సూపర్ స్టార్ మహేష్ బాబుకి ఏమైందనే న్యూస్.. ప్రస్తుతం సోషల్ మీడియాలో వైరల్‌గా మారింది. ఇటీవలే తన తల్లి ఇందిరా దేవి మరణం.. మహేష్‌ను ఎంతగానో కలిచివేసింది. ఇంకా ఆ బాధనుంచి తేరుకోలేకపోతున్నాడు మహేష్. అందుకే ప్రస్తుతం సెట్స్ పై ఉన్న ఎస్ఎస్ఎంబీ28 షూటింగ్‌కు కూడా బ్రేక్ ఇచ్చారు. ఇప్పటికే ఫస్ట్ షెడ్యూల్ కంప్లీట్ చేసుకున్న ఈ సినిమాను.. త్వరలోనే మరో షెడ్యూల్ స్టార్ట్ చేసేందుకు రెడీ అవుతున్నాడు త్రివిక్రమ్.
అయితే ఇప్పుడు ఉన్నట్టుండి మహేష్ విదేశాలకు వెళ్తున్నాడనే న్యూస్ టాక్ ఆఫ్ ది టౌన్‌గా మారింది. అది కూడా ఎస్ఎస్ఎంబీ 28కి షూటింగ్‌కు బ్రేక్ ఇచ్చి మరీ వెళ్తున్నాడని తెలుస్తోంది. ఈ నేపథ్యంలో.. మెడికల్ పర్పస్‌ మీదే మహేష్ లండన్ వెళ్తున్నాడనే చర్చ జరుగుతోంది. కొన్నాళ్ళ క్రితం మహేష్ మోకాలికి సర్జరీ జరిగినట్టు వార్తలొచ్చిన సంగతి తెలిసిందే. దాంతో ఇప్పుడు హెల్త్ ఇష్యూ కారణంగానే లండన్ వెళ్తున్నట్టు ప్రచారం జరుగుతోంది. అయితే ఇవ్వన్నీ పుకార్లేనని తెలుస్తోంది.
తన కుమారుడు గౌతమ్ కోసమే మహేష్ లండన్ వెళ్తున్నట్టు సమాచారం. ప్రస్తుతం గౌతమ్ లండన్‌లో చదువుకుంటున్నాడు. ఇటీవల తమ ఇంట్లో విషాదం జరగడంతో ఇండియాకొచ్చాడు గౌతమ్. అందుకే ఇప్పుడు కొడుకుని డ్రాప్ చేసేందుకు.. మహేష్ తన ఫ్యామిలీతో కలిసి లండన్ వెళ్ళబోతున్నట్టు తెలుస్తోంది. దాని కోసమే ఎస్ఎస్ఎంబీ28 షూటింగ్‌కి కాస్త బ్రేక్ ఇచ్చినట్టు టాక్. మరి ఈ సినిమా సెకండ్ షెడ్యూల్‌ని తిరిగి ఎప్పుడు స్టార్ట్ చేస్తారో చూడాలి.
ఇది కూడా చూడండి: ‘సలార్’ క్లైమాక్స్ పై మాసివ్ అప్టేట్ ఇచ్చిన మేకర్స్..!
