Lok Sabha Elections: సార్వత్రిక ఎన్నికలకు తొలి నోటిఫికేషన్ ఎలక్షన్ కమిషన్ విడుదల చేసింది. ఈ నోటిఫికేషన్ ప్రకారం ఏప్రిల్ 19వ తేదీన లోక్‌సభ మొదటి ఎన్నికలు జరగనున్నాయి. మొదటి విడతలో భాగంగా మొత్తం 21 రాష్ట్రాలు, కేంద్రపాలిత ప్రాంతాల్లోని 102 లోక్‌సభ నియోజక వర్గాలకు ఎన్నికలు నిర్వహించనున్నట్లు కేంద్ర ఎన్నికల సంఘం నోటిఫికేషన్‌లో పేర్కొంది. దీంతో నామినేషన్లు ప్రారంభమయ్యాయి. బీహార్‌లో నామినేషన్లకు ఈ నెల 28వ తేదీ వరకు అవకాశం ఇచ్చింది.
ఇది కూడా చూడండి: Naga chaitanya-Samantha: ఫస్ట్ టైం.. ఒకే వేదిక పై సమంత, నాగ చైతన్య!
అరుణాచల్ ప్రదేశ్, అస్సాం, ఛత్తీస్గఢ్, మధ్యప్రదేశ్, మహారాష్ట్ర, మణిపూర్, మేఘాలయ, మిజోరం, నాగాలాండ్, రాజస్థాన్, సిక్కిం, తమిళనాడు, త్రిపుర, ఉత్తరప్రదేశ్, ఉత్తరాఖండ్, పశ్చిమ బెంగాల్, అండమాన్, నికోబార్ దీవులు, జమ్మూకశ్మీర్, లక్షద్వీప్, పుదుచ్చేరి నియోజక వర్గాలకు సంబంధించిన అభ్యర్థులు నామినేషన్లు సమర్పించుకోవడానికి మార్చి 27వ తేదీని తుది గడువుగా నిర్ణయించింది. తమిళనాడులోని 39, రాజస్థాన్‌లోని 12, ఉత్తర్‌ప్రదేశ్‌లోని 8, మధ్యప్రదేశ్‌లోని 6 నియోజక వర్గాలకు మొదటి విడతలో పోలీంగ్‌ జరగనుంది.
ఇది కూడా చూడండి: Devara: దీంతో.. ‘దేవర’ పనైపోయినట్టే?
వీటితోపాటు మహారాష్ట్ర, ఉత్తరాఖండ్, అస్సాంలలోని ఐదేసి, బిహార్‌లోని 4, పశ్చిమ బెంగాల్‌లోని 3, అరుణాచల్ ప్రదేశ్, మణిపుర్‌, మేఘాలయల్లో రెండేసి, ఛత్తీస్గఢ్, మిజోరం, నాగాలాండ్, సిక్కిం, త్రిపుర, అండమాన్ నికోబార్, జమ్మూ కశ్మీర్‌, లక్షద్వీప్, పుదుచ్చేరిల్లో ఒక్కో లోక్‌సభ స్థానాలకు ఏప్రిల్ 19న మొదటి విడత ఎన్నికలు జరగనున్నాయి.
