స్టార్ బ్యూటీ సమంత(Samantha) గురించి ఏదో ఓ వార్త హాట్ టాపిక్ అవుతునే ఉంటుంది. ముఖ్యంగా నాగ చైతన్యతో డివోర్స్‌.. అమ్మడికి నాన్‌స్టాప్ న్యూస్‌గా మారిపోయింది. సమంత గురించి ఎలాంటి ప్రస్థావన వచ్చినా.. చైతూతో లింక్ పెడుతున్నారు. ఇక సామ్ కూడా తగ్గేదేలే అన్నట్టే వ్యవహరిస్తోంది. అయితే ఈ మధ్య సోషల్ మీడియాలో కాస్త దూకుడు తగ్గించింది. దానికి కారణం సామ్ విదేశాలకు వెళ్లిపోయిందనే టాక్ నడిచింది. అది కూడా ఏదో స్కిన్ ఇష్యూ వల్ల సర్జరీ కోసం అని జోరుగా ప్రచారం జరిగింది.
అలాగే బాలీవుడ్‌లో చేయబోయే ఓ వెబ్ సిరీస్ కోసం.. శిక్షణలో భాగంగా వెళ్లిందనే వార్తలు కూడా వచ్చాయి. అయితే ఇప్పుడు సమంతను చూసి సర్జరీ కోసమే వెళ్లిందనే ప్రచారం జరుగుతోంది. ఇటీవల ఓ యాడ్‌లో ఈ హాట్ బ్యూటీ నయా లుక్ చూసి షాక్ అవుతున్నారు అభిమానులు. ఇందులో సమంత కాస్త బొద్దుగా దర్శనమిచ్చింది. అలాగే ఆమె ఫేస్‌లో కూడా మార్పులు కనిపిస్తున్నాయి అంటూ కామెంట్ చేస్తున్నారు.
సర్జరీ వల్లే సమంత అలా అయిపోయిందని అంటున్నారు. లేదంటే ఏదైనా అప్ కమింగ్ ప్రాజెక్ట్ కోసం సరికొత్తగా మేకోవర్ అవుతుందా.. అనే అభిప్రాయం కూడా వ్యక్తం చేస్తున్నారు. ఫైనల్‌గా కొత్త సమంతను చూస్తున్నట్టు ఫీల్ అవుతున్నారు నెటిజన్స్. ఇకపోతే ప్రస్తుతం తెలుగులో యశోద, శాకుంతంలం, ఖుషి అనే సినిమాల్లో నటిస్తున్న సామ్.. రెమ్యునరేషన్ భారీగా పెంచేసిందని తెలుస్తోంది. ఒక్కో ప్రాజెక్ట్‌కు 5 కోట్లకు అటు ఇటుగా వసూలు చేస్తుందని సమాచారం.
ఇది కూడా చూడండి: ఆ బాధ్యత పవన్(pawan kalyan) తీసుకుంటాడా..?
