BDK: బయ్యారం మండలంలోని రామాలయ వీధి నివాసి రావుల రవికి రూ. 26 వేల విలువగల సీఎం రిలీఫ్ ఫండ్ చెక్కును శనివారం కాంగ్రెస్ పార్టీ మండల అధ్యక్షుడు శ్రీనివాస్ రెడ్డి చేతుల మీదుగా పంపిణీ చేశారు. ఆర్థికపరమైన ఇబ్బందులతో గురవుతున్న ప్రతి పేదవారికి కాంగ్రెస్ ప్రభుత్వం చేస్తున్నటువంటి సహకారానికి వారు ప్రత్యేక ధన్యవాదాలు తెలిపారు.
SDPT: ఎల్కతుర్తి మండల కేంద్రానికి చెందిన శీలం మల్లేశం మెమోరియల్ స్పోర్ట్స్ క్లబ్ ఆధ్వర్యంలో అభ్యర్థి సంతోష్ గౌడ్ ఎంపికైనట్లు ఫిజికల్ డైరెక్టర్ రాముడు తెలిపారు. హనుమకొండలో ఇటీవల జరిగిన జిల్లా స్థాయి ఖోఖో పోటీల్లో తమ స్పోర్ట్స్ క్లబ్ యువకుడు జనగాని సంతోష్ కుమార్ గౌడ్ అత్యంత ప్రతిభ కనబరిచి రాష్ట్రస్థాయి పోటీలకు ఎంపికైనట్లు శనివారం తెలిపారు.
BDK: గ్రామపంచాయతీ కార్మికుల న్యాయమైన సమస్యలను పరిష్కరించాలని ఏఐటీయుసీ జిల్లా అధ్యక్షులు కంచర్ల జమలయ్య అన్నారు. జూలూరుపాడు ఎంపీడీవో కార్యాలయం ఎదుట సమ్మె చేస్తున్న కార్మికులకు శనివారం వారు మద్దతు పలికారు. పంచాయతీలో పనిచేస్తున్న కార్మికుల సమస్యలను పరిష్కరించాలని అన్నారు. ప్రభుత్వం స్పందించకుంటే రాబోయే కాలంలో సమ్మెకు దిగుతామన్నారు.
NZB: జనవరి 1 నుంచి తలపెట్టిన సివిల్ సప్లై హమాలీల సమ్మె నోటీసును నిజామాబాద్ కలెక్టరేట్‌కు ఏఐటీయూసీ జిల్లా కమిటీ ఆధ్వర్యంలో శనివారం అందజేశారు. ఏఐటీయూసీ జిల్లా ప్రధాన కార్యదర్శి వై.ఓమయ్య మాట్లాడుతూ.. కార్పొరేషన్‌లో పెంచిన రేట్లు అమలు చేయకపోవడంతో 1వ తేదీ నుంచి సమ్మెకు వెళ్లాలని రాష్ట్ర యూనియన్ 8 మండలాల కార్మికులందరూ సమ్మె పాల్గొంటారని పేర్కొన్నారు.
HNK: కాజీపేట మండలం కడిపికొండ గ్రామ శివారులో ఉన్న ఇందిరమ్మ ఇండ్లు రాజీవ్ గృహకల్ప నివాసగృహాలను ఎమ్మెల్యే కేఆర్ నాగరాజుతో కలిసి కలెక్టర్ ప్రావీణ్య నేడు సందర్శించారు. క్షేత్రస్థాయిలో గృహాలను పరిశీలించి మరమ్మతులకు ఉన్న అవకాశాలను పరిశీలించాలని ఇంజనీరింగ్ అధికారులను ఆదేశించారు. నగర మేయర్ గుండు సుధారాణి పాల్గొన్నారు.
HNK: రజక ఫెడరేషన్ ద్వారా వ్యక్తిగత రుణాలు ఇవ్వాలని రజక వృత్తిదారుల సంఘం జిల్లా అధ్యక్షులు అధ్యక్షతన కల్లేపల్లి బాబు అన్నారు. శనివారం నాయిమ్ నగర్‌లో కార్యాలయంలో జరిగిన జిల్లాస్థాయి సమావేశంలో కంచర్ల కుమారస్వామి జిల్లా ప్రధాన కార్యదర్శి ఆయన మాట్లాడుతూ.. రాష్ట్రంలో రజకుల సమస్యల పరిష్కారం కోసం నిరంతరం పోరాడుతున్న సంఘం తెలంగాణ రజక సంగమన్నారు.
KMR: బాన్సువాడ పట్టణంలోని ఎన్జీవోస్ కాలనీలో శనివారం పడిగల రవి కుమార్ నిర్వహించిన అయ్యప్ప స్వామి పడిపూజ కార్యక్రమంలో బీజేపీ రాష్ట్ర ఉపాధ్యక్షులు ఎండల లక్ష్మీనారాయణ పాల్గొన్నారు . ఈ సందర్భంగా ఆయన ప్రత్యేక పూజలు చేశారు . అనంతరం అయ్యప్ప స్వాములు తీర్థ ప్రసాదాలు అందజేశారు .
SRPT: మేళ్లచెరువు మండల కేంద్రంలోని ఎంపీడీవో కార్యాలయంలో జిల్లా కలెక్టర్ తేజస్ నందలాల్ పవార్ శనివారం సమీక్షా సమావేశం నిర్వహించారు. ఈ సందర్భంగా వారు మాట్లాడుతూ మండలంలో పెండింగ్‌లో ఉన్న పనులను త్వరితగతిన పూర్తి చేయాలని, అధికారులు సమన్వయంతో పని చేస్తూ మండల అభివృద్ధికి కృషి చేయాలని సూచించారు. అనంతరం అధికారుల నివేదికలను అడిగి తెలుసుకున్నారు.
WGL: విద్యతోనే సమాజంలో మార్పు సాధ్యమని వర్ధన్నపేట ఎమ్మెల్యే కేఆర్ నాగరాజు అన్నారు. ఇంటర్మీడియట్ ఎంపీసీ గ్రూప్ పూర్తి చేసి 990 మార్కులు సాధించిన ముత్యాల రక్షితను శనివారం ఎమ్మెల్యే అభినందించారు. భవిష్యత్‌లో మరింత కష్టపడి చదివి తల్లిదండ్రులకు మంచి పేరు తీసుకురావాలని రక్షితకు ఎమ్మెల్యే సూచించారు. కార్యక్రమంలో పలువురు నేతలు ఉన్నారు.
HYD: మాదకద్రవ్యాల అక్రమ రవాణాను అరికట్టేందుకు అధికారులు ఎన్ని కట్టుదిట్టమైన చర్యలు తీసుకుంటున్నా అక్రమార్కులని అడ్డుకోలేకున్నారు. తాజాగా గంజాయిని తరలిస్తున్న ఇద్దరు వ్యక్తులను సికింద్రాబాద్ రైల్వే పోలీసులు అరెస్ట్ చేశారు. నిందితులు మహారాష్ట్రకు గంజాయి తరలిస్తుండగా పట్టుకున్నట్టు పోలీసులు తెలిపారు.
WGL: నల్లబెల్లి మండల పరిధి రుద్రగూడెం తండా శివారులో పులి పాదముద్రలను నర్సంపేట ఏసీపీ కిరణ్ కుమార్ పరిశీలించారు. అనంతరం ఏసీపీ మాట్లాడుతూ.. పాద ముద్రల ఆధారంగా పులి ఉన్న స్థావరాన్ని గుర్తిస్తామని చెప్పారు. పులుల భయం నుంచి ప్రజల్లో రక్షించే విధంగా చర్యలు చేపడతామన్నారు. ఈ కార్యక్రమంలో ఫారెస్ట్ అధికారులు తదితరులు పాల్గొన్నారు.
HYD: వీధి వ్యాపారులను ట్రాఫిక్ పోలీసులు ఇబ్బంది పెట్టడం సరికాదని ఎంఐఎం ఎమ్మెల్సీ మీర్జా రెహమత్ బేగ్ అన్నారు. శనివారం సికింద్రాబాద్ రైల్వే స్టేషన్ కంట్రోల్ రూమ్ వద్ద పలువురికి ట్రాఫిక్ పోలీసులు చలాన్లు విధించి, తోపుడుబండ్లను అదుపులోకి చేసుకున్నారు. వెంటనే ట్రాఫిక్ పోలీసులతో మాట్లాడిన ఎమ్మెల్సీ తోపుడుబండ్లను విడిపించారు.
MHBD: జిల్లా ఎస్పీ రామ్నాథ్ కేకన్‌ను నేడు హెడ్ కానిస్టేబుల్‌గా పదోన్నతి పొందిన పలువురు మర్యాదపూర్వకంగా కలిసి కృతజ్ఞతలు తెలిపారు. జిల్లాలో కానిస్టేబుల్స్‌గా పని చేస్తున్న పలువురికి హెడ్ కానిస్టేబుల్స్‌గా పదోన్నతి కల్పించారు. ఈ సందర్భంగా ఎస్పీ మాట్లాడుతూ పదోన్నతి బాధ్యతను మరింతగా పెంచుతుందని గుర్తించాలని సూచించారు.
MDK: శివంపేట మండలం సికింద్లాపూర్ గ్రామంలోని స్వయంభూ శ్రీ లక్ష్మీనరసింహస్వామి దేవాలయంలో ధనుర్మాస ఉత్సవాలు భక్తిశ్రద్ధలతో కొనసాగుతున్నాయి. శనివారం 13వ రోజు సందర్భంగా స్వామివారికి పంచామృతాలతో అభిషేకాలు, అష్టోత్తర నామాలతో పూజలు నిర్వహించారు. స్వామివారిని రంగురంగుల పూలు, పట్టు వస్త్రాలతో అలంకరించారు. భక్తులు అధిక సంఖ్యలో హాజరై స్వామివారిని దర్శించుకున్నారు.
HNK: పబ్లిక్ గార్డెన్‌లో బీఆర్ఎస్ పార్టీ పశ్చిమ నియోజకవర్గ కోఆర్డినేటర్ రజనీకాంత్ ఆధ్వర్యంలో నేరెళ్ల వేణుమాధవ్ కళా ప్రాంగణంలో పద్మశ్రీ నేరెళ్ల వేణుమాధవ్ విగ్రహానికి పూలమాలవేసి నివాళులు అర్పించారు. 1947 నుంచి మిమిక్రీ ప్రదర్శనలకు శ్రీకారం చుట్టాడని, వరంగల్ నగరాన్ని అంతర్జాతీయ స్థాయికి తీసుకెళ్లి, ఓరుగల్లు కీర్తి ప్రతిష్టలను పెంచాడన్నారు.
