Jai Hanuman: 'Jai Hanuman' aside... 'Brahma Rakshasa' ahead?
Jai Hanuman: యంగ్ డైరెక్టర్ ప్రశాంత్ వర్మ, హనుమాన్ సినిమాతో ఊహించిన హిట్ అందుకున్నాడు. ఈ సినిమాతో పాన్ ఇండియా ప్రేక్షకులకు గూస్ బంప్స్ తెప్పించాడు. అంతేకాదు.. క్లైమాక్స్‌లో సీక్వెల్ ‘జై హనుమాన్’ ప్రకటించి హైప్ క్రియేట్ చేశాడు. రాముడికి హనుమంతుడు ఇచ్చిన మాట ఏంటని? ఆడియెన్స్ వెయిట్ చేస్తున్నారు. వచ్చే ఏడాదిలోనే ఈ సినిమా రిలీజ్ చేస్తామని.. ఇప్పటికే అనౌన్స్ చేశారు. శ్రీరాముడు, హనుమంతుడు పాత్రల కోసం స్టార్ హీరోలని తీసుకునే ప్లానింగ్‌లో ఉన్నారు. దీంతో జై హనుమాన్ పై అంచనాలు గట్టిగానే ఉన్నాయి.
ఇది కూడా చూడండి: Harihara Viramallu: ‘హరిహర వీరమల్లు’ టీజర్ టైం ఫిక్స్.. కానీ దర్శకుడికి బిగ్ షాక్!?
అయితే.. ఈ సినిమా అనుకున్న సమయానికి పూర్తయ్యేలా లేదు. ఎందుకంటే.. ఈ సినిమా కంటే ముందే మరో భారీ ప్రాజెక్ట్ చేయడానికి రెడీ అవుతున్నాడు ప్రశాంత్ వర్మ. హనుమాన్ దెబ్బకు బాలీవుడ్‌లో పడ్డ ప్రశాంత్ వర్మ.. స్టార్ హీరో రణ్‌వీర్ సింగ్‌తో సినిమా చేయడానికి రెడీ అవుతున్నట్టుగా వార్తలు వస్తునే ఉన్నాయి. ఇంకా అధికారిక ప్రకటన రాలేదు గానీ.. మైత్రీ మూవీ మేకర్స్ ఈ ప్రాజెక్ట్‌ను టేకప్ చేసినట్టుగా చెబుతున్నారు. ఈ సినిమా కోసం రణ్‌వీర్ చాలా ఎగ్జైటింగ్‌గా ఉన్నాడని.. వీలైనంత త్వరగా షూటింగ్ స్టార్ట్ అయ్యే ఛాన్స్ ఉందంటున్నారు.
ఇది కూడా చూడండి: Hero Satyadev: యంగ్ హీరో కోసం కదిలొస్తున్న రాజమౌళి, సుకుమార్, కొరటాల!
అంతేకాదు.. ఈ సినిమాకు రాక్షస లేదా బ్రహ్మ రాక్షస అనే టైటిల్‌ను పరిశీలిస్తున్నట్లుగా తెలుస్తోంది. రణవీర్ పాత్రలో నెగటివ్ షేడ్స్ ఉంటాయని.. అందుకే ఈ టైటిల్స్ అనుకుంటున్నట్టుగా చెబుతున్నారు. దాదాపు 300 కోట్లకు పైగా బడ్జెట్‌తో ఈ ప్రాజెక్ట్ ఉంటుందని టాక్. ఇదే నిజమైతే.. జై హనుమాన్ 2026కి షిఫ్ట్ అయినట్టే. అలాగే.. ప్రశాంత్ వర్మ కెరీర్‌ ఇక్కడి నుంచి నెక్స్ట్ లెవల్‌కి వెళ్లడం గ్యారెంటీ.
