Rohini: Rohini is angry with the senior journalist
Bharateeyudu 2: కొన్ని సినిమాలు చరిత్రలో నిలిచిపోతాయి. అలాంటి వాటిలో భారతీయుడు టాప్ ప్లేస్‌లో ఉంటుంది. అసలు ఈ సినిమాతో శంకర్ ప్రతి ఒక్క భారతీయుడిని కదిలించాడు. అలాంటి సినిమాను అలాగే వదిలేసి ఉండాల్సింది.. సీక్వెల్ చేయకపోయి ఉంటే బాగుండేది.. అని భారతీయుడు 2 చూసిన తర్వాత కొందరు చేస్తున్న కామెంట్స్ ఇవి. అసలు ఈ సినిమాను శంకర్ తీసాడా? అనే పోస్టులు కూడా సోషల్ మీడియాలో కనిపిస్తున్నాయి. ఓవరాల్‌గా భారతీయుడు సినిమా మిక్స్డ్ టాక్ సొంతం చేసుకుంది.
ఇది కూడా చూడండి: Rohini: సీనియర్ జర్నలిస్ట్‌పై మండిపడ్డ రోహిణి
వాస్తవానికైతే.. 28 ఏళ్ల తర్వాత శంకర్ సీక్వెల్ చేస్తున్నాడనేసరికి.. సినిమా పై అంచనాలు గట్టిగా ఏర్పడ్డాయి. ఖచ్చితంగా.. ఇండియ‌న్ 2 బాక్సాఫీస్ వ‌ద్ద రికార్డులు తిర‌గ‌రాయ‌డం ఖాయ‌మ‌ని అంతా అనుకున్నారు. కానీ డివైడ్ టాక్‌తోనే సరిపెట్టుకుంది భారతీయుడు 2. దీంతో.. ఫస్ట్ డే వసూళ్లు కూడా యావరేజ్‌గానే ఉన్నాయి. మొదటి రోజు వరల్డ్ వైడ్‌గా 26 కోట్ల వరకు నెట్ వసూళ్లు వచ్చినట్టుగా చెబుతున్నారు.
ఇది కూడా చూడండి: Type writing : కాలగర్భంలోకి టైప్‌ రైటింగ్‌.. ఈ ఏడాదే ఆఖరి పరీక్షలు!
త‌మిళంలో 17 కోట్లు, తెలుగులో 8 కోట్ల వరకు కలెక్షన్స్ సొంతం చేసుకున్న‌ట్లు స‌మాచారం. మొత్తంగా.. గ్రాస్ పరంగా చూస్తే ప్రపంచ వ్యాప్తంగా 60 కోట్ల వరకు మాత్రమే వచ్చినట్టుగా తెలుస్తోంది. ఇది కమల్ హాసన్ లాస్ట్ ఫిల్మ్ విక్రమ్ వసూళ్ల కంటే తక్కువ. విక్రమ్ మొద‌టిరోజు 60 కోట్ల వరకు రాబ‌ట్టి రికార్డ్ క్రియేట్ చేసింది. ఇక క‌మ‌ల్‌హస‌న్ కీలక పాత్రలో న‌టించిన ‘క‌ల్కి 2898 ఏడీ’ మూవీ ఫస్ట్ డే ఏకంగా 190 కోట్లు రాబట్టింది. కానీ సేనాపతి మాత్రం మ్యాజిక్ క్రియేట్ చేయలేకపోయాడు. మరి.. లాంగ్ రన్‌లో భారతీయుడు ఏం చేస్తాడో చూడాలి.
