KGF Hero Yash for Jai Hanuman directed by Prashant Varma?
Jai Hanuman: చిన్న సినిమాగా మొదలై పాన్ ఇండియా లెవల్లో పెద్ద విజయాన్ని అందుకొని సెన్సేషన్ క్రియేట్ చేసింది హనుమాన్ సినిమా. ప్రశాంత్ వర్మ దర్శకత్వంలో తేజ సజ్జ హీరోగా తెరకెక్కిన ఈ పాన్ ఇండియా మూవీ.. ప్రీ రిలీజ్ బిజినెస్‌కు పది రెట్లు ఎక్కువ వసూళ్లు చేసింది. వరల్డ్ వైడ్‌గా 30 రోజుల్లో 300 కోట్లకు పైగా కలెక్షన్స్‌ అందుకుంది. దీంతో సీక్వెల్‌గా రానున్న జై హనుమాన్ పై అంచనాలు భారీగా పెరిగిపోయాయి. ఇప్పటికే జై హనుమాన్ ప్రీ ప్రొడక్షన్ వర్క్ స్టార్ట్ చేశాడు ప్రశాంత్ వర్మ. 2025లో జై హనుమాన్ రిలీజ్‌కు ప్లాన్ చేస్తున్నారు. ఈసారి మరింత భారీ బడ్జెట్‌తో విజువల్ గ్రాండియర్‌గా సీక్వెల్‌ను ప్లాన్ చేస్తున్నారు. దీంతో హనుమాన్, శ్రీరాముడి పాత్ర కోసం స్టార్ హీరోలని తీసుకోవాలని ట్రై చేస్తున్నారు.
చదవండి:Cheap Song Promo Kannada: ఉపేంద్ర చీప్ సాంగ్.. ఇదేదో తేడాగా ఉందే? అన్నీ డబుల్ మీనింగ్‌లేనా?
ప్రశాంత్ వర్మ మైండ్‌లో హనుమాన్‌గా మెగాస్టార్ చిరంజీవి, రాముడిగా మహేష్‌ బాబు ఉన్నారు. కానీ ఇది వర్కౌట్ అయ్యే అవకాశాలు తక్కువగా ఉన్నాయి. దీంతో హనుమాన్‌గా ఎవరు నటిస్తున్నారనేది ఆసక్తికరంగా మారింది. దగ్గుబాటి రానా ఈ పాత్రలో కనిపిస్తాడనే టాక్ ఉంది. కానీ ఇప్పుడు కెజిఎఫ్‌ సిరీస్‌తో పాన్ ఇండియా హీరోగా స్టార్ డమ్ అందుకున్న యష్ కోసం ట్రై చేస్తున్నట్టుగా తెలుస్తోంది. ఇదే కాదు.. బాలీవుడ్‌ డైరెక్టర్ నితీష్ తివారి భారీగా ప్లాన్ చేస్తున్న రామాయణంలో కూడా రావణుడిగా యష్ పేరు వినిపిస్తోంది. దీంతో యష్ రావణుడిగా కనిపిస్తాడా? లేదా హనుమాన్‌గా కనిపిస్తాడా? అనేది ఇంట్రెస్టింగ్‌గా మారింది. ఒకవేళ యష్ గనుక జై హనుమాన్‌లో నటిస్తే మాత్రం.. అంచనాలు పీక్స్‌కు వెళ్లిపోవడం గ్యారెంటీ. అయితే.. ఇలాంటి రూమర్స్ వినడానికి బాగానే ఉంటాయి.. కానీ ప్రశాంత్ వర్మ ఏం ప్లాన్ చేస్తున్నాడనేది తెలియాల్సి ఉంది.
చదవండి:Samantha: అంత పెద్ద హీరోనే రిజెక్ట్ చేసిందా?
