NTR and Hrithik look leaked from 'War 2'!
War 2: ప్రస్తుతం యంగ్ టైగర్ ఎన్టీఆర్ ముంబైలో ఉన్నాడు. అక్కడ హృతిక్ రోషన్‌తో కలిసి వార్ 2 షూటింగ్‌తో బిజీగా ఉన్నాడు. ఎన్టీఆర్ ముంబైలో ల్యాండ్ అవడమే లేట్ అన్నట్టు.. అక్కడి మీడియా గ్రాండ్ వెల్కమ్ చెప్పింది. అక్కడి నుంచి టైగర్ ముంబైకి సంబంధించిన ఫోటోలు సోషల్ మీడియాను షేక్ చేస్తునే ఉన్నాయి. లేటెస్ట్‌గా ఊర్వశీ రౌతేలా సెల్ఫీ ఒకటి షేర్ చేయగా సోషల్ మీడియాను షేక్ చేసింది. అలాగే.. 2034లో ఎన్టీఆర్ సీఎం అవుతాడనే వీడియో కూడా ఒకటి వైరల్ అయింది. ఇక ఇప్పుడు వార్2 సెట్స్ నుంచి ఎన్టీఆర్, హృతిక్ రోషన్ ఫోటోలు లీక్ అయ్యాయి. ఇద్దరూ కూడా స్టైలిష్ లుక్‌లో కనిపిస్తున్నారు. హృతిక్ రోషన్‌తో యుద్ధానికి తలపడడానికి వెళ్తున్నట్టుగా ఎన్టీఆర్ కనిపించాడు. అల్రేడీ హృతిక్ రోషన్ వార్ చేస్తున్నట్టుగా ఉన్నాడు.
చదవండి:Jai Hanuman: జై హనుమాన్ కొత్త పోస్టర్ చూశారా!
దీంతో ప్రస్తుతం ఈ లీక్డ్ పిక్స్ సోషల్ మీడియాను షేక్ చేస్తున్నాయి. కానీ ఇలాంటి లీకులు జరగకుండా చూడాలని అంటున్నారు ఫ్యాన్స్. కానీ ఈ లీక్డ్ లుక్స్ మాత్రం ఎన్టీఆర్ ఫ్యాన్స్‌కు మంచి కిక్ ఇస్తున్నాయనే చెప్పాలి. హృతిక్ రోషన్‌తో ఎన్టీఆర్ చేయబోయే యుద్ధం ఎలా ఉంటుందనే ఆసక్తి అందరిలోను ఉంది. ముఖ్యంగా ఈ ఇద్దరు.. ప్రజెంట్ ఉన్న హీరోల్లో ఇండియాస్ టాప్ మోస్ట్ డేంజరస్ డ్యాన్సర్స్. అలాంటి స్టార్స్‌కు నాటు నాటు రేంజ్‌లో ఓ పాట పడితే ఇండియా మొత్తం దద్దరిల్లిపోతుంది. అందుకే వార్ 2 మేకర్స్ ఓ మాస్ సాంగ్‌ను ప్లాన్ చేస్తున్నట్టుగా సమాచారం. ఈ సినిమాను బ్రహ్మాస్త్ర దర్శకుడు అయాన్ ముఖర్జీ తెరకెక్కిస్తుండగా.. యశ్ రాజ్ ఫిలింస్ స్పై యూనివర్స్‌గా భారీ బడ్జెట్‌తో నిర్మిస్తోంది. మరి వార్ 2 ఎలా ఉంటుందో చూడాలి.
చదవండి:Prabhas: రాజాసాబ్.. ఇది ఇప్పట్లో కష్టమే?
