కృష్ణా: ఐదేళ్ల చిన్నారిపై ఓ కామాంధుడు అత్యాచారం చేసిన ఘటనలో కీలక విషయాలు వెలుగులోకి వచ్చాయి. గుడివాడలో ఓ దంపతులకు ఐదుగురు అమ్మాయిలు. వారి ఇంటి ముందు ఉండే జోజిబాబు(42) ఓ రైసు మిల్లులో కార్మికుడిగా పనిచేస్తుంటాడు. ఇతడికి చిన్నారి తల్లిదండ్రులే రోజూ అన్నం పెట్టేవారు. శనివారం ఇంట్లో ఎవరూ లేని సమయంలో నిద్రపోతున్న చిన్నారిపై బోజిబాబు అత్యాచారం చేశాడు.
WGL: నగరంలోని జర్నలిస్ట్ భవనంలో టీయూడబ్ల్యుజే ఐజేయు జిల్లా అధ్యక్షులు రామచందర్ అధ్యక్షత న కార్యవర్గ సమావేశం జరిగింది. ఈ సమావేశంలో జిల్లా కార్యవర్గ సభ్యులు పాల్గొని పలు అంశాలపై చర్చించి ఏకగ్రీవంగా ఆమోదం తెలిపారు. తీర్మానంలో నూతన సభ్యత్వం కార్యక్రమం యూనియన్ సభ్యులకు యూనియన్ గుర్తింపు కార్డుతోపాటు వాహనాలకు స్టిక్కర్లను ముదిరించడంపై చర్చించారు.
ASF: జిల్లాలో చలి గజగజ వణికిస్తోంది. ఉష్ణోగ్రత పడిపోతుండటంతో ప్రజలు తీవ్ర ఇబ్బందులు ఎదుర్కొంటున్నారు. సిర్పూర్ (యూ)లో 6.1, తిర్యాణి 7.1, కెరమెరి 8.3, బెజ్జూరులో 9.0 డిగ్రీల అత్యల్ప ఉష్ణోగ్రతలు నమోదయ్యాయి. పొగమంచుతో రహదారులు కనిపించడం లేదని వాహనదారులు వాపోతున్నారు.
NRML: మామడ మండలంలోని దిమ్మదుర్తి ఫీడర్ పై చెట్ల కొమ్మల తొలగింపు, సబ్ స్టేషన్ల నెలవారీ మరమ్మతుల్లో భాగంగా నేడు విద్యుత్ సరఫరాలో అంతరాయం ఉంటుందని ఏఈ బాలయ్య తెలిపారు. ఉదయం 9 నుంచి మధ్యాహ్నం 2గం.ల వరకు 33/11 కెవి పరిధిలోని పొన్కల్, దిమ్మదుర్తి, కమల్ కోట్, అనంతపేట్, నల్దుర్తి, తదితర గ్రామాలకు అంతరాయం ఉంటుందన్నారు. విద్యుత్ వినియోగదారులు సహకరించాలని ఆయన కోరారు.
కృష్ణా: పాలకాయతిప్ప మెరైన్ ఎస్సైగా పూర్ణ మాధురి ఆదివారం బాధ్యతలు చేపట్టారు. ఇప్పటివరకు బాధ్యతలు నిర్వహిస్తున్న ఏకే జిలాని రిటైర్మెంట్ కోసం ఏలూరు రేంజ్‌కు రిపోర్ట్ చేయగా బంటుమిల్లి శివారు వర్ణ గొంది తిప్ప ఎస్సైగా బాధ్యతలు నిర్వహిస్తున్న పూర్ణ మాధురి పాలకాయ తిప్పకు బదిలీపై వచ్చారు. ఈ సందర్భంగా మెరైన్ సిబ్బంది ఎస్సైకు స్వాగతం పలికి ప్రత్యేక అభినందనలు తెలియజేశారు.
కృష్ణా: దుర్గగుడి సమీపంలోని కనకదుర్గ నగర్ రోడ్డు వెంబడి ఉన్న ఆక్రమణలను ఆదివారం పోలీసులు తొలగించారు. ఆక్రమణల తొలగింపులో వెస్ట్ డివిజన్ ఏసీపీ దుర్గరావు, 1టౌన్ ఇన్‌స్పెక్టర్ గురు ప్రకాశ్, ఇతర సిబ్బంది పాల్గొన్నారు. నగరంలో ట్రాఫిక్ క్రమబద్దీకరణలో భాగంగా ఆదివారం దుర్గగుడి సమీపంలో ఆక్రమణలు తొలగించామని ఏసీపీ దుర్గరావు చెప్పారు.
బౌన్సర్లను ఉద్దేశించి సినీ నటుడు బ్రహ్మాజీ ఓ పోస్ట్ చేశాడు. ‘ఎక్కడ చూసిన బౌన్సర్ల యాక్షన్ ఓవర్ అవుతుంది. వాళ్ల యాక్షన్ ముందు మా యాక్షన్ సరిపోవడం లేదు. అవుట్ డోర్స్ అయితే పర్లేదు కానీ సెట్స్‌లో కూడానా?’ అంటూ పోస్ట్‌లో పేర్కొన్నాడు. ప్రస్తుతం ఈ పోస్ట్ నెట్టింట వైరల్‌గా మారింది.
విశాఖలో ఈనెల8వ తేదీన ప్రధాని నరేంద్ర మోదీ పర్యటించనున్న నేపథ్యంలో ఏర్పాట్ల పర్యవేక్షణకు ఉత్తరాంధ్ర జిల్లాలకు చెందిన పలువురు ఐఏఎస్ అధికారులను నియమించారు. వీరు కాకుండా ఉత్తరాంధ్ర జిల్లాలకు చెందిన 10మంది డిప్యూటీ కలెక్టర్లు, 20మంది MROలు, రవాణా పౌర సరఫరాలు రోడ్లు భవనాల శాఖ నుంచి పలువురు అధికారులను నియమించారు. 60వేల మందితో రోడ్ షోకు ఏర్పాట్లు చేస్తున్నారు.
PLD: బొల్లాపల్లి మండలంలో సోమవారం ఉదయం ప్రజాదర్బార్ కార్యక్రమంలో వినుకొండ ఎమ్మెల్యే, చీఫ్ విప్ జీవీ ఆంజనేయులు పాల్గొననున్నారు. సోమవారం ఉదయం 9 గంటల నుంచి 11 గంటల వరకు మండల ప్రజా పరిషత్ కార్యాలయం వద్ద జరగనున్న ఈ కార్యక్రమంలో, మండల ప్రజలు తమ సమస్యలను అర్జీ రూపంలో సమర్పించాలన్నారు.
విశాఖ పోర్టులో ఈనెల 14న ఫైట్ స్టేషన్ గిడ్డంగుల్లో సీజ్ చేసిన 259 మెట్రిక్ టన్నుల బియ్యంలో రేషన్ బియ్యం కలవలేదని జాయింట్ కలెక్టర్ కె. మయూర్ అశోక్ శనివారం తెలిపారు. సీజ్ చేసిన బియ్యంలో శాంపిల్స్ తీసుకుని ప్రయోగశాలకు పంపించామన్నారు. వాటిలో రేషన్ బియ్యం కలవలేదని నివేదిక వచ్చిందన్నారు.
GNTR: రాష్ట్రాన్ని క్రీడల్లో ప్రపంచంలోనే అగ్రగామిగా నిలిపేందుకు కూటమి ప్రభుత్వం కృషి చేస్తోందని ఎమ్మెల్యే ప్రత్తిపాటి పుల్లారావు తెలిపారు. చిలకలూరిపేట పట్టణంలో శనివారం సాయంత్రం కృష్ణా, గుంటూరు, ప్రకాశం ఉమ్మడి జిల్లాల షటిల్ బ్యాడ్మింటన్ పోటీలను ఆయన ప్రారంభించారు. ఆయన మాట్లాడుతూ.. క్రీడలు మానసిక ఉల్లాసంతో పాటు, శారీరక ధారుఢ్యానికి ఎంతగానో దోహదం చేస్తాయి.
PLD: దమ్ము చక్రాలతో (వీల్స్) సిమెంటు, తారు రోడ్లపై తిరిగితే అటువంటి ట్రాక్టర్లను సీజ్ చేస్తామని కారంపూడి సీఐ టి. శ్రీనివాసరావు అన్నారు. శనివారం స్టేషన్ లో మాట్లాడుతూ.. దమ్ము చక్రాలు తిరగటం వలన రూ. లక్షలాది పెట్టి నిర్మించిన సీసీ, తారు రోడ్లు ధ్వంసం అవుతున్నాయన్నారు. ట్రాక్టర్ యజమానులు ఇష్టానుసారంగా వ్యవహరించవద్దని సీఐ శ్రీనివాసరావు హెచ్చరించారు.
MDK: పాపన్నపేట మండలంలోని శ్రీ ఏడుపాయల దేవాలయంలో వన దుర్గా భవాని మాతకు ఆదివారం వేకువజాము నుండి అర్చకులు పార్థివ శర్మ భాను వాసరే ప్రత్యేక పూజలు చేపట్టారు. భక్తుల ఇలవేల్పు భవాని మాతకు ప్రత్యేక అలంకరణలతో విశేష అభిషేక పూజలు చేశారు. అనంతరం మంగళ హారతి, దీపం, గుగ్గిల ధూపం, నారికేళ, ఫల నైవేద్యం నివేదన చేశారు.
CTR: చెన్నై-బెంగళూరు రైల్వే మార్గంలోని కుప్పం మండలం గుల్లెపల్లి సమీపంలో శనివారం గుర్తు తెలియని యువకుడు రైలు కింద పడి ఆత్మహత్య చేసుకున్నాడు. మృతుడి వివరాలు ఎవరికైనా తెలిస్తే కుప్పం రైల్వే పోలీసులను సంప్రదించాలని పోలీసులు పేర్కొన్నారు. మృతదేహాన్ని పోస్టుమార్టం నిమిత్తం కుప్పం ఏరియా ఆసుపత్రికి తరలించారు.
BPT: బాలిక సంరక్షణకు ప్రభుత్వం అత్యంత ప్రాధాన్యతనిస్తూ వారి సంరక్షణకు కృషి చేస్తుందని ఐసీడీఎస్ సూపర్వైజర్ మాధవి పేర్కొన్నారు. వేమూరు మండల పరిషత్ కార్యాలయంలో శనివారం బాలికల సంరక్షణపై అవగాహన సదస్సు నిర్వహించారు. తహసీల్దార్ సుశీల అధ్యక్షతన జరిగిన సమావేశంలో పలువురు అధికారులు పాల్గొని బాలికా సంరక్షణపై పలు సూచనలు అందజేశారు.
