మాటల మాంత్రికుడు త్రివిక్రమ్ శ్రీనివాస్.. సూపర్ స్టార్ మహేష్ బాబు కాంబినేషన్లో.. భారీ బడ్జెట్‌తో ఓ సినిమా రూపొందుతున్న సంగతి తెలిసిందే. ఇటీవలె షూటింగ్ మొదలైన ఈ చిత్రం.. ఫస్ట్ షెడ్యూల్ కూడా పూర్తి చేసుకుంది. అయితే దసరా తర్వాత సెకండ్ షెడ్యూల్ స్టార్ట్ చేయాలని అనుకున్నారు. కానీ ఇంతలోనే మహేష్ బాబు ఇంట్లో విషాదం చోటు చేసుకుంది. మహేష్ బాబు తల్లి ఇందిరా దేవి మృతి చెందడం మహేష్‌ను కలిచివేసింది. ఘట్టమనేని అభిమానులు కూడా ఎమోషనల్ అవుతున్నారు. ఈ నేపథ్యంలో ఎస్ఎస్ఎంబీ 28 షెడ్యూల్ ప్లానింగ్ చేంజ్ చేసినట్టు తెలుస్తోంది. ప్రస్తుత పరిస్థితుల్లో మహేష్‌ను ఏ మాత్రం డిస్టర్బ్ చేయకూడదని ఫిక్స్ అయ్యాడట త్రివిక్రమ్. ఈ లోపు మహేష్ లేని సీన్స్‌తో కొత్త షెడ్యూల్ ప్లాన్ చేస్తున్నట్టు తెలుస్తోంది. ఇదిలా ఉంటే.. ఈ ప్రాజెక్ట్ గురించిన ఓ న్యూస్ ఇండస్ట్రీ వర్గాల్లో జోరుగా వినిపిస్తోంది. మామూలుగా అయితే త్రివిక్రమ్ సినిమాల్లో ఐటెం సాంగ్ ఎక్కువగా ఉండవు. కానీ మహేష్ సినిమాలో ఓ స్పెషల్ ఐటెం సాంగ్‌ను ప్లాన్ చేస్తున్నట్టు వార్తలొస్తున్నాయి. ఇప్పటికే ఈ సినిమాను హై ఓల్టేజ్ యాక్షన్ ఎంటర్టైనర్‌గా తెరకెక్కిస్తున్నాడని వార్తలొస్తున్నాయి. అలాగే మహేష్ లుక్ ఓ రేంజ్‌లో ఉంటుందని హింట్ ఇస్తునే ఉన్నారు. ఇక ఇప్పుడు కొత్తగా ఐటెం సాంగ్ అంటున్నారు. దాంతో ఈ సారి త్రివిక్రమ్-మహేష్ మాస్‌ కంటెంట్‌తో దుమ్ములేపడం ఖాయమని చెప్పొచ్చు. అయితే ఇలాంటి వార్తల్లో క్లారిటీ రావాల్సి ఉంది. ఇక పూజా హెగ్డే హీరోయిన్‌గా నటిస్తున్న ఈ సినిమాకు.. తమన్ సంగీతం అందిస్తున్నాడు. మరి SSMB 28 కొత్త షెడ్యూల్ ఎప్పుడు స్టార్ట్ అవుతుందో చూడాలి.
