Pushpa 2: పుష్ప పార్ట్ 1 హిట్‌తో పార్ట్ 2ని అంతకుమించి అనేలా ఆడియెన్స్ ముందుకు తీసుకురాబోతున్నాడు సుకుమార్. రీసెంట్‌గా రిలీజ్ చేసిన పుష్ప 2 టీజర్ యూట్యూబ్‌లో ఓ రేంజ్‌లో ట్రెండ్ అవుతోంది. ఏకధాటిగా యూట్యూబ్ లో 138 గంటల పాటు టాప్ ట్రెండింగ్‌లో ఉండటంతో సరికొత్త రికార్డు క్రియేట్ చేసింది. ఇప్పటివరకు 111 మిలియన్లకు పైగా వ్యూస్, 1.55 మిలియన్స్‌ లైక్స్ సొంతం చేసుకుంది. ఈ లెక్కన పుష్ప 2 మేనియా ఏ రేంజ్‌లో ఉందో అర్థం చేసుకోవచ్చు. అందుకే.. పుష్ప2కి పోటీగా మిగతా సినిమాలు థియేటర్లోకి రావడానికి భయపడుతున్నాయి.
ఇది కూడా చూడండి: Lokesh Kanagaraj: రాఘవ లారెన్స్‌తో లోకేష్ కనగరాజ్..?
ఆగష్టు 15న పుష్ప2 రిలీజ్ కానుంది. ఆ రోజు తెలుగు నుంచి మరో సినిమా రిలీజ్ కావడం లేదు కానీ.. హిందీ నుంచి మాత్రం కాస్త పోటీ ఏర్పడంది. ముఖ్యంగా హిందీలో రోహిత్ శెట్టి ‘సింగమ్ ఎగైన్’ సినిమా పుష్ప2కి పోటీగా రిలీజ్‌కు రెడీ అవుతోంది. అజయ్‌ దేవగన్ ప్రధాన పాత్రలో నటిస్తున్న ఈ సినిమాలో దీపికా పదుకొనే, టైగ‌ర్ ష్రాఫ్, రణ్‌వీర్ సింగ్ కీ రోల్స్ పోషిస్తున్నారు. దీంతో.. ఈ సినిమా నుంచి పుష్ప 2కు హిందీ బెల్ట్‌లో గట్టి పోటీ ఉంటుందని అనుకున్నారు. కానీ ఇప్పుడు పుష్పగాడి క్రేజ్‌కు సింగం వెనకడుగు వేసినట్టుగా తెలుస్తోంది. లేటెస్ట్ అప్టేడ్ ప్రకారం.. సింగం ఎగైన్ సినిమా రిలీజ్ డేట్‌ను పోస్ట్ పొన్ చేసుకున్నట్లుగా తెలుస్తోంది.
ఇది కూడా చూడండి: Kalki 2898: అయోమయంలో ‘కల్కి’ మేకర్స్? అసలు రిలీజ్ ఎప్పుడు?
ఇదే నిజమైతే.. నార్త్‌లో పుష్ప2కి తిరుగులేదనే చెప్పాలి. మొదటి రోజు హిందీ బెల్ట్‌లో భారీ ఓపెనింగ్స్ రావడం పక్కా అంటున్నారు. ఇప్పటి వరకు నార్త్‌లో టాప్‌లో ఉన్న సౌత్ సినిమాల రికార్డ్స్ అన్నింటిని బ్రేక్ చేయనుందని అంటున్నారు. మరి రోజు రోజుకి అంచనాలను పెంచేస్తున్న పుష్ప2.. ఎలాంటి రికార్డ్స్ క్రియేట్ చేస్తుందో చూడాలి.
