Hero Dhanush: కెరీర్ స్టార్టింగ్ నుంచి విభిన్న సినిమాలు చేస్తు వస్తున్నాడు కోలీవుడ్ స్టార్ హీరో ధనుష్. కేవలం తమిళ్‌లోనే కాదు తెలుగుతో పాటు హిందీలోను వరుస సినిమాలు చేస్తున్నాడు ధనుష్. చివరగా కెప్టెన్ మిల్లర్ సినిమాతో ఆడియెన్స్ ముందుకొచ్చిన ధనుష్.. ప్రస్తుతం వరుస సినిమాలతో బిజీగా ఉన్నాడు. నటుడిగానే కాకుండా నిర్మాతగా, దర్శకుడిగా కూడా అరడజను సినిమాలు ధనుష్ చేతిలో ఉన్నాయి. రాయన్ అనే సినిమాను స్వీయ దర్శకత్వంలో తెరకెక్కిస్తున్నాడు.
ఇది కూడా చూడండి: Mukhtar Ansari : ముఖ్తార్ అంతిమయాత్రలో అల్లకల్లోలం.. అప్రమత్తమైన పోలీసులు
అలాగే.. టాలీవుడ్ టాలెంటెడ్ డైరెక్టర్ శేఖర్ కమ్ముల దర్శకత్వంలో ‘కుబేర’ అనే సినిమా చేస్తున్నాడు. ఈ సినిమాలో ధనుష్ సరసన రష్మిక హీరోయిన్‌గా నటిస్తుండగా.. కింగ్ నాగార్జున్ కీలక పాత్రలో నటిస్తున్నాడు. ప్రస్తుతం ఈ సినిమా షూటింగ్ కూడా శరవేగంగా జరుగుతోంది. రీసెంట్‌గా కుబేర ఫస్ట్ లుక్ రిలీజ్ చేయగా మంచి రెస్పాన్స్ వచ్చింది. ఇక.. లేటెస్ట్‌గా ఇళయా రాజ బయోపిక్ కూడా అనౌన్స్ చేశాడు ధనుష్. ఈ చిత్రానికి అరుణ్ మాథేశ్వరన్ దర్శకత్వం వహిస్తున్నాడు.
ఇది కూడా చూడండి: YS Sharmila: రాష్ట్రాన్ని జగన్ తాకట్టు పెట్టారు
ఇలా క్రేజీ లైనప్‌తో దూసుపోతున్న ధనుష్.. రెమ్యూనరేషన్‌ను భారీగా పెంచినట్టుగా తెలుస్తోంది. ఇళయరాజా బయోపిక్‌కు 50 కోట్ల పారితోషికం అందుకుంటున్నట్టుగా తెలుస్తోంది. అది కూడా రెండు భాగాలు అంటున్నారు కాబట్టి.. మొత్తంగా వంద కోట్లు తీసుకుంటున్నట్లు సమాచారం. చివరగా ధనుష్ చేసిన కెప్టెన్ మిల్లర్ కోసం 30 కోట్లు తీసుకున్నట్టుగా సమాచారం. ఇక ఇప్పుడు ఏకంగా 20 కోట్లు పెంచేశాడనే చెప్పాలి.
