Most Popular Hero Prabhas : మోస్ట్‌ పాపులర్‌ హీరోల లిస్టులో రెబల్‌ స్టార్‌ ప్రభాస్‌(PRABHAS) అగ్ర స్థానాన్ని దక్కించుకున్నారు. ఈ విషయాన్ని ఆర్మాక్స్‌(ORMAX ) మీడియా సంస్థ వెల్లడించింది. ఈ సంస్థ ఎప్పటికప్పుడు మార్కెట్‌ని విశ్లేషించి, సర్వేలు చేసి ఆ వివరాలను వెల్లడిస్తూ ఉంటుంది. టాప్‌ హీరో, టాప్‌ సినిమా, టాప్‌ సిరీస్‌లు, టాప్‌ నటులు తదితర వివరాలను ప్రకటిస్తూ ఉంటుంది. తాజాగా ఈ సంస్థ జూన్‌ నెలకు సంబంధించిన వివరాలను విడుదల చేసింది. మేలో అగ్ర హీరోగా మొదటి స్థానానికి చేరుకున్న ప్రభాస్‌ జూన్‌లో కూడా అదే స్థానంలో కొనసాగుతున్నట్లు తెలిపింది.
చదవండి : ఎన్నికల రేసు నుంచి తప్పుకున్న బైడెన్
ప్రభాస్‌ మొదటి స్థానంలో ఉండగా షారూఖ్‌ ఖాన్‌ రెండో స్థానంలో కొనసాగుతున్నారు. తమిళ హీరో దళపతి విజయ్‌ మూడో స్థానంలో ఉన్నారు. అల్లూ అర్జున్‌, ఎన్టీఆర్‌లు నాలుగు, ఐదు స్థానాల్లో కొనసాగుతున్నారు. ఆరో స్థానంలో మహేషబాబు ఉన్నారు. ఏడో స్థానంలో అక్షయ్‌ కుమార్‌, ఎనిమితో స్థానంలో సల్మాన్‌ ఖాన్‌ కొనసాగుతున్నారు. ఇక గేమ్‌ ఛేంజర్‌ సినిమా ద్వారా అలరించేందుకు సిద్ధం అవుతున్న రామ్‌ చరణ్‌(RAMCHARAN) మాత్రం ఈ జాబితాలో తొమ్మిదో స్థానంలో ఉన్నారు. పదో స్థానాన్ని బాలీవుడ్‌ హీరో హృతిక్‌ రోషన్‌ కైవశం చేసుకున్నారు. ఇక మోస్ట్‌ పాపులర్‌ హీరోయిన్ల(MOST POPULAR HEROINS) జాబితాలో అగ్ర స్థానంలో అలియాభట్‌(ALIA BHATT) నిలిచారు. సమంత, దీపిక పదుకొణె, కాజల్‌, కత్రినా కైఫ్‌, నయనతార, రష్మిక, కియారా అడ్వాణీ, కృతి సనన్‌లు వరుసగా రెండు నుంచి పది స్థానాల్లో ఉన్నారు. ఆ తర్వాతి స్థానంలో త్రిష ఉన్నారు.
చదవండి : భారత్‌లో పరీక్షా విధానాలన్నీ మోసం : రాహుల్‌గాంధీ
