ఇప్పటి వరకు మాస్ మహారాజాను హీరోగా మాత్రమే చూశారు.. కానీ ఈసారి మాత్రం విలన్‌గా చూడబోతున్నాం. లాస్ట్ ఇయర్ ఎండింగ్‌లో ధమాకా మూవీతో వచ్చి 100 కోట్లు కొల్లగొట్టిన మాస్ మహారాజా.. సంక్రాంతికి వాల్తేరు వీరయ్యతో 200 కోట్ల క్లబ్‌లో చేరిపోయాడు. ఇక ఇప్పుడు 100 కోట్ల హ్యాట్రిక్ కొట్టేందుకు రెడీ అవుతున్నారు. మాస్ రాజా నటిస్తున్న లేటెస్ట్ యాక్షన్ క్రైమ్ థ్రిల్లర్ ‘రావణసుర’.. రిలీజ్‌కు రెడీ అవుతోంది. సుధీర్ వర్మ దర్శకత్వంలో తెరకెక్కుతున్న ఈ సినిమాను.. ఏప్రిల్ 7న గ్రాండ్‌గా విడుదల చేయబోతున్నారు. ఇప్పటికే షూటింగ్ పూర్తి చేసుకొని.. ప్రస్తుతం పోస్ట్ ప్రొడక్షన్ పనులు జరుపుకుంటోంది. ఇప్పటికే చిత్ర యూనిట్ ప్రమోషన్స్ స్టార్ట్ చేసింది. ఈ నేపథ్యంలో ‘రావణసుర’ నుంచి టీజర్ రిలీజ్ చేశారు. ఇక ఈ టీజర్ స్టార్టింగ్ నుంచి ఎండింగ్ వరకు ఆసక్తికరంగా సాగింది. టైటిల్‌కు తగ్గట్టుగా పది తలల రావణుడిలాగే.. రవితేజలో డిఫరెంట్ షేడ్స్‌ను టీజర్‌లో చూడొచ్చు. అలాగే టీజర్ ఎండింగ్‌లో ‘సీతని తీసుకోని వెళ్లాలి అంటే సముద్రం దాటితే సరిపోదు, ఈ రావణాసురుడిని దాటి వెళ్లాలి’ అనే డైలాగ్ చాలా పవర్ ఫుల్ గా ఉంది. ఈ ఒక్క డైలాగ్ చాలు.. సినిమాలో రవితేజ క్యారెక్టర్‌ని ప్రెజెంట్ చేయడానికి. అలాగే యాక్షన్ సీక్వెన్స్ కూడా అదరిపోయింది. అయితే ఈ సినిమాలో ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ హీరోయిన్లుగా నటిస్తున్నారు. కానీ టీజర్‌లో పూర్తి స్థాయిలో వాళ్లను రివీల్ చేయలేదు. ఇక విలన్‌గా సుశాంత్ మేకోవర్ సరికొత్తగా ఉంది. మొత్తంగా రావణాసుర టీజర్ సినిమా పై ఒక్కసారిగా హైప్ క్రియేట్ చేసింది. అభిషేక్ పిక్చర్స్, RT టీమ్‌వర్క్స్ సంస్థలు సంయుక్తంగా ఈ సినిమాను నిర్మిస్తున్నాయి. హర్షవర్ధన్ రామేశ్వర్, భీమ్స్ సిసిరోలియో సంగీతం అందిస్తున్నారు.
‘రావణసుర’ టీజర్:
