NTR నటించిన “దేవర” సినిమా ప్రస్తుతం ఇండియాలో అన్ని ఫిలిం ఇండస్ట్రీల్లో చర్చనీయాంశంగా మారింది. గత 3-4 నెలలుగా టాలీవుడ్లో పెద్ద సినిమాలు రాకపోవడం, సంక్రాంతి తర్వాత కమర్షియల్ చిత్రం లేకపోవడంతో, “దేవర” అన్ని వర్గాల ప్రేక్షకులలో అత్యంత ఆసక్తి కలిగిస్తుంది.
“దేవర” చిత్ర బృందం ఇప్పటికే రెండు పాటలను విడుదల చేసింది. మొదటి పాట “ఫియర్” మంచి స్పందనను పొందింది. తర్వాత వచ్చిన “చుట్టమల్లే” పాట చార్ట్ బస్టర్‌గా మారింది, ఇన్‌స్టాగ్రామ్ రీల్స్ , సామాజిక మాధ్యమాలలో వైరల్ అయ్యింది. ఇప్పుడు, చిత్ర బృందం మూడవ సింగిల్ “అయుధ పూజ” పాటను విడుదల చేయడానికి సిద్ధమైంది.
Read Also: ఓటీటీ లో మారుతీనగర్ సుబ్రహ్మణ్యం… డేట్ ఫిక్స్
ఈ పాట ఆల్బమ్‌లో ప్రధాన హైలైట్‌గా ఉండనుందని సమాచారం. అనిరుధ్ సంగీతం ఈ చిత్రానికి మరింత అదనపు ఆకర్షణ కలిగిస్తుందని ప్రత్యేకించించి చెప్పాల్సిన అవసరం లేదు. ఇటీవల విడుదలైన ట్రైలర్ ఈ విషయాన్ని స్పష్టం చేస్తోంది.
“దేవర” సినిమా సెప్టెంబర్ 27న విడుదలకు సిద్ధంగా ఉంది. ఈ చిత్రం ఇప్పటికే విదేశాలలో ప్రీ-సేల్‌ల రూపంలో రికార్డులను సృష్టిస్తోంది. “దేవర” సినిమా విదేశీ ప్రీమియర్లతో 3 మిలియన్ కి పైగా వసూళ్లు సాధించనుందని అంచనా వేస్తున్నారు.
Read Also: హైదరాబాద్ మెట్రో అకౌంట్ హ్యాక్
NTR అభిమానులు, సినిమా ప్రేక్షకులంతా ఈ చిత్రం విడుదల కోసం ఎంతో ఆసక్తిగా ఎదురుచూస్తున్నారు. “దేవర” ద్వారా NTR మరోసారి ప్రేక్షకులను ఆకట్టుకుంటాడని నమ్మకం బలంగా కనిపిస్తుంది.
