KMR: గాంధారి మండలం పెద్ద పోతంగల్, మేడిపల్లి గ్రామాల మధ్య ఉన్న బుగ్గగండి రోడ్డు శిథిలావస్థకు చేరడంతో గ్రామస్థులు ఇబ్బందులు పడుతున్నారు. ఈ విషయాన్ని ఎమ్మెల్యే మదన్ మోహన్ దృష్టికి తీసుకెళ్లారు. ఎమ్మెల్యే స్పందించి అధికారులు, కాంట్రాక్టర్‌తో మాట్లాడి రోడ్డు సమస్యను పరిష్కరించాలన్నారు. శనివారం రోడ్డు నిర్మాణ పనులు ప్రారంభమయ్యాయి.
MDK: కౌడిపల్లి మండలం వెల్మకన్నె గ్రామంలో స్వయంభు వెలసిన శ్రీ శనీశ్వరాలయంలో ప్రత్యేక పూజలు నిర్వహించారు. శని త్రయోదశి శనివారం పురస్కరించుకొని ఆలయ పూజారి ఉమామహేశ్వర శర్మ చేతుల మీదుగా స్వామి వారికి పంచామృతాలతో అభిషేకాలు, తైలాభిషేకం, అర్చనలు జరిపారు. భక్తులు పెద్ద ఎత్తున పాల్గొని విశేష పూజలు చేశారు.
KMR: పాల్వంచ మండలం మంథని దేవునిపల్లి గ్రామానికి చెందిన గుండెల్ని దేవరాజు(39) పని నిమిత్తం కామారెడ్డికి వెళ్లారు. పాల్వంచలోని చామల కుంటలో కాలకృత్యాలకు వెళ్లి ప్రమాదవశాత్తు జారిపడి నీటిలో మునిగిపోయారు. దీంతో ఊపిరాడక చనిపోయారు. ఆయన భార్య గుండెల్లి లక్ష్మి ఫిర్యాదు మేరకు కేసు నమోదు చేసి విచారణ చేస్తునట్లు ఎస్ఐ అనిల్ పేర్కొన్నారు.
WNP: ప్రభుత్వ ఆసుపత్రుల్లో వైద్య సిబ్బంది సమయపాలన పాటించకుంటే కఠిన చర్యలు ఉంటాయని కలెక్టర్ ఆదర్శ్ సురభి హెచ్చరించారు. శనివారం వీపనగండ్ల PHCని కలెక్టర్ ఆకస్మిక తనిఖీ చేశారు. ఓపి, డెలివరీల రిజిస్టర్లను ఆయన పరిశీలించారు. అనంతరం కలెక్టర్ మాట్లాడుతూ.. వైద్య సిబ్బంది నిత్యం ప్రజలకు అందుబాటులో ఉండి, మెరుగైన వైద్య సేవలు అందించాలని ఆదేశించారు.
MDK: కల్వకుంట గ్రామానికి చెందిన ఉషన్న రామయ్య శనివారం అనారోగ్యంతో మరణించారు. ఈ విషయాన్ని తెలుసుకున్న బీఆర్ఎస్ రాష్ట్ర నాయకుడు, నియోజకవర్గ ఇంఛార్జ్ కంఠారెడ్డి తిరుపతి రెడ్డి ఈ రోజు పరామర్శించారు. కుటుంబ సభ్యులకు ఆయన రూ.5 వేల ఆర్థిక సాయం అందజేశారు. కల్వకుంట సొసైటీ ఛైర్మన్ కోండల్ రెడ్డి తన వంతుగా రూ.3 వేలు అందజేశారు.
SRPT: తుంగతుర్తి మండలం తూర్పుగూడెం గ్రామానికి చెందిన సంకినేని చిలుకమ్మ ఇటీవల మరణించగా వారి చిత్రపటానికి శనివారం ఎమ్మెల్యే సామేలు పూలమాలలు వేసి నివాళులర్పించారు. అనంతరం కుటుంబ సభ్యులను పరామర్శించి ప్రగాఢ సానుభూతి తెలిపారు. వారి వెంట కాంగ్రెస్ పార్టీ మండల అధ్యక్షులు దొంగరి గోవర్ధన్, గుండగాని మహేందర్, తొట్ల శ్రీను, దాసరి శ్రీను తదితరులు ఉన్నారు.
NLG: బొమ్మలరామారం మండలం చీకటిమామిడి గ్రామంలోని సర్వే నెంబర్ 506లోని భూమిలో ఎలాంటి అనుమతులు లేకుండా నిర్మిస్తున్న చర్చిని నిలిపివేయాలని గ్రామ యువకులు బొమ్మలరామారం ఎమ్మార్వోకు శనివారం వినతిపత్రం అందజేశారు. గ్రామపంచాయతీ కార్యదర్శికి కూడా వినతిపత్రం అందజేశామని వారు తెలిపారు. భువనగిరికి వెళ్లే దారిలో నిర్మాణం చేస్తున్నారని తెలిపారు.
WGL: నేరాల నియంత్రణలో భాగంగా పోలీసులు తీసుకున్న ముందస్తూ చర్యలతో వరంగల్‌ పోలీస్ కమిషనరేట్ పరిధిలో ఈ ఏడాది నేరాలు అదుపులో వుండటంతో పాటు తగ్గు ముఖం పట్టినట్లుగా వరంగల్‌ పోలీస్ కమిషనర్ మీడియా సమావేశంలో తెలియజేసారు. పోలీస్ కమికషనర్‌ వరంగల్‌ పోలీస్ కమిషనరేట్ 2024కు సంబంధించి క్రైమ్ రౌండప్ మీడియా సమావేశాన్ని శనివారం కమిషనరేట్&z...
PDPL : కాంగ్రెస్ కార్యకర్తలా పనిచేస్తున్న పోలీసులు, తమ పద్ధతిని మార్చుకోకపోతే పోలీస్ స్టేషన్లకు కాంగ్రెస్ బోర్డులు పెట్టాల్సిన పరిస్థితి ఏర్పడుతుందని మంథని మాజీ ఎమ్మెల్యే పుట్ట మధుకర్ ఆరోపించారు. ఈ సందర్భంగా ఆయన మంథనిలో మీడియాతో మాట్లాడుతూ.. రామగుండం, మంచిర్యాల ఏసీపీలు దేశంలోనే అత్యున్నతమైన పోలీస్ శాఖకు మచ్చ తెచ్చారని ఆరోపించారు.
ASF: సీఆర్టీలకు సమస్యలను ప్రభుత్వం ఉద్యోగ భద్రత కల్పించాలని ఆసిఫాబాద్ ఎమ్మెల్యే కోవ లక్ష్మీ డిమాండ్ చేశారు. ఉట్నూర్ పట్టణంలోని ఐటిడిఐ కార్యాలయం ఆవరణలో సమ్మె చేస్తున్న సిఆర్టిలకు శనివారం ఆమె మద్దతు తెలిపారు. ఉద్యోగ భద్రత కల్పించాలని, వేతనాలు చెల్లించాలని కోరుతూ సిఆర్పీలు సమ్మె చేస్తున్నారని, వారి సమస్యలను పరిష్కరించాలన్నారు.
BDK: మణుగూరు మండలం రామానుజరంలో నిర్వహించిన సీపీఐ శతాబ్ది ఉత్సవాల్లో ముఖ్య అతిథిగా ఎమ్మెల్యే పాయం వెంకటేశ్వర్లు పాల్గొన్నారు. ఆయన మాట్లాడుతూ.. సీపీఐ శతాబ్ది ఉత్సవాలకు హాజరుకావడం చాలా సంతోషంగా ఉందన్నారు. కమ్యూనిస్టు పార్టీ అంటే పేద ప్రజల హక్కుల కోసం పోరాడే పార్టీ అని అన్నారు. కమ్యూనిస్టు పార్టీ అంటే తనకు ఎంతో అభిమానం అని పేర్కొన్నారు.
ADB: పట్టణంలోని కలెక్టరేట్ ఎదుట నిరవధిక సమ్మె చేపట్టిన సర్వశిక్ష అభియాన్ ఉద్యోగులకు బోథ్ ఎమ్మెల్యే అనిల్ జాదవ్ శనివారం సంఘీభావం ప్రకటించారు. అసెంబ్లీ ఎన్నికల సమయంలో సీఎం రేవంత్ రెడ్డి ఇచ్చిన హామీని నెరవేర్చాలని కోరారు. ఉద్యోగుల న్యాయమైన డిమాండ్లను పరిష్కరించేంత వరకు బీఆర్ఎస్ పార్టీ అండగా ఉంటుందని భరోసా కల్పించారు.
HYD: ఫతేనగర్ డివిజన్ పరిధిలోని గాంధీపురంలో రూ. 20 లక్షల అంచనా వ్యయంతో చేపడుతున్న సీసీ రోడ్డు నిర్మాణ పనులను GHMC డీఈ స్రవంతితో కలిసి కార్పొరేటర్ సతీష్ గౌడ్ పరిశీలించారు. డ్రైనేజీ వ్యవస్థను పునరుద్ధరించడంతో సీసీ రోడ్డు పనులను ప్రారంభిస్తామని సాధ్యమైనంత త్వరగా పనులన్నీ పూర్తి చేసి, కాలనీ ప్రజలకు అందుబాటులోకి తీసుకొస్తామని కార్పొరేటర్ హామీ ఇచ్చారు.
GDWL: ఆర్యవైశ్య సంఘం-2025 నూతన సంవత్సరం క్యాలెండర్‌ను గద్వాల ఎమ్మెల్యే బండ్ల కృష్ణమోహన్ రెడ్డి శనివారం ఆవిష్కరించారు. పట్టణంలో వెలిసిన వాసవి కన్యకా పరమేశ్వరి ఆలయానికి చేరుకున్న ఆయనకు ఆర్యవైశ్య సంఘం నేతలు సాదరంగా ఆహ్వానించి, అమ్మవారికి ప్రత్యేక పూజలు చేయించారు. అనంతరం ఆలయ ప్రాంగణంలో క్యాలెండర్‌ను ఆవిష్కరణ చేశారు.
BDK: తెలంగాణ రాష్ట్ర హౌసింగ్ కార్పొరేషన్ కమీషనర్ వీపీ గౌతమ్ శనివారం దుమ్ముగూడెం మండలం నడికుడి గ్రామ పంచాయతీలో పర్యటించారు. ఇందిరమ్మ ఇళ్ల సర్వే తీరును పరిశీలించారు. ఆన్‌లైన్‌లో నమోదు చేస్తున్న సర్వే వివరాలను పంచాయతీ కార్యదర్శి రంజితిని అడిగి తెలుసుకున్నారు. ఈ కార్యక్రమంలో ఐటిడిఎ పీవో రాహుల్, మండల అధికారులు పాల్గొన్నారు.
