Om Bheem Bush Collections : ఓం భీమ్‌ బుష్‌ సినిమా తొలి ఆటతోనే మంచి పేరు తెచ్చుకుంది. అంచనాలను మించి హిట్‌ సినిమాగా దూసుకుని వెళుతోంది. ఈ సినిమాకి తొలి రెండు రోజుల్లోనే ప్రపంచ వ్యాప్తంగా 10.44 కోట్లకు పైగా గ్రాస్‌ వసూళ్లు(COLLECTIONS) వచ్చాయి. తొలిరోజు 4.6 కోట్లు రాగా, రెండో రోజు 5.84 కోట్లు వచ్చాయి. అమెరికాలో మంచి వసూళ్లు వస్తున్నాయని టాక్‌. ఇక మూడో రోజు వీకెండ్‌ ఆదివారం కావడంతో మరింత వసూళ్లు వచ్చినట్లు మూవీ టీమ్‌ చెబుతోంది. అనధికారిక సమాచారం ప్రకారం మూడో రోజు మరో రెండు, మూడు కోట్ల వరకు వచ్చినట్లు తెలుస్తోంది.
చదవండి : హోలీ రోజు రంగులు ఎందుకు చల్లుకుంటారో తెలుసా?
కామెడీ సినిమాగా రిలీజైన ఈ సినిమా మొదటి నుంచే మంచి పేరు తెచ్చుకుంది. సినిమాకు ముందు రిలీజైన పోస్టర్‌, టీజర్‌, ట్రైలర్లు కూడా కడుపుబ్బా నవ్వించాయి. ఇప్పుడు సినిమా విడుదలైన తర్వాత కూడా అదే జోష్‌ కొనసాగుతోంది. బాక్సాఫీసు వద్ద కాసుల వర్షం కురిపిస్తోంది. పెట్టిన బడ్జెట్‌కు లాభాలు కచ్చితంగా వస్తాయని టాక్‌ వినిపిస్తోంది.
చదవండి : వాకింగ్‌లో ఈ తప్పులు చేయొద్దు
ఓం భీమ్‌ బుష్‌(OM BHEEM BHUSH) సినిమాలో రాహుల్‌ రామకృష్ణ, ప్రియదర్శి ప్రధాన పాత్రల్లో నటించారు. వీరితో పాటు ప్రీతి ముకుందన్‌, అయేషా ఖాన్‌, శ్రీకాంత్‌ అయ్యంగార్‌, ఆదిత్య మీనన్‌, రచ్చ రవి తదితరులు ఇతర పాత్రల్లో చక్కగా ఒదిగిపోయారు. రచన, దర్శకత్వం శ్రీ హర్ష కొనుగంటి చూసుకున్నారు. యు.వి.క్రియేష‌న్స్‌ స‌మ‌ర్ప‌ణ చేసింది.
