TG: రాష్ట్రంలో పండుగల సందడి నెలకొన్న సందర్భంగా రాష్ట్ర ప్రభుత్వం ఉద్యోగులకు గుడ్న్యూస్ చెప్పింది. రంజాన్ మాసపు పవిత్ర ఆఖరి శుక్రవారం ‘జుమాతుల్ విదా’ను పురస్కరించుకుని రేపు ఆప్షనల్ హాలిడేను ప్రకటించింది. ఈ మేరకు ప్రభుత్వం అధికారిక ఉత్తర్వులు జారీ చేసింది. జుమాతుల్ విదా రోజున ప్రత్యేక ప్రార్థనలు చేసుకునే ముస్లిం ఉద్యోగులకు ఈ సెలవు ఎంతగానో ఉపయోగపడనుంది.
VSP: ప్రముఖ పుణ్యక్షేత్రం సింహాచలం వరాహలక్ష్మి నృసింహస్వామి వారి వార్షిక కళ్యాణ మహోత్సవం ఈనెల 29న జరగనుంది. ఈ సందర్భంగా స్వామివారికి ఇవాళ సాయంత్రం 3:30 గంటలకు పెళ్లి రాట మహోత్సవం నిర్వహించనున్నారు. సంప్రదాయబద్ధంగా వైదిక క్రతువులు పూర్తిచేసి భక్తుల గోవింద నామస్మరణ, మేళతాళాల మధ్య రాట ఉడుపు మహోత్సవాన్ని నిర్వహిస్తారు.
అన్నమయ్య: రాజంపేట రైల్వే స్టేషన్ రోడ్డులోని కాంప్లెక్స్ వద్ద విద్యుత్ షార్ట్ సర్క్యూట్ కారణంగా మంటలు చెలరేగాయి. సమాచారం అందుకున్న అగ్నిమాపక సిబ్బంది తక్షణమే చేరుకుని మంటలను అదుపులోకి తెచ్చారు. సమయ స్ఫూర్తితో వ్యవహరించడంతో మంటలు పక్కనే ఉన్న దుకాణాలకు వ్యాపించకుండా నిలిపివేయడంతో పెద్ద ప్రమాదం తప్పింది. దీంతో స్థానికులు, షాపుల యజమానులు ఊపిరి పీల్చుకున్నారు.
అన్నమయ్య: రాజంపేట రైల్వే స్టేషన్ రోడ్డులోని కాంప్లెక్స్ వద్ద విద్యుత్ షార్ట్ సర్క్యూట్ కారణంగా మంటలు చెలరేగాయి. సమాచారం అందుకున్న అగ్నిమాపక సిబ్బంది తక్షణమే చేరుకుని మంటలను అదుపులోకి తెచ్చారు. సమయ స్ఫూర్తితో వ్యవహరించడంతో మంటలు పక్కనే ఉన్న దుకాణాలకు వ్యాపించకుండా నిలిపివేయడంతో పెద్ద ప్రమాదం తప్పింది. దీంతో స్థానికులు, షాపుల యజమానులు ఊపిరి పీల్చుకున్నారు.
NLG: వేసవి ఎండలు ముదురుతుండడంతో హాలియా పరిసర ప్రాంతాల్లో కొబ్బరి బోండాలకు విపరీతమైన గిరాకీ పెరిగింది. రోడ్ల పక్కన విక్రయాలు జోరుగా సాగుతుండగా, ఒక్కో బోండా ధర రూ.30 నుంచి 50 పలుకుతోంది. లీటర్ బాటిల్ కొబ్బరి నీరు రూ.100 వరకు విక్రయిస్తున్నారు. ఆరోగ్యానికి ఎంతో మేలు చేస్తుందని వైద్యులు సూచించడంతో ప్రజలు వీటిని కొనుగోలు చేయడానికి ఆసక్తి చూపుతున్నారు.
TPT: ఉగాది పండుగ సందర్భంగా జిల్లా కలెక్టర్ డా. ఎస్. వెంకటేశ్వర్ కుటుంబ సమేతంగా తిరుమల శ్రీవారిని దర్శించుకున్నారు. ఆలయంలో ప్రత్యేక పూజలు నిర్వహించి, నూతన సంవత్సరానికి శుభాకాంక్షలు తెలిపారు. ఈ సందర్భంగా ఆలయ అధికారులు కలెక్టర్ను సాదరంగా ఆహ్వానించి తీర్థ ప్రసాదాలు అందజేశారు.
ప్రకాశం: పామూరులోని మదన వేణుగోపాల స్వామి ఆలయంలో గురువారం ఉగాది పరాభవనామ సంవత్సరాన్ని పురస్కరించుకుని ప్రత్యేక పూజలు నిర్వహించారు. అర్చకులు నారాయణ చార్యులు, ఈవో గిరిరాజు నర్సింహబాబు ఆలయంలో పంచాంగాలు ఆవిష్కరించడంతో పాటు చిన్నారులకు అక్షరాభ్యాసం నిర్వహించారు. భక్తులు పెద్ద సంఖ్యలో వచ్చి స్వామివారిని దర్శించుకుని తీర్థప్రసాదాలు స్వీకరించారు.
PLD: నరసరావుపేట పట్టణంలోని ఆర్టీసీ బస్టాండు వద్ద పల్నాడు యూనియన్ ఆధ్వర్యంలో ఏర్పాటు చేసిన నూతన ఆటో స్టాండ్ను ఎమ్మెల్యే చదలవాడ అరవింద బాబు ప్రారంభించారు. ఈ సందర్భంగా ఆయన మాట్లాడుతూ.. ఆటో డ్రైవర్లు సమాజానికి కీలక భాగస్వాములని, వారి సంక్షేమానికి ప్రభుత్వం కట్టుబడి ఉందన్నారు. ఈ కార్యక్రమంలో పార్టీ నాయకులు, తదితరులు పాల్గొన్నారు.
బాపట్ల: రేపల్లెలో బాలభక్త బృందం ఆధ్వర్యంలో పాత స్టేట్ బ్యాంకు సెంటర్ వద్ద 60వ శ్రీ సీతారామ కళ్యాణ మహోత్సవానికి శ్రీకారం చుట్టారు. గురువారం జరిగిన చలువ పందిరి గుంజ పూజలో టీడీపీ నేత అనగాని శివప్రసాద్ పాల్గొని ప్రత్యేక పూజలు చేశారు. ఈ మహోత్సవం విజయవంతం కావాలని ఆకాంక్షించారు. ఈ కార్యక్రమానికి భక్తులు, నిర్వాహకులు హాజరయ్యారు.
కృష్ణా: ఉగాది పండుగను పురస్కరించుకొని గుడివాడ మండలం జగన్నాధపురంలో వేంచేసియున్న శ్రీ వెంకటేశ్వర స్వామి వారి దేవస్థానంలో వెంకటేశ్వర స్వామిని ఎమ్మెల్యే వెనిగండ్ల రాము దర్శించుకున్నారు. అనంతరం ప్రత్యేక పూజలు చేశారు. వేద పండితులు వేద ఆశీర్వచనాలు అందించి, స్వామివారి లడ్డూ ప్రసాదాన్ని ఆయనకు అందజేశారు.
ఎయిర్బ్యాగ్ సౌకర్యంతో కూడిన ‘Tricity 300’ మోడల్ స్కూటర్ను యమహా విడుదల చేసింది. ప్రపంచంలోనే ఈ ఫీచర్తో వస్తున్న తొలి స్కూటర్ ఇదే. మూడు చక్రాలతో ఉండే ఈ స్కూటర్లో, రైడర్ రక్షణ కోసం బిల్ట్-ఇన్ ఎయిర్బ్యాగ్ సిస్టమ్ ఉంది. స్వీడన్ కంపెనీ ‘ఆటోలివ్’తో కలిసి దీనిని రూపొందించారు. 292cc ఇంజిన్, కార్నరింగ్ ABS వంటి అత్యాధునిక ఫీచర్లు ఇందులో స్పెషల్.
BPT: వేటపాలెం మండలం చల్లారెడ్డిపాలెం గ్రామంలో CC రోడ్ల నిర్మాణ పనులను గురువారం ప్రారంభించారు. ఈ నిర్మాణ పనులను గ్రామ పార్టీ అధ్యక్షులు కీర్తి పూర్ణ పరిశీలించారు. తమ ఎమ్మెల్యే మద్దులూరి మాలకొండయ్య సహకారంతో గ్రామంలో CC రోడ్లు మెరుగులు దిద్దుకున్నాయని కీర్తిపూర్ణ చెప్పారు. గతంలో ఎన్నడూ లేని విధంగా నియోజకవర్గంలో అభివృద్ధి పరిగెడుతుందని తెలియజేశారు.
BDK: ముఖ్యమంత్రి రేవంత్ రెడ్డిను భద్రాచల శ్రీ సీతారామచంద్రస్వామి వారి దేవస్థానం తరపున అర్చకులు ఇవాళ ఆహ్వానం అందజేశారు. శ్రీరామనవమి తిరుకళ్యాణ బ్రహ్మోత్సవాలకు హాజరుకావాలని కోరారు. ఈ కార్యక్రమంలో ఈ.వో దామోదర్ రావు, ఉపముఖ్యమంత్రి భట్టి విక్రమార్క, మంత్రి తుమ్మల నాగేశ్వర రావు, ఎంపీ వేం నరేందర్ రెడ్డి, ఎమ్మెల్యే తెల్లం వెంకట్రావు పాల్గొన్నారు.
ATP: గుత్తి మున్సిపాలిటీలోని ఇంటి, దుకాణాల పన్నులు వసూలు చేయాలని మున్సిపల్ కమిషనర్ జబ్బర్ మియా సిబ్బందికి సూచించారు. ఇందులో భాగంగా మున్సిపాలిటీ ఆర్.ఐ ఫయాజ్, బిల్ కలెక్టర్ బాబా ఫక్రుద్దీన్ గురువారం ఉగాది పండుగ రోజున ఇంటి, దుకాణాల పన్నులను వసూలు చేస్తున్నారు. సకాలంలో ఇంటి పన్నులను చెల్లించి మున్సిపాలిటీ అభివృద్ధికి సహకరించాలని పట్టణ ప్రజలకు తెలిపారు.
MNCL: జన్నారం మండలంలోని వివిధ గ్రామాలలో ఉగాది పండుగను నిర్వహించుకున్నారు. ఉగాది సందర్భంగా గురువారం జన్నారంతో పాటు వివిధ గ్రామాలలో ఉన్న దేవాలయాలను భక్తులు, ప్రజలు సందర్శించి స్వామివార్లకు ప్రత్యేక పూజలు నిర్వహించారు. జన్నారంలోని శ్రీ పోతులూరి వీరబ్రహ్మేంద్ర స్వామి వారి దేవాలయంలో ఉగాది ఉత్సవాలు ఘనంగా జరిగాయి. నిర్వాహకులు ప్రజలకు ఉగాది పచ్చడిని అందజేశారు.
