MDCL: చిల్కానగర్ డివిజన్లో పెండింగ్ పనులపై మాజీ కార్పొరేటర్ బన్నాల గీత స్పందించారు. సాంక్షన్ అయిన పనులను వెంటనే ప్రారంభించకపోతే కాంట్రాక్టర్ల పై కఠిన చర్యలు తీసుకోవాలని డిమాండ్ చేశారు. సివరేజ్ పనుల తర్వాత రోడ్లు పునరుద్ధరించని వారి పై చర్యలు తీసుకోవాలని కోరారు. లో ప్రెషర్ నీటి సమస్య పరిష్కరించాలని జీఎంను కోరగా, అధికారులు సానుకూలంగా స్పందించారు.
KMR: జిల్లా పోలీస్ కార్యాలయంలో నిర్వహించిన సమీక్ష సమావేశంలో కామారెడ్డి ఎస్పీ ఎం.రాజేష్ చంద్ర మాట్లాడుతూ.. కేసుల దర్యాప్తులో పారదర్శకత కీలకమన్నారు. CCTNSలో వివరాలు ఎప్పటికప్పుడు అప్డేట్ చేయాలని, ఎఫ్ఎఆర్ నుంచి ఛార్జ్ షీట్ వరకు తప్పుల్లేకుండా నమోదు చేయాలని సూచించారు.
PDPL: జిల్లాకు చెందిన 20 మంది అమ్మాయిలను కలెక్టర్ శ్రీహర్ష ఆధ్వర్యంలో ఆరు నెలల ఎయిర్ హోస్టెస్ శిక్షణ నిమిత్తం హైదరాబాద్ గో ఫ్లై ఇంటర్నేషనల్ సంస్థలో చేర్పించారు. వీరిలో 12 మంది ఎయిర్ హోస్టెస్ ఉద్యోగాలు సాధించారు. ఈ సందర్భంగా కలెక్టర్ వారిని అభినందించి, సన్మానించారు. కార్యక్రమంలో సంస్థ డైరెక్టర్ విశ్వరూపిణి, వ్యాయామ ఉపాధ్యాయులు కుమార్ పాల్గొన్నారు.
SRPT: మఠంపల్లి మండలం పెదవీడు గ్రామంలోని కౌసర్, మదీనా మస్జిద్ల వద్ద గురువారం రంజాన్ తోఫా కిట్లను పంపిణీ చేశారు. సర్పంచ్ అమరారపు వెంకటేశ్వర్లు, కాంగ్రెస్ మైనారిటీ సెల్ నియోజకవర్గ అధ్యక్షుడు షేక్ కరీం ముఖ్య అతిథులుగా హాజరై పేద ముస్లిం కుటుంబాలకు ఈ కిట్లను అందజేశారు. రంజాన్ మాసం మత సామరస్యానికి ప్రతీక అని వారు పేర్కొన్నారు.
కామారెడ్డి జిల్లాలోని మద్నూర్ మండలం పెద్ద తడ్గూర్లో హనుమాన్ మందిరం పునర్నిర్మాణం కోసం గురువారం సొసైటీ మాజీ ఛైర్మన్ కొండ గంగాధర్ రూ.1,11,111 విరాళం అందజేశారు. పురాతన ఆలయాన్ని అభివృద్ది చేస్తున్నట్లు గ్రామస్థులు తెలిపారు. ఈ కార్యక్రమంలో ఆలయ కమిటి సభ్యులు, హనుమాన్ స్వాములు, గ్రామస్థులు పాల్గొన్నారు
WNP: పెబ్బేరు మండలంలోని తోమాలపల్లి గ్రామంలో శ్రీరామ నవమి పర్వదిన సందర్భంగా ఆల్ ఫ్రెండ్స్ యూత్ ఆధ్వర్యంలో అండర్ 18 కబడ్డీ టోర్నమెంట్ నిర్వహించనున్నట్లు బీఆర్ఎస్ గ్రామ ప్రెసిడెంట్ భరత్ రెడ్డి తెలిపారు. కబడ్డీ టోర్నమెంట్లో పాల్గొనేందుకు ఈనెల 23 తేదీ లోపు నమోదు చేసుకోవాలన్నారు. మొదటి బహుమతికి రూ.8000, రెండవ బహుమతికి రూ.5000 ప్రకటించినట్లు తెలిపారు.
నల్లగొండ మున్సిపల్ కార్పొరేషన్ కమిషనర్ శరత్ చంద్ర ఒక ప్రకటనలో, వివిధ పన్నులను మున్సిపల్ అధికారులకు మాత్రమే చెల్లించాలని ప్రజలకు సూచించారు. కొంతమంది సైబర్ నేరగాళ్లు ఫోన్ చేసి, క్యూఆర్ కోడ్ పంపి ఇంటి, వాణిజ్య పన్నులు కట్టమని అడుగుతున్నట్లు ఆయన దృష్టికి వచ్చిందని తెలిపారు. ఈ మోసాల పట్ల అప్రమత్తంగా ఉండాలని ఆయన ప్రజలకు విజ్ఞప్తి చేశారు.
SRCL: శ్రీ పరాభవ నామ సంవత్సర ఉగాది పండుగ సందర్భంగా, వేములవాడ రాజరాజేశ్వర స్వామి ఆలయంలో వేడుకలు ఘనంగా నిర్వహించారు. వేకువ జాము నుంచి ఆలయంలో పేద పండితుల ఆధ్వర్యంలో అర్చకులు ప్రత్యేక పూజలు నిర్వహించారు. ఆలయ అభివృద్ధి పనులు జరుగుతున్న నేపథ్యంలో ఏకాంతంగా స్వామి వారికి సేవలు నిర్వహించారు. ఆలయ ఈవో రమాదేవి పాల్గొన్నారు.
KMR: పోచారం ప్రాజెక్టు నుంచి సాగునీటి విడుదల కొనసాగుతోంది. గురువారం యాసంగి పంటల కోసం 247 క్యూసెక్కుల నీటిని వదిలినట్లు అధికారులు తెలిపారు. ప్రస్తుతం ప్రాజెక్టులోకి ఎటువంటి ఇన్ ఫ్లో లేదని, మరో 25 క్యూసెక్కుల నీరు ఆవిరి రూపంలో వృథా అవుతోందని వెల్లడించారు. ప్రాజెక్టు పూర్తి సామర్థ్యం 1.820 టీఎంసీలు కాగా, ప్రస్తుతం 0.725 టీఎంసీల నీరు నిల్వ ఉంది.
నిజామాబాద్ జిల్లాకు చెందిన బీఆర్ఎస్ ఎంపీ KR సురేశ్ రెడ్డి రాజ్యసభ సభ్యత్వం బుధవారంతో ముగిసింది. తనను నమ్మి MPగా అవకాశం ఇచ్చిన KCRకు ఆయన ప్రత్యేక కృతజ్ఞతలు తెలిపారు. కాగా 1959లో జిల్లాలోని చౌట్పల్లిలో జన్మించిన సురేశ్ రెడ్డి బాల్కొండ నియోజకవర్గం నుంచి పలుమార్లు ఎమ్మెల్యేగా ఎన్నికయ్యారు.
BHNG: రాజపేట మండలం చల్లూరు గ్రామ రెవెన్యూ పరిధిలోని వాగులో అక్రమంగా ఇసుక తరలిస్తున్న రెండు ట్రాక్టర్లను తహసీల్దార్ వల్లపు ప్రదీప్ సమాచారం మేరకు ఎస్సై లింగారెడ్డి బృందం ఆ ట్రాక్టర్లను స్వాధీనం చేసుకున్నారు. కేసులు నమోదు చేయనున్నారు. ఉగాది పండగ సెలవు రోజు అయినప్పటికీ తాహసీల్దార్ విధులు నిర్వహించడం పట్ల రైతులు మండల ప్రజలు హర్షం వ్యక్తం చేశారు.
BDK: రంజాన్ పర్వదినాన్ని పురస్కరించుకుని అశ్వాపురం మండల కేంద్రంలోని జామా మసీద్ వద్ద గురువారం తహసీల్దార్ మణిదర్ 120 ముస్లిం కుటుంబాలకు రంజాన్ తోఫా కిట్ల ను గురువారం పంపిణీ చేశారు. అన్ని మతాల ప్రజలు పరస్పర గౌరవం, సౌభ్రాతృత్వంతో కలిసి జీవించడం సమాజ అభివృద్ధికి ఎంతో అవసరమని పేర్కొన్నారు. రంజాన్ పండుగ ప్రేమ, సేవా భావనికి ప్రతీకగా నిలుస్తుందని అన్నారు.
SRD: నారాయణఖేడ్ పట్టణంలోని జుక్కల్ శివారులో ఉన్న వ్యవసాయ మార్కెట్ యార్డులో నాఫెడ్ మార్క్ ఫెడ్ ఆధ్వర్యంలో ఏర్పాటుచేసిన శనగల కొనుగోలు కేంద్రాన్ని ఎమ్మెల్యే సంజీవరెడ్డి గురువారం ప్రారంభించారు. ఈ సందర్భంగా ఆయన మాట్లాడుతూ.. ప్రభుత్వం మద్దతు ధరను రైతులు లబ్ధి పొందాలని సూచించారు. ఇందులో ADA నూతన కుమార్, మున్సిపల్ వైస్ చైర్మన్ తదితరులు ఉన్నారు.
BHPL: కార్యకర్తలే BRS పార్టీకి పట్టుకొమ్మలు అని మంథని మాజీ ఎమ్మెల్యే పుట్ట మధుకర్ అన్నారు. మహదేవపూర్ (M) పల్గుల గ్రామానికి చెందిన పలువురు నేతలు నేడు మాజీ ఎమ్మెల్యే సమక్షంలో BRS పార్టీలో చేరారు. రాబోయే అన్ని ఎన్నికల్లో పార్టీ గెలుపే ప్రధాన లక్ష్యంగా ప్రతి ఒక్కరూ పనిచేయాలని, కార్యకర్తలకు పార్టీలో తగిన ప్రాధాన్యత ఉంటుందని మాజీ ఎమ్మెల్యే తెలిపారు.
NLG: ఆధునిక ఫాస్ట్ ఫుడ్ సంస్కృతిని వీడి, ప్రజలు మళ్లీ తెలంగాణ ప్రాచీన వంటకాలపై మక్కువ చూపుతున్నారు. ఆరోగ్యంపై అవగాహన పెరగడంతో జొన్న రొట్టెలు, పచ్చిపులుసు వంటి సంప్రదాయ రుచులకు ఆదరణ పెరుగుతోంది. హాలియాలో జరిగిన ఓ వివాహ వేడుకలో వడ్డించిన కుంటికూర, సర్వపిండి వంటి వంటకాలు అతిథులను విశేషంగా ఆకట్టుకున్నాయి.
