ఈ ఏడాదిలో ఇప్పటికే రెండు సినిమాలతో థియేటర్లోకి వచ్చాడు మాస్ మహారాజా. అయితే రెండు సార్లు బోల్తా కొట్టేశాడు రవితేజ. భారీ బడ్జెట్‌తో భారీ అంచనాల మధ్య వచ్చిన ‘ఖిలాడి’ మూవీ.. అదే రేంజ్‌లో ఫ్లాప్ అయింది. ఇటీవల వచ్చిన ‘రామారావు ఆన్ డ్యూటీ’ కూడా నిరాశే మిగిల్చింది. దాంతో రవితేజ అభిమానులు తమ హీరోకు ఒక్క హిట్ పడాలని ఆశగా ఎదురు చూస్తున్నారు. రవితేజ కూడా సక్సెస్ ట్రాక్ ఎక్కడానికి స్పీడ్‌గా దూసుకొస్తున్నాడు. అందుకే తక్కువ గ్యాప్‌లో ‘ధమాకా’ చూపించేందుకు రెడీ అవుతున్నాడు. శ్రీలీల హీరోయిన్‌గా నటిస్తున్న ‘ధమాకా’ సినిమా త్రినాధరావు నక్కిన దర్శకత్వంలో తెరకెక్కుతోంది.
పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంస్థలు నిర్మిస్తున్నాయి. ఇప్పటికే రిలీజ్ అయిన జింతాక్ మాస్ బీట్ సినిమా పై అంచనాలను పెంచేసింది. దాంతో 23న మాస్ రాజా అంటూ సాగే మరో మాస్ బీట్‌ను రిలీజ్ చేసేందుకు రెడీ అవుతున్నారు. ఇక తాజాగా ఈ సినిమా షూటింగ్ కంప్లీట్ చేసినట్లు ప్రకటించారు మేకర్స్. ఈ మూవీని దీపావళికి రిలీజ్ చేసే ఆలోచనలో ఉన్నారు. అందుకే షూటింగ్ కంప్లీట్ అయిన సందర్భంగా పటాకులు పేలుస్తూ సంబురాలు చేసుకుంది చిత్ర యూనిట్. దాంతో వీలైనంత త్వరగా పోస్ట్ ప్రొడక్షన్ వర్క్ కంప్లీట్ చేయబోతున్నారు. త్వరలోనే మరిన్ని అప్డేట్స్‌ రానున్నట్లు వెల్లడించారు. మరి క్రాక్‌తో మెప్పించి.. ఆ తర్వాత బ్యాక్ టు బ్యాక్ ఫ్లాప్స్ అందుకున్న రవితేజ.. ధమాకాతో ఎలాంటి రిజల్ట్ అందుకుంటాడో చూడాలి.
