RR: కొత్తూర్ మున్సిపల్ కార్యాలయంలో ప్రజాపాలన ప్రగతి ప్రణాళికలో భాగంగా పారిశుద్ధ్య కార్మికులకు మున్సిపల్ ఛైర్పర్సన్ ఆధ్వర్యంలో పీపీఈ కిట్లు పంపిణీ చేసి, ఉచిత వైద్య శిబిరాన్ని ప్రారంభించారు. ఆరోగ్యంపై నిర్లక్ష్యం వహించకుండా ప్రతి ఒక్కరూ జాగ్రత్తలు తీసుకోవాలని ఆమె సూచించారు. ఈ కార్యక్రమంలో మున్సిపల్ కమిషనర్, కౌన్సిలర్లు, ప్రభుత్వ వైద్యులు, తదితరులు పాల్గొన్నారు.
MBNR: ఎదిర గ్రామానికి చెందిన తిరుపతి రెడ్డి బీజేపీ రాష్ట్ర మీడియా ప్యానెలిస్ట్గా నియమితులయ్యారు. ఈ సందర్భంగా రాష్ట్ర కోశాధికారి బండారి శాంతి కుమార్ ఆయనను శాలువాతో ఘనంగా సత్కరించి అభినందించారు. తనపై నమ్మకంతో ఈ బాధ్యత అప్పగించిన రాష్ట్ర నాయకత్వానికి తిరుపతి రెడ్డి ధన్యవాదాలు తెలిపారు.
WNP : పెబ్బేరు మున్సిపల్ కౌన్సిల్ ప్రత్యేక సమావేశం ఈనెల 30న ఉదయం 11 గంటలకు మున్సిపల్ హాల్లో జరుగుతుందని మున్సిపల్ ఛైర్ పర్సన్ శ్రీనివాస్ గౌడ్ తెలిపారు. 2026-27 అంచనా బడ్జెట్ ఆమోదం, 2025-26 బడ్జెట్ సవరణ ఆమోదం కోసం ఈ ప్రత్యేక కౌన్సిల్ సమావేశం ఏర్పాటు చేశామన్నారు. మున్సిపల్ కౌన్సిల్ సభ్యులు, ఎక్స్ అఫీషియల్ సభ్యులు హాజరుకావాలని కోరారు.
SRPT: తుంగతుర్తి మండల కేంద్రంలో గత కొంతకాలంగా వీధి దీపాలు వెలగక ప్రజలు తీవ్ర ఇబ్బందులు పడుతున్నారు. రాత్రి సమయంలో ఇళ్లలో నుంచి బయటకు రావాలంటేనే కష్టంగా ఉందని గ్రామ ప్రజలు వాపోతున్నారు. నూతన సర్పంచ్, గ్రామ పంచాయతీ కార్యవర్గ సభ్యులు పదవీ బాధ్యతలు స్వీకరించి నాలుగు నెలలు కావస్తున్నా వీధి దీపాలు ఏర్పాటు చేసిన పాపాన పోలేదని ఆవేదన వ్యక్తం చేశారు.
BHNG:ఎమ్మెల్యే కుంభం అనిల్ కుమార్ రెడ్డి గురువారం ఉగాది పర్వదినం సందర్భంగా, భువనగిరి నియోజకవర్గ ప్రజలకు ఉగాది శుభాకాంక్షలు తెలిపారు. ఈ సందర్భంగా ఆయన మాట్లాడుతూ.. ఈ శ్రీ పరాభవ నామ సంవత్సరం ప్రజలకు అదృష్టాన్ని, ఆరోగ్యాన్ని అందించాలని మనస్ఫూర్తిగా కోరుకుంటున్నమన్నారు.
KMR: తెలుగు నూతన సంవత్సరమైన ఉగాది పండుగ సందర్భంగా జుక్కల్ నియోజకవర్గ ప్రజలకు MLA తోట లక్ష్మి కాంతారావు హృదయపూర్వక శుభాకాంక్షలు తెలిపారు. ఈ సందర్భంగా ఆయన మాట్లాడుతూ.. ఉగాది పండుగ ప్రతి ఇంటిలో ఆనందం, ఆరోగ్యం, ఐశ్వర్యం నింపాలని కోరుకున్నారు. కొత్త సంవత్సరంలో ప్రతి కుటుంబం సుఖసంతోషాలతో ఉండాలని, రాష్ట్రం మరియు దేశం మరింత అభివృద్ధి సాధించాలన్నారు.
NLG: జిల్లాలో ఇందిరమ్మ ఇళ్ల నిర్మాణాలు పరుగులు పెడుతున్నాయి. ప్రభుత్వం ప్రతిష్టాత్మకంగా చేపట్టిన ‘ప్రజాపాలన ప్రగతి నివేదిక’ 99 రోజుల లక్ష్యంలో భాగంగా, జూన్ 12 నాటికి 6,409 గృహాలను పూర్తి చేయాలని అధికారులు కృతనిశ్చయంతో ఉన్నారు. ఇప్పటికే రాష్ట్రస్థాయిలో అత్యధిక ఇళ్లను నిర్మించిన జిల్లాల్లో రెండో స్థానాన్ని దక్కించుకుని NLG రికార్డు సృష్టించింది.
NZB: జక్రాన్పల్లి మండలంలోని మునిపల్లి గ్రామంలో శ్రీ లక్ష్మీ నరసింహ స్వామి జాతర నిర్వహణకు సర్వం సిద్ధమైంది. ప్రతి ఏటా ఉగాది పర్వదినం సందర్భంగా ఇక్కడ జాతర వైభవంగా జరుగుతుంది. ఈ ఏడాది ఉత్సవాల కోసం గ్రామస్తులు ఆలయాన్ని సర్వాంగ సుందరంగా తీర్చిదిద్దారు. గురువారం జరగనున్న ఈ వేడుకకు భారీగా భక్తులు తరలిరానున్నారు. గ్రామమంతా భక్తి భావంతో పులకించిపోతోంది.
MBNR: TGRJC CET-2026కు దరఖాస్తు చేసుకోవాలని ఉమ్మడి జిల్లా కోఆర్డినేటర్, బీచుపల్లి గురుకుల ప్రిన్సిపల్ శ్రీనివాస్ నాయక్ తెలిపారు. ఏప్రిల్ 15 చివరి తేదీ అని, మే 3న ప్రవేశ పరీక్ష ఉంటుందన్నారు. పరీక్షలో ప్రతిభ, రిజర్వేషన్ల ద్వారా విద్యార్థుల ఎంపిక జరుగుతుందన్నారు. పూర్తి వివరాలకు 7842991708, 18002452428 నంబర్లను సంప్రదించాలని ఆయన సూచించారు.
MHBD: జిల్లాలో కొత్తగా పట్టాదారు పాసుపుస్తకాలు పొందిన రైతులు రైతు భరోసా పథకానికి దరఖాస్తు చేసుకోవాలని జిల్లా వ్యవసాయ శాఖ అధికారి (DAO) B. సరిత తెలిపారు. ఈనెల 25వ తేదీలోపు ఆన్లైన్లో దరఖాస్తు చేసుకోవాలని DAO సూచించారు. జిల్లాలో కొత్తగా పుస్తకాలు వచ్చిన 2,387 మంది రైతులు తమ సంబంధిత AEOలకు దరఖాస్తులు సమర్పించాలని DAO పేర్కొన్నారు.
MHBD: జిల్లా కంబాలపల్లి ఫారెస్ట్ కార్యాలయం సమీపంలో బుధవారం రాత్రి ఘోర రోడ్డు ప్రమాదం చోటుచేసుకుంది. స్థానికుల వివరాల ప్రకారం.. రెండు బైకులు ఎదురెదురుగా ఢీకొన్నాయి. ఈ ప్రమాదంలో నేరడ మంచ తండాకు చెందిన తావుర్యకు తీవ్ర గాయాలయ్యాయి. గమనించిన వాహనాదారులు అంబులెన్స్లో ఆయనను ఆసుపత్రికి తరలించారు. ఈ ఘటన పై పూర్తి వివరాలు తెలియాల్సి ఉంది.
NLG: కొత్త పాస్ పుస్తకాలు పొందిన రైతులు రైతు భరోసా కోసం దరఖాస్తు చేసుకోవాలని శాలిగౌరారం ఏవో ఎన్.సౌమ్య శృతి కోరారు. శాలిగౌరారం మండలంలోని రైతు వేదికల వద్ద ఏఈవోలు అందుబాటులో ఉంటారని, ఫిబ్రవరి 2026 వరకు రిజిస్ట్రేషన్ చేసుకున్న రైతులు ఈ అవకాశాన్ని సద్వినియోగం చేసుకోవాలని కోరారు.
NRPT: రాష్ట్ర మత్స్య, పశుసంవర్ధకశాఖ మంత్రి డా. వాకిటి శ్రీహరి ఉగాది పండుగ శుభాకాంక్షలు తెలిపారు. ఉగాది మన వారసత్వపు పండుగగా నిలుస్తుందని, ఆచార వ్యవహారాలు, సంస్కృతి, సంప్రదాయాలు జాతిని సజీవంగా ఉంచుతాయన్నారు. ప్రజల సంక్షేమానికి ప్రభుత్వం కట్టుబడి పనిచేస్తోందని, వ్యవసాయంతో పాటు అనుబంధ రంగాల అభివృద్ధి వల్ల గ్రామీణ ఆర్థిక వ్యవస్థ బలపడిందని పేర్కొన్నారు.
కామారెడ్డి జిల్లా మాచారెడ్డి మండలం కొత్తపల్లిలో కూర్మ సంఘం ఆధ్వర్యంలో బీరప్ప కామరాతి ఉత్సవాలు ఘనంగా నిర్వహించారు. ఇందులో భాగంగా 6వ రోజు నాగవెల్లి బోనాలు సమర్పించారు. బీరప్ప కామరాతి, మహంకాళి వేషధారణలతో ఒగ్గు కళాకారులు ఆటపాటలతో భక్తి శ్రద్ధలతో మొక్కులు చెల్లించుకున్నారు. ఈ కార్యక్రమంలో కురుమ సంఘం సభ్యులు, గ్రామస్థులు పాల్గొన్నారు.
MHBD: తెలంగాణ నుంచి ఇటీవల వేం నరేందర్ రెడ్డి రాజ్యసభ సభ్యుడిగా ఎన్నికైన విషయం తెలిసిందే. ఈ క్రమంలో బుధవారం ఆయన సీఎం రేవంత్ రెడ్డితో కలిసి కాంగ్రెస్ పార్టీ అగ్రనేత ప్రియాంకగాంధీని మర్యాదపూర్వకంగా కలిసారు. ఈ సందర్భంగా వేం నరేందర్కి ప్రియాంక శుభాకాంక్షలు తెలిపి, అభినందించారు. కేంద్ర ప్రభుత్వ వైఫల్యాలను ప్రజల్లోకి సిద్ధంగా తీసుకెళ్లాలని ఆమె సూచించారు.
