indian-2-trailer-released-mega-fans-in-full-josh
Indian 2: అసలు ఇండియన్ 2 సినిమా ఆగిపోవడంతోనే.. మెగా పవర్ స్టార్ రామ్ చరణ్‌తో గేమ్ చేంజర్ స్టార్ట్ చేశాడు శంకర్. కానీ విక్రమ్ సినిమా హిట్‌తో ఇండియన్ 2ని మళ్లీ లైన్లోకి తీసుకొచ్చాడు కమల్ హాసన్. దీంతో శంకర్ ఒకేసారి రెండు సినిమాలు చేయాల్సి వచ్చింది. దీని కారణంగానే గేమ్ చేంజర్ లేట్ అయింది. ఇక ఇప్పుడు షూటింగ్ చివరి దశకు రాగా.. భారతీయుడు 2 రిలీజ్‌కు రెడీ అవుతోంది. జూలై 12న ఇండియన్ 2 రిలీజ్ అవుతున్న నేపథ్యంలో లేటెస్ట్‌గా ట్రైలర్ రిలీజ్ చేశారు. ఇక ఈ ట్రైలర్ అదిరిపోయే రెస్పాన్స్ అందుకుంటోంది. శంకర్ రేంజ్ అవుట్ పుట్‌కి ఫిదా అవుతున్నారు. అయితే.. భారతీయుడు సినిమా లెక్క ప్రకారం.. ప్రస్తుతం 106 ఏళ్ల వయసులో ఉన్న సేనాపతిని చూసి మైండ్ బ్లాంక్ అయిందని అంటున్నారు.
చదవండి:Rajasaab: వారే.. వారే.. వచ్చేశాడు ‘రాజాసాబ్’.. మారుతి, తమన్ సాలిడ్ అప్టేట్!
అసలు 106 ఏళ్ల వృద్ధుడు ఎలా ఫైట్స్ చేస్తాడు? అనేది ట్రోలింగ్‌కు దారి తీసింది. కానీ దీనికి శంకర్ ఇచ్చిన క్లారిటీ అదిరిపోయింది. చైనాలో లూ జియాన్ అనే మార్షల్ ఆర్ట్స్ మాస్టర్ 120 ఏళ్ల వయస్సులోను గాల్లో ఎగురుతున్నారు, కిక్స్ ఇస్తున్నారు, ఫైట్స్ చేస్తున్నారని తెలిపారు. ఆ ప్రేరణతో సేనాపతి పాత్రని తీర్చిదిద్దినట్టుగా శంకర్ తెలిపారు. ఇక ఇండియన్ 2 ట్రైలర్‌లో కమల్ హాసన్ ఫైట్స్, లుక్ చూసి ఫిదా అవుతున్నారు మెగా ఫ్యాన్స్. 106 ఏళ్ల సేనాపతితో ఈ రేంజ్ ఫైట్స్, అవుట్ పుట్ అంటే.. ఇక మెగా పవర్ స్టార్ రామ్ చరణ్‌తో ఇంకెలా ఉంటుందోనని.. అంటున్నారు. చరణ్ ఎంట్రీకి, శంకర్ ఎలివేషన్‌కి థియేటర్లు దద్దరిల్లిపోతాయని అంటున్నారు. ఎప్పుడొచ్చిన ఈ సినిమా మామూలుగా ఉండదని అంచనాలు పెంచేసుకుంటున్నారు.
