MHBD: కురవి మండలం కందికొండ గ్రామానికి చెందిన బొడ్డు యేసురత్తి, మణెమ్మలకు ఇందిరమ్మ ఇళ్ళు మంజూరయింది. డోర్నకల్ MLA డా. రామచంద్రనాయక్ ఆదేశానుసారం ఇంటి నిర్మాణానికి ముగ్గు పొసే కార్యక్రమం శుక్రవారం జరిగింది. గ్రామ సర్పంచ్ తొడుసు నాగార్జున్ కొబ్బరికాయ కొట్టి ముగ్గు పోశారు. ఉపసర్పంచ్ కోర్నీ చందునరేష్, పంచాయతీ సెక్రెటరీ నరేష్, గ్రామస్తులున్నారు.
ADB: నేరడిగొండ మండలంలోని బోరిగామా గ్రామంలో ఇల్లు కాలిపోయిన కుటుంబాలకు ఇందిరమ్మ ఇల్లు మంజూరు చేస్తానని బోథ్ నియోజకవర్గ కాంగ్రెస్ పార్టీ అసెంబ్లీ ఇన్ఛార్జ్ ఆడే గజేందర్ అన్నారు. బాధిత కుటుంబాలు ఎటువంటి ఆందోళన చెందాల్సిన అవసరం లేదన్నారు. మంత్రి జూపల్లి కృష్ణారావుతో మాట్లాడి కుటుంబాలను అన్ని విధాలుగా ఆదుకుంటామని భరోసా కల్పించారు.
BHPL: చిట్యాల(M)కేంద్రంలోని శివాజీ చౌక్ పోస్ట్ వద్ద ఇవాళ పోలీసులు, సీసీఎస్ బృందం సంయుక్తంగా వాహనాల తనిఖీలు నిర్వహించారు. ఈ తనిఖీల్లో నర్సింగరావు (57), మధుకర్ (43) అక్రమంగా తరలిస్తున్న 1.3 కిలోల గంజాయిని పట్టుకున్నారు. వారిపై కేసు నమోదుచేసి దర్యాప్తు చేపట్టినట్లు CI మల్లేష్ పేర్కొన్నారు. అక్రమ రవాణాపై కఠిన చర్యలు తీసుకుంటామని హెచ్చరించారు.
BDK: తెలంగాణ రాష్ట్ర నిరుద్యోగులకు పోలీసు శాఖ శుక్రవారం శుభవార్త చెప్పింది. పోలీస్ విభాగంలో యేటా పెరుగుతున్న ఖాళీలను భర్తీ చేయడానికి త్వరలోనే భారీగా ఉద్యోగాల నోటిఫికేషన్ జారీ చేయనుంది. 2026 ఫిబ్రవరి నెలాకరు నాటికి ఆ శాఖలో దాదాపు 17 వేలకుపైగా ఉద్యోగాలు ఖాళీగా ఉన్నట్లు పోలీస్ శాఖ ప్రభుత్వానికి నివేదించింది. దాదాపు 17,992 పోస్టులు ఖాళీగా ఉన్నాయి.
VKB: పూడూరు మండల కేంద్రానికి సమీపంలోని దామగుండం రామలింగేశ్వర ఆలయంలో వార్షికోత్సవ సందర్భంగా నేడు ఉదయం అగ్నిగుండం ప్రత్యేక పూజలు నిర్వహించనున్నట్టు నిర్వాహకులు తెలిపారు. వార్షికోత్సవంలో భాగంగా ఉదయం అగ్నిగుండం ప్రత్యేక పూజలు రుద్రాభిషేకంతో పాటు రాత్రి రథోత్సవం నిర్వహించనునట్టు స్పష్టం చేశారు.
HNK: కమలాపూర్ మండలానికి చెందిన డాక్టర్ ఆడెపు వెంకటరమణకు అర్థశాస్త్ర ప్రొఫెసర్గా పదోన్నతి కల్పిస్తూ కళాశాల విద్యాశాఖ కమిషనర్ ఉత్తర్వులు జారీ చేశారు. సుదీర్ఘ బోధనా అనుభవం, విద్యా విషయక సేవలను దృష్టిలో ఉంచుకుని ప్రభుత్వం ఈ నిర్ణయం తీసుకుంది. ఈ సందర్భంగా పలువురు అధికారులు, తోటి అధ్యాపకులు వెంకటరమణకు శుభాకాంక్షలు తెలిపారు.
NGKL: జిల్లాలో రోజురోజుకు ఎండలు దంచికొడుతున్నాయి. గడిచిన 24 గంటల్లో అత్యధికంగా చారకొండ మండలం శిరసనగండ్ల లో 38.6 డిగ్రీల గరిష్ట ఉష్ణోగ్రత నమోదైంది. కల్వకుర్తి, యంగంపల్లి 38.6°C, జటప్రోలు, తిమ్మాజీపేట, ఊర్కొండ లో 38.5°C, తోటపల్లి, కొల్లాపూర్ 38.4°C, ఉప్పునుంతల, కిష్టంపల్లి 38.2°C, తెలకపల్లి 38.1, చిన్నరావుపల్లి లో 38.0 డిగ్రీల ఉష్ణోగ్రతలు నమోదయ్యాయి.
WNP: కొత్తకోట మున్సిపాలిటీ కేంద్రంలో ప్రజాపాలన ప్రగతి ప్రణాళికలో భాగంగా నిర్వహించిన 2 కే రన్లో దేవరకద్ర ఎమ్మెల్యే మధుసూదన్ రెడ్డి హాజరై జెండా ఊపి ప్రారంభించారు. ఆయన మాట్లాడుతూ.. ప్రజాపాలన, ప్రగతి ప్రణాళిక కార్యక్రమం ప్రజలకు నేరుగా ప్రయోజనం చేకూర్చేలా రూపొందించడం జరిగిందన్నారు. మాదక ద్రవ్యాల నిర్మూలనకు ప్రతి ఒక్కరూ నడుం బిగించాలని కోరారు.
KNR: జమ్మికుంట మున్సిపల్ ప్రజా ప్రతినిధులకు కరీంనగర్లో శిక్షణ ఇచ్చారు. కలెక్టర్ ఆడిటోరియంలో నూతనంగా ఎన్నికైన మున్సిపల్ ఛైర్మన్, వైస్ ఛైర్మన్, కౌన్సిలర్లకు శిక్షణ కార్యక్రమం నిర్వహించారు. జమ్మికుంట మున్సిపల్ ఛైర్మన్ మొలుగు ప్రశాంత్ కుమార్, కమిషనర్ ఎండి ఆయాజ్, వైస్ ఛైర్మన్ ముంతాజ్ అలీ జావేద్, కౌన్సిలర్లు పాల్గొన్నారు.
KMM: చింతకాని మండలం పందిళ్లపల్లి ర్యాక్ పాయింట్కు శుక్రవారం 2636.77 మెట్రిక్ టన్నుల యూరియా చేరింది. టెక్నికల్ ఏవో పవన్ కుమార్ పర్యవేక్షణలో ఖమ్మం జిల్లాకు 1136.77, భద్రాద్రి కొత్తగూడెంకు 300, మహబూబాబాద్కు 1000 టన్నుల చొప్పున పంపిణీ చేశారు. సొసైటీలతో పాటు ప్రైవేటు డీలర్లకు నిల్వలను కేటాయించినట్లు అధికారులు తెలిపారు.
MDK: పదో తరగతి పరీక్షల నిర్వహణ కోసం విద్యాశాఖ కార్యాలయంలో 9848214166 కంట్రోల్ రూమ్ నెంబర్ను ఏర్పాటు చేసినట్లు అధికారులు తెలిపారు. విద్యార్థులు ఎలాంటి భయం లేకుండా పట్టుదల, క్రమశిక్షణతో చదివి జిల్లాను పదో తరగతి ఫలితాల్లో ప్రథమ స్థానంలో నిలిపి రాష్ట్రానికి మంచి పేరు తేవాలని కలెక్టర్ ప్రతిమా సింగ్ సూచించారు.
MNCL: లక్షెట్టిపేట పట్టణంలో టెన్త్ పరీక్షలకు ఏర్పాట్లు పూర్తి చేశామని ఎంఈవో శైలజ తెలిపారు. శుక్రవారం ఆమె మాట్లాడుతూ.. టెన్త్ పరీక్షల కోసం పట్టణంలో మూడు కేంద్రాలను ఏర్పాటు చేశామన్నారు. జడ్పీ బాలికలు, ట్రినిటీ, సాంఘిక సంక్షేమ పాఠశాలల్లో పరీక్ష కేంద్రాలు ఉన్నాయన్నారు. పరీక్షలకు 773 మంది విద్యార్థులు హాజరు కానుండగా, 36 మంది ఇన్విజిలేటర్లను నియమించామన్నారు.
ASF: సిర్పూర్(T) మండల కేంద్రంలోని ZPHS పదవ తరగతి విద్యార్థులకు హాల్ టికెట్లు అందకపోవడంతో విద్యార్థులు ఆందోళన చెందుతున్నారు. రేపటి నుంచి వార్షిక పరీక్షలు ప్రారంభం కానున్నాయి. కానీ హాల్ టికెట్లు అందకపోవడంతో విద్యార్థులకు సమస్యగా మారిందన్నారు. పాఠశాల ప్రధానోపాధ్యాయులే మండల విద్యాధికారిగా ఉన్నారని, ఉన్నతాధికారులు స్పందించి సమస్యను పరిష్కరించాలని కోరారు.
KNR: హైదరాబాద్లో చేనేత & టెక్స్టైల్ హ్యాండ్లూమ్ టెక్నాలజీ డిప్లొమా (2026–27) మొదటి సంవత్సరం కోర్సుకు 60 సీట్లకు దరఖాస్తులు ఆహ్వానిస్తున్నట్లు జిల్లా చేనేత జౌళి శాఖ అధికారి రాఘవరావు తెలిపారు. 10వ తరగతి ఉత్తీర్ణులై 23 ఏళ్లలోపు ఉన్నవారు అర్హులన్నారు. ఏప్రిల్ మొదటి వారంలో పొట్టి శ్రీరాములు తెలుగు విశ్వవిద్యాలయం కార్యాలయంలో దరఖాస్తు చేయాలని సూచించారు.
HYD: బైండోవర్ నిబంధనలను ఉల్లంఘించిన రౌడీ షీటర్కు న్యాయస్థానం నెల రోజుల జైలు శిక్ష విధించింది. పాతబస్తీ కామాటిపుర PSలో మహ్మద్ రియాజుద్దీన్పై రౌడీషీట్ నమోదు చేసినట్లు పోలీసులు తెలిపారు. గతంలో రౌడీషీటర్ రియాజుద్దీన్ను క్రిమినల్ ప్రొసీజర్ కోడ్ కింద ఎగ్జిక్యూటివ్ మెజిస్ట్రేట్ ముందు బైండోవర్ చేశారు. బైండోవర్ టైంలో రియాజ్ నిబంధనలు ఉల్లంఘించినందుకు ఈ శిక్ష విధించినట్లు అధికారులు తెలిప...
