ 3వ తేదీన నిర్వహించనున్నారు. అదే రోజు… ఎల్ఎల్ఎం ఎంట్రెన్స్ టెస్టును కూడా నిర్వహించనున్నారు. లాసెట్, పీజీ ఎల్‌సెట్‌ల‌ను ఓయూ నిర్వహించనుంది. ఎంబీఏ, ఎంసీఏ కోర్సుల్లో ప్రవేశం కోసం నిర్వహించే టీఎస్ ఐసెట్ ప్రవేశ పరీక్ష.. జూన్ 4, 5వ తేదీల్లో నిర్వహించనున్నారు. కాకతీయ యూనివర్సిటీ నిర్వహణలో ఈ కామన్ ఎంట్రెన్స్ టెస్టు జరగనుంది. ఎంటెక్, ఎం ఫార్మసీ కోర్సుల్లో ప్రవేశం కోసం ఉద్దేశించిన టీఎస్ పీజీఈసెట్ పరీక్ష… జూన్ 6 నుంచి 8 తేదీల మ‌ధ్య జరుగనుంది. హైదరాబాద్ జేఎన్టీయూ ఆధ్వర్యంలో ఈ కామన్ ఎంట్రెన్స్ టెస్టులు జ‌ర‌గ‌నున్నాయి.
చదవండి:Kerala: సీతారామలక్ష్మణులపై అభ్యంతరకర పోస్టు పెట్టిన ఎమ్మెల్యే
