Rajamouli another multistarrer plan.. This time Allu Arjun
Rajamouli: ఆర్ఆర్ఆర్(RRR)తో సంచలనం సృష్టించిన దర్శకుడు రాజమౌళి (SS Rajamouli) నుంచి అప్డేట్ కోసం సినిమా ప్రేమికులు అంతా ఎదురుచూస్తున్నారు. ఆయన ప్రస్తుతం సూపర్ స్టార్ మహేష్ బాబు(Mahesh Babu)తో తెరకెక్కించే సినిమా పనుల్లో బిజీగా ఉన్నాడు. అయితే ఈ ప్రాజెక్ట్ తరువాత ఆయన ఎవరితో చేయబోతున్నాడనే విషయంపై తాజాగా సోషల్ మీడియాలో ఓ వార్త చక్కర్లు కొడుతుంది. పుష్ఫ సినిమాతో పాన్ ఇండియా హీరోగా ఎదిగి, నేషనల్ అవార్డు గెలుచుకున్న అల్లు అర్జున్(Allu Arjun)తో ఓ మల్టీస్టారర్ సెట్ చేశారనే వార్త వైరల్‌గా మారింది. ఈ మల్టీస్టారర్ చిత్రంలో బన్నితో పాటు మరో హీరో ఎవరో కాదు తమిళ స్టార్ అజిత్(Ajith) కూడా ఉన్నారని తెలుస్తోంది. ఇక వీరిద్దరి ఇమేజ్‌ని దృష్టిలో పెట్టుకొని రాజమౌళి తండ్రి విజయేంద్ర ప్రసాద్ ఓ స్టైలిష్ కథను రెడీ చేశారట. దాన్ని రిజిస్ట్రేషన్ కూడా చేయించినట్టుగా తెలుస్తోంది.
చదవండి:Lavanya పెళ్లి చీరపై ఇవి గమనించారా..?
రచయిత విజయేంద్ర ప్రసాద్(Vijayendra Prasad) ఈ సినిమా కథను అజిత్, అల్లు అర్జున్‌లకు చెప్పారని, వాళ్లు కూడా గ్రీన్ సిగ్నల్ ఇచ్చారని తెలుస్తోంది. ఈ మూవీకి సాయి మాధవ్ బుర్రా డైలాగ్ రైటర్‌గా వర్క్ చేస్తున్నాడని తెలుస్తోంది. మహేష్ బాబుతో మూవీ తర్వాత రాజమౌళి ఈ మూవీని సెట్స్‌పైకి తీసుకెళ్లనున్నాడట. ఇక అల్లు అర్జున్ ప్రస్తుతం పుష్ప 2 చిత్రీకరణలో బిజీగా ఉన్నారు. ఆ తరువాత డైరెక్టర్ సందీప్ రెడ్డి వంగాతో చిత్రాన్ని ఒప్పుకున్నాడు. నెక్ట్స్ త్రివిక్రమ్‌తో మరో మూవీకి గ్రీన్ సిగ్నల్ ఇచ్చాడు. ఈ రెండూ పూర్తయ్యే లోగా అటు రాజమౌళి, మహేశ్ బాబు మూవీ అయిపోతుంది. తరువాత వీరి కాంబినేషన్లో సినిమా ఉంటుంది అని తెలుస్తుంది. ఈ ప్రాజెక్ట్ ఓకే అయితే ఇక లెక్కలు మరోలా ఉంటాయని ఇండస్ట్రీ వర్గాలు కోడై కూస్తున్నాయి.
చదవండి:Anasuya: అందుకే హీరోయిన్ అవకాశాలు రాలేదు
