అక్టోబర్ 23న, ప్రభాస్ బర్త్ డే సెలబ్రేషన్స్‌ను గ్రాండ్‌గా జరుపుకునేందుకు రెడీ అవుతున్నారు అభిమానులు. ఈ నేపథ్యంలో ప్రభాస్ కొత్త సినిమాల నుంచి అప్టేట్స్ ఇచ్చేందుకు సిద్దమవుతున్నారు మేకర్స్. ప్రభాస్ నటిస్తున్న సినిమాల్లో ‘ప్రాజెక్ట్ కె’ పాన్ వరల్డ్ స్థాయిలో తెరకెక్కుతోంది. వైజయంతీ మూవీస్ బ్యానర్ పై 500 కోట్ల బడ్జెట్‌తో.. సైన్స్ ఫిక్షన్‌గా ఈ సినిమా రూపొందుతోంది.
మహానటి తర్వాత యంగ్ డైరెక్టర్ నాగ్ అశ్విన్ అత్యంత ప్రతిష్టాత్మకంగా ఈ చిత్రాన్ని తెరకెక్కిస్తున్నాడు. దీపిక పదుకొనే హీరొయిన్‌గా నటిస్తున్న ఈ సినిమాలో.. అమితాబ్ బచ్చన్ కీలక పాత్రలో నటిస్తున్నాడు. దాంతో ఈ సినిమా పై భారీ అంచనాలున్నాయి. ఖచ్చితంగా ఈ సినిమా ప్రభాస్‌ను పాన్ వరల్డ్ స్థాయిలో నిలబడెడుతుందనే గట్టి నమ్మకంతో ఉన్నారు. అయితే ఇప్పటి వరకు ఈ సినిమా నుంచి ప్రభాస్‌కు సంబంధించి.. ఎలాంటి వీడియో గానీ, ఫస్ట్ లుక్ పోస్టర్ గానీ రిలీజ్ చేయలేదు.
కానీ ప్రభాస్ బర్త్ డే సందర్భంగా ట్రీట్ ఇవ్వబోతున్నట్టు ప్రకటించాడు దర్శకుడు నాగ్ అశ్విన్. ఫ్యాన్స్ ఎగ్జైట్‌మెంట్ చూసిన తర్వాత.. ఓ ఊహించని చిన్న ట్రీట్ అయితే వస్తుందని కన్ఫర్మ్ చేశాడు. దీనితో అభిమానుల్లో ఆ అప్డేట్ ఏంటనేది ఆసక్తిగా మారింది. ఇక ప్రాజెక్ట్ కెతో పాటు సలార్ నుంచి కూడా సాలిడ్ అప్టేట్ వచ్చే ఛాన్స్ ఉందంటున్నారు. అలాగే ఆదిపురుష్ నుంచి సాంగ్ రిలీజ్ చేసే ఛాన్స్ ఉందంటున్నారు. దాంతో డార్లింగ్ అభిమానులు.. ఆ అప్టేట్స్ కోసం ఈగర్‌గా వెయిట్ చేస్తున్నారు. అయితే ప్రభాస్ నుంచి ఎలాంటి అప్టేట్స్ రాబోతున్నాయో తెలియాలంటే.. ఇంకొన్ని గంటలు వెయిట్ చేయాల్సిందే.
ఇది కూడా చూడండి: ఇది కూడా కావాలంటున్న పూరి(puri jagannadh) ఫ్యాన్స్!
