Samantha rejected Chiranjeevi's Vishwambhara movie
Samantha: ఏ మాయ చేశావే సినిమాతో అక్కినేని నాగచైతన్యకు సాలిడ్ బ్రేక్ రాగా.. ఈ సినిమాతోనే సమంత హీరోయిన్‌గా ఎంట్రీ ఇచ్చి మంచి స్టార్ డమ్ అందుకుంది. అయితే ఫస్ట్ సినిమాతో చైతన్య, సామ్ ప్రేమలో పడ్డారు.. కొన్నాళ్ల తర్వాత పెద్దల్ని ఒప్పించి పెళ్లి కూడా చేసుకున్నారు. కానీ కొన్నాళ్లు తర్వాత ఇద్దరికీ పడకపోవడంతో విడాకులు తీసుకొని ఎవరి దారి వారు చూసుకున్నారు. ప్రస్తుతం సింగిల్‌గానే ఉంటున్న సమంత కెరీర్ పై ఫుల్ ఫోకస్ పెట్టింది. కానీ ఆ మధ్య మయోసైటిస్ అనే అరుదైన వ్యాధి బారిన పడి కోలుకోకుండా అయింది. ఏకంగా సినిమాలకు కూడా బ్రేక్ ఇచ్చింది. కానీ త్వరలోనే తిరిగి ఎంట్రీ ఇస్తున్నానని రీసెంట్‌గానే ఓ వీడియో షేర్ చేసింది. కానీ సమంతకు పెద్దగా ఆఫర్లు రావడం లేదనేది ఇండస్ట్రీ వర్గాల మాట. బాలీవుడ్ సంగతి పక్కన పెడితే.. తెలుగులో సమంతను పట్టించుకునే వారే లేరంటున్నారు. అలాంటి సామ్ తెలుగులో ఓ పెద్ద హీరోతో నటించే ఛాన్స్ వస్తే రిజెక్ట్ చేసినట్టుగా తెలిసింది. ఆ హీరో మరెవరో కాదు మెగాస్టార్ చిరంజీవి అట.
చదవండి:Ketika Sharma: ఇలా చూపిస్తే కుర్రాళ్లు ఏమైపోవాలి పాప?
చిరు నటిస్తున్న లేటెస్ట్ ఫిల్మ్ విశ్వంభర. మెగాస్టార్ కెరీర్లోనే భారీ బడ్జెట్‌తో యూవీ క్రియేషన్స్ బ్యానర్ పై ఈ సినిమాను విజువల్ వండర్‌గా తెరకెక్కిస్తున్నాడు దర్శకుడు మల్లిడి వశిష్ట. ఈ సినిమాతోనే సీనియర్ బ్యూటీ త్రిష తెలుగులోకి రీ ఎంట్రీ ఇస్తోంది. అయితే ముందుగా ఈ సినిమాలో హీరోయిన్‌గా సమంతను అనుకున్నారట. కానీ ఆ సమయంలో సినిమాలకు దూరంగా ఉండటంతో పాటు.. మయోసైటిస్ చికిత్స తీసుకుంటుండంతో నో చెప్పిందట సామ్. దీంతో ఈ మెగా ఆఫర్ త్రిష దగ్గరికి వెళ్లినట్టుగా సమాచారం. కానీ మెగాస్టార్ చిరంజీవికి సమంత నో చెప్పిందనే వార్త మాత్రం సోషల్ మీడియాలో వైరల్‌గా మారింది. మరి మళ్లీ రెడీ అంటున్న సమంతకు నెక్స్ట్ ఎవరు ఛాన్స్ ఇస్తారో చూడాలి.
చదవండి:Rambha daughter: రంభ కూతురిని చూస్తే రచ్చ రంబోలానే!
