ఎప్పుడెప్పుడా అని ఎదురుచూస్తున్న రైతులకు ప్రధాని మోదీ (PM MODI) శుభవార్త అందించారు. పీఎం కిసాన్ సమ్మాన్ నిధి పెట్టుబడి సాయం 13వ విడత నిధులను సోమవారం విడుదల చేశారు. అర్హులైన 8 కోట్ల మంది రైతుల ఖాతాల్లో మొత్తం రూ.16,800 కోట్లు నిధులను నేరుగా పీఎం జమ చేశారు . కర్ణాటక (Karnataka) పర్యటనలో భాగంగా బెళగావి సభ వేదికగా మీటా నొక్కి పీఎం కిసాన్( PM Kisan) నిధులను విడుదల చేశారు ప్రధాని (PM Modi). 13 విడత నిధుల విడుదలో ఇప్పటి వరకు కేంద్ర ప్రభుత్వం రైతులకు అందించిన సాయం రూ.2.30 లక్షల కోట్లకు చేరినట్లు ప్రభుత్వ వర్గాలు తెలిపాయి. ఈ పథకం కింద, అర్హులైన రైతు కుటుంబాలకు ఒక్కొక్కరికి 2,000 రూపాయల చొప్పున మూడు సమాన వాయిదాలలో సంవత్సరానికి 6,000 రూపాయలు ఇస్తారు. 2019లో మోదీ ప్రారంభించిన ప్రధాన మంత్రి కిసాన్ సమ్మాన్ నిధి (Kisan Samman Fund) పథకం, నిర్దిష్ట మినహాయింపులకు లోబడి, సాగు భూమితో దేశవ్యాప్తంగా ఉన్న అన్ని భూస్వాముల రైతు కుటుంబాలకు ఆదాయ మద్దతును అందించడం లక్ష్యంగా పెట్టుకుంది. దేశంలోని భూమి కలిగిన రైతు కుటుంబాలు ఈ పథకం కింద అర్హులు.
Read Also : లాసెట్‌, పీజీఎల్‌ సెట్‌ షెడ్యూల్‌ రిలీజ్
ఇప్పటి వరకు 11 కోట్లకు పైగా రైతు కుటుంబాలకు, ప్రాథమికంగా చిన్న, సన్నకారు కుటుంబాలకు 2.25 లక్షల కోట్ల రూపాయలకు పైగా నిధులు పంపిణీ చేసినట్లు కేంద్ర ప్రభుత్వ వర్గాలు వెల్లడించాయి. ఇక, నూతనంగా అభివృద్ధి చేసిన బెలగావి (Belagavi)రైల్వే స్టేషన్ భవనాన్ని ప్రధాని మోదీ జాతికి అంకితం చేశారు. ప్రయాణీకులకు ప్రపంచ స్థాయి సౌకర్యాలను అందించడానికి సుమారు 190 కోట్ల రూపాయల వ్యయంతో రైల్వే స్టేషన్‌ను తిరిగి అభివృద్ధి చేశామని పేర్కొన్నారు. అంతే కాకుండా మరో రైల్వే ప్రాజెక్ట్ అయిన లోండా-బెలగావి-ఘటప్రభ సెక్షన్ మధ్య రైలు మార్గాన్ని డబ్లింగ్ చేశారు. దీన్ని సైతం మోదీ జాతికి అంకితం చేశారు. ఈ డంబ్లింగ్ పూర్తవడం ద్వారా రద్దీగా ఉండే ముంబై – పూణె – హుబ్బల్లి – బెంగళూరు రైలు మార్గంలో లైన్ సామర్థ్యాన్ని పెంచుతుందని, ఈ ప్రాంతంలో వాణిజ్యం, ఆర్థిక కార్యకలాపాలను ప్రోత్సహించడానికి దారి తీస్తుందని మోదీ అన్నారు.
Read Also : జనసేనలోకి వంగవీటి రాధా, ఏ సీటు ఇస్తారో?
