MLC Kavitha: ఢిల్లీ మద్యం కుంభకోణం కేసులో కవిత అరెస్టయిన సంగతి తెలిసిందే. అయితే ఈక్రమంలో ఆమె సుప్రీంకోర్టులో వేసిన రిట్ పిటిషన్‌ను వెనక్కి తీసుకున్నారు. ఈడీ సమన్లు ఇవ్వడాన్ని సవాలు చేస్తూ దాఖలు చేసిన ఈ పిటిషన్‌ను ఆమె ఉపసంహరించుకున్నారు. ఈ కేసులో ఇప్పటికే ఈడీ అరెస్టు చేసింది. ఈ నేపథ్యంలో రిట్ పిటిషన్‌పై విచారణ అవసరం లేనందున వెనక్కి తీసుకుంటున్నామని కవిత తరపు సీనియర్ న్యాయవాది విక్రమ్ చౌదరి తెలిపారు. దీనికి జస్టిస్ బేలా త్రివేది జస్టిస్ పంకజ్ మిత్తల్ ధర్మాసనం అనుమతించింది. అయితే వాళ్లు చట్ట ప్రకారం ఉపశమనం పొందేందుకు తదుపరి చర్యలకు వెళ్తామని న్యాయవాది తెలిపారు. ఈడీ జారీ చేసిన సమన్లను సవాలు చేస్తూ.. గతేడాది మార్చి 14న సుప్రీంకోర్టులో కవిత ఈ పిటిషన్ దాఖలు చేశారు.
ఇది కూడా చూడండి: Plants In Summer : వేసవిలోనూ మొక్కలు చక్కగా పెరగాలంటే.. చిట్కాలు
