Prashant Varma, Ranveer Singh's project.. This is the final clarity!
Prashant Varma: ప్రశాంత్ వర్మ సినిమాటిక్ యూనివర్స్‌ క్రియేట్ చేసుకొని.. భారీ ప్రాజెక్ట్స్ చేయబోతున్నాడు యంగ్ అండ్ టాలెంటెడ్ డైరెక్టర్ ప్రశాంత్ వర్మ. PVCUలో భాగంగా వచ్చిన హనుమాన్ సినిమా బాక్సాఫీస్ దగ్గర కాసుల వర్షం కురిపించింది. ఇదే జోష్‌లో సీక్వెల్ మూవీ జై హనుమాన్ చేయడానికి రెడీ అవుతున్నాడు. అయితే.. ఈ లోపు బాలీవుడ్ స్టార్ హీరో రణ్‌వీర్ సింగ్‌తో ప్రశాంత్ వర్మ ఓ సినిమా చేయబోతున్నట్టుగా వార్తలు వచ్చాయి. ఇది కూడా PVCUలో భాగంగానే వస్తుందని అన్నారు. ఈ చిత్రానికి ‘బ్రహ్మ రాక్షస’ అనే టైటిల్‌ కూడా వినిపించింది. మైత్రీ మూవీ మేకర్స్ భారీ బడ్జెట్‌తో ఈ చిత్రాన్ని నిర్మించనుందని అన్నారు. కానీ సడెన్గా ఈ ప్రాజెక్ట్ ఆగిపోయిందని, హీరో దర్శకుడి మధ్య క్రియేటివ్ డిఫెరెన్సెస్ వచ్చాయని, దీంతో ఎవరి దారి వారు చూసుకున్నారని వార్తలు వచ్చాయి.
చదవండి:Niveda Pethuraj: పోలీసులతో హీరోయిన్ గొడవ.. కానీ నమ్మేలా లేదే?
ఇప్పుడు దీనిపై అఫీషియల్ స్టేట్మేంట్ ఇచ్చారు మేకర్స్. ప్రస్తుతానికి ఈ క్రేజీ ప్రాజెక్ట్ ఆగిపోయినట్టుగా తెలిపారు. భవిష్యత్తులో ఉంటే ఈ ప్రాజెక్ట్ ఉండొచ్చు అన్నారు. కానీ ఒకరి వర్క్ పట్ల ఒకరికి అపారమైన గౌరవం ఉన్నట్టుగా రణ్‌వీర్ మరియు ప్రశాంత్ వర్మ చెప్పుకున్నట్టుగా ఈ ప్రెస్ నోట్ ద్వారా తెలిపారు. ‘ప్రశాంత్ వర్మలో స్పెషల్ టాలెంట్ ఉంది. మేం ఇద్దరం కలిశాం. ఓ సినిమా ప్లాన్ చేశాం. ఐడియా కూడా అనుకున్నాం. భవిష్యత్తులో ఎగ్జైటింగ్ సినిమా కోసం మేం కలిసి పని చేయవచ్చు’ అని రణవీర్ సింగ్ తెలిపారు. ప్రశాంత్ వర్మ కూడా భవిష్యత్తులో మేం కలిసి పని చేస్తాం పేర్కొన్నారు. నిర్మాణ సంస్థ కూడా ఫ్యూచర్లో తప్పకుండా సినిమా చేస్తామని ప్రామిస్ చేసింది. మరి ప్రశాంత్ వర్మ నెక్స్ట్ ప్రాజెక్ట్ జై హనుమాన్‌ను సెట్స్ పైకి తీసుకెళ్తాడేమో చూడాలి.
