»Its Official Janhvi Kapoor Part Of Ram Charan Buchi Babu Sana Project
RC 16: రామ్ చరణ్‌కి జోడీగా జాన్వీ.. ఇది అఫీషియల్..!
ఇన్ని రోజులుగా జరుగుతు వస్తున్న ప్రచారాన్ని నిజం చేస్తూ.. అఫీషియల్ అనౌన్స్మెంట్ ఇచ్చేశారు మూవీ మేకర్స్. ఎన్టీఆర్ హీరోయిన్‌తో రామ్ చరణ్ రొమాన్స్‌కు రెడీ అవుతున్నట్టుగా ప్రకటించారు. దీంతో ట్రెండింగ్‌లో ఉంది తంగం.
RC 16: మెగా పవర్ స్టార్ రామ్ చరణ్ తేజ్ ప్రస్తుతం శంకర్ డైరెక్షన్లో ‘గేమ్ ఛేంజర్’ సినిమా చేస్తున్నాడు. మార్చిలో ఈ సినిమా షూటింగ్ కంప్లీట్ అయ్యే ఛాన్స్ ఉంది. ఇక ఈ సినిమా తర్వాత ‘ఉప్పెన’ డైరెక్ట‌ర్ బుచ్చిబాబుతో ఆర్సీ 16 ప్రాజెక్ట్ చేస్తున్నాడు చరణ్. ఇప్పటికే ఈ సినిమాకు సంబంధించిన అఫీషియల్ అనౌన్స్మెంట్ రాగా.. త్వ‌ర‌లోనే షూటింగ్ ప్రారంభించ‌నున్నారు. అయితే.. చాలా రోజులుగా ఈ సినిమా హీరోయిన్ విషయంలో చర్చలు జరుగుతునే ఉన్నాయి. పలువురు ముద్దుగుమ్మల పేర్లు వినిపించినప్పటికీ అధికారిక ప్రకటన బయటికి రాలేదు. కానీ బాలీవుడ్ హాట్ బ్యూటీ జాన్వీ కపూర్.. ఆర్సీ 16లో దాదాపుగా ఫిక్స్ అయిందని వార్తలు వచ్చాయి. ఎట్టకేలకు పుకార్లను నిజం చేస్తూ అధికారిక ప్రకటన చేసింది ఆర్సీ 16 చిత్ర యూనిట్.
మార్చి 6న జాన్వీ కపూర్ పుట్టినరోజు సందర్భంగా బర్త్ డే విష్ చేస్తూ అఫీషియల్ అనౌన్స్మెంట్ ఇచ్చారు. దీంతో చరణ్, జాన్వీ పెయిర్ ఎలా ఉండబోతుందో అని మెగాభిమానులు ఆసక్తిగా ఎదురు చూస్తున్నారు. జాన్వీ కపూర్ ఇప్పటికే ఎన్టీఆర్ నటిస్తున్న ‘దేవర’ సినిమాలో నటిస్తోంది. ఈ సినిమాతోనే టాలీవుడ్‌లోకి అడుగుపెడుతోంది. ఇక ఇప్పుడు చరణ్‌తో రెండో ఛాన్స్ దక్కిచుకుంది. దీంతో తెలుగులో జాన్వీకి ఆర్సీ 16 రెండో సినిమా కానుంది. అయితే.. పుష్ప 2 లో కూడా జాన్వీ కపూర్ నటించే అవకాశం ఉందని తెలుస్తోంది. పుష్ప: ది రూల్‌లో జాన్వీతో ఓ స్పెషల్ సాంగ్ చేయించాలని భావిస్తున్నాడట సుకుమార్. కానీ.. దీనికి పై ఇంకా క్లారిటీ రావాల్సి ఉంది. ఏదేమైనా.. తల్లి శ్రీదేవి లాగే తెలుగులో ఓ ఊపు ఊపేసేలా ఉంది జాన్వీ.
