MAN BIT THE SNAKE IN RETURN : ఇటీవల కాలంలో మనుషుల్లో అసహజమైన ప్రవర్తనలు పెరిగిపోతున్నాయి. వాటితో కొంత మంది ప్రాణాల మీదకీ తెచ్చుకుంటున్నారు. ఇలాంటి ఘటనే ఒకటి బీహార్‌లో(Bihar) చోటు చేసుకుంది. అక్కడ సంతోష్‌ లోహర్‌ అనే వ్యక్తి ఉంటాడు. రైల్వే లైన్‌లు వేసే పని చేస్తుంటాడు. ఈ మధ్య కాలంలో అతడు పని పూర్తి చేసుకుని రైల్వే బేస్‌ క్యాంప్‌కు వచ్చాడు. అక్కడ నిద్రపోతున్నాడు. ఆ సమయంలో ఓ విష పూరితమైన పాము అక్కడికి వచ్చింది. అతడిని కాటేసింది(SNAKE BITE). నిద్ర నుంచి మేల్కొన్న అతడికి విషయం అర్థం అయ్యింది. కోపం పట్టలేకపోయాడు. దాన్ని పట్టుకుని రెండు సార్లు తిరిగి కరిచేశాడు.
చదవండి : కల్కి పార్ట్‌2లో మరో కొత్త ప్రపంచాన్ని చూపిస్తా : నాగ్‌ అశ్విన్‌
అతడు పామును బలంగా రెండు సార్లు కరవడంతో(MAN BITE) అది చనిపోయింది. అంతే కాదు. అతడి ఒళ్లంతా విషం పాకిపోయింది. దగ్గరలో ఉన్న కూలీలు కొందరు అతడికి హుటాహుటిన ఆసుపత్రికి తీసుకెళ్లారు. అప్పటికే అతడికి విషయం ఒళ్లంతా నిండినట్లు వైద్యులు తేల్చారు. సత్వరాన అతడికి వైద్యం అందించారు. విషానికి విరుగుడు లభించడంతో అతడు ఇప్పుడు మెల్లగా కోలుకుంటున్నాడు. ఈ ఘటన ఇప్పుడు సోషల్‌ మీడియాలో వైరల్‌గా(Viral News) మారింది.
చదవండి : రాజమౌళిపై డాక్యుమెంటరీ.. ఓటీటీలో స్ట్రీమింగ్‌ ఎప్పుడంటే?
వైద్యులు ఇతడి చేసిన పని చూసి నిర్ఘాంత పోయారు. ఇలా పామును తిరిగి కాటేసే ప్రయత్నం సరికాదని అన్నారు. ఆ సమయంలో అది మరో సారి మనిషిని కాటేసే అవకాశం లేకపోలేదని తెలిపారు. ప్రమాదాన్ని మళ్లీ కొని తెచ్చుకోకూడదని హెచ్చరించారు. ఇలాంటి సంఘటనలు ఏమైనా జరిగితే సత్వరం వారిని ఆసుపత్రికి తీసుకురావాల్సిందిగా సూచించారు.
