teja sajja HanuMan movie Official Trailer released
యంగ్ హీరో తేజ సజ్జ(teja sajja), డైరెక్టర్ ప్రశాంత్ వర్మ(prasanth varma) కాంబోలో వస్తున్న క్రేజీ మూవీ “హనుమాన్” నుంచి మేకర్స్ ట్రైలర్ ను విడుదల చేశారు. ఈ వీడియో విజువల్ వండర్ మాదిరిగా అద్భుతంగా ఉంది. లెజెండరీ అంజనాద్రి లుక్ తో ట్రైలర్ స్టోరీ మొదలు కాగా.. తరువాత కాసేపటికి విలన్ ఎంట్రీ ఇస్తాడు. దీంతోపాటు బ్యాగ్రౌండ్ మ్యూజిక్, తేజ యాక్టింగ్ సీన్స్ ఈ చిత్రంపై ఆసక్తిని రేపుతున్నాయి. మరోవైపు వరలక్ష్మి శరత్ కుమార్ పెళ్లి డ్రెస్సులో చెప్పే డైలాగ్ ఈ సినిమాలో తనకు కీలక రోల్ దక్కినట్లు తెలుస్తోంది. ఆమె సైతం ఫైట్ చేయడం ఆ క్రమంలోనేే తేజ ఎంట్రీ ఇచ్చి సపోర్ట్ చేయడం వంటి అంశాలు వీడియోలో కనిపించాయి. అయితే ట్రైలర్ చివరలో సముద్రఖని వృద్ధుడి వేశంలో వచ్చి మానవాళి మనుగడను కాపాడటానికి నీ రాక అనివార్యం హనుమా అని చెప్పే డైలాగ్ ఆకట్టుకుంటుంది.
ఇక ట్రైలర్ నిర్మాణ విలువలు కూడా అద్భుతంగా ఉన్నాయి. ప్రైమ్‌షో ఎంటర్‌టైన్‌మెంట్స్ కె నిరంజన్ రెడ్డి బ్యానర్ పై వస్తున్న ఈ చిత్రం పలు భాషల్లో జనవరి 12, 2024న థియేటర్లలో విడుదల కానుంది. ఇక ఈ సినిమాకు రచన & దర్శకత్వం ప్రశాంత్ వర్మ చేయగా.. తేజ సజ్జ, అమృత అయ్యర్, వరలక్ష్మి శరత్ కుమార్, వినయ్ రాయ్, సముద్రఖని రాజ్ దీపక్ శెట్టి, వెన్నెల కిషోర్, గెటప్ శ్రీను, సత్య తదితరులు నటించారు. కె. నిరంజన్ రెడ్డి నిర్మాతగా వ్యవహరించారు. గౌరహరి, అనుదీప్ దేవ్, కృష్ణ సౌరభ్ సంగీతం అందించారు.
ఇది కూడా చూడండి: Sreeleela:కు ఎగ్జామ్స్..షూటింగ్‌కు బ్రేక్?
